Unicode
အပိုင်း၄၇၈- နှလုံးဆက်နွယ်ကူ
အဆုံးတွင်တော့ အဖြူဝတ်လူမှာ
မလွတ်ခဲ့ပါချေ။ သူ့မှာ သွေးစွေးနီကလန်နှင့်
ရန်ငြှိုးရှိပုံရသော်ငြား တားမြစ်နယ်မြေ၌
အကျဉ်းချခံထားရသည့်အကြောင်းအရင်းကို
ယူရှောင်းမိုတွေးလိုက်မိသည်နှင့်
လွှတ်ပေးချင်စိတ် တစ်စက်မှမရှိတော့ပေ။
ယူရှောင်းမိုက အဖြူဝတ်လူနှင့်သူ့တွင်
သွေးသားတော်စပ်မှုမရှိဟု တစ်ဖက်သတ်တွေး
လိုက်သည်။ သူတို့အလွန်တရာရုပ်ချင်းဆင်
နေရသည့်အကြောင်းကိုတော့ သွေးမျိုးဆက်၏
မျိုးရိုးဗီဇများအပေါ် အပြစ်ပုံချလိုက်လေသည်။
မျိုးဆက်တစ်ဆက်နှစ်ဆက်ကျော်ပြီးနောက်တွင်
ဘိုးဘေးများ၏ရုပ်ရည်သွင်ပြင်နှင့်
ပြန်ဆင်ခြင်းနှင့် တူသည်။
ဤဥပမာမှာ အခြေအမြစ်မရှိတာတော့
မဟုတ်ပေ။
သူ့ရဲ့ အားကျီပုံစံကိုယ့်ကိုယ်ကိုဖြေသိမ့်ခြင်းကို
ရှားရှားပါးပါးပင် လင်းရှောင်ကဘာမှ
ပြန်မပြောချေ။
(t/n; အားကျီက လုရွှင်ရေးတဲ့ အားကျီရဲ့
ဖြစ်ရပ်မှန်ဆိုတဲ့ အခန်းဆက်ဝတ္ထုဖြစ်ပါတယ်။
အားကျီဟာ 'စိတ်ပိုင်းဆိုင်ရာအနိုင်ပွဲ' တွေကြောင့်
ကျော်ကြားပြီး ၊ အလွန်တရာရှုံးနိမ့်အစော်ကား
ခံနေရရင်တောင် ကိုယ့်ကိုယ်ကိုဖြေသိမ့်လှည့်စား
တဲ့နေရာမှာဆရာကြီးပေါ့။ အားကျီက
သူ့ထက်ကံဆိုးသူတွေကိုအနိုင်ကျင့်ပြီး
သူ့ထက်အင်အားကြီးသူတွေကိုတော့
ကြောက်ပါတယ်။ သူ့ကိုဖိနှိပ်သူတွေရဲ့
အာဏာဆန်မှုတွေကို သူအရှုံးပေးရပေမယ့်
သူ့ကိုယ်သူကိုတော့ စိတ်ပိုင်းဆိုင်ရာအရ
'ပိုမြင့်တယ်' လို့တွေးပါတယ်)
သူတို့က အမ်မရမ်သိုင်းတောင်တွင်
နှစ်ရက်ကြာနေခဲ့သည်။ နှစ်ဦးသားက
ထပ်နေချင်စိတ်မရှိတော့ဘဲ ရှုန်းရှောင်တို့ကို
နှုတ်ဆက်ဖို့ပြင်နေကြသည်။
သူတို့တွေထွက်သွားတော့မယ်ဆိုတာကြား
လိုက်ရတော့ ဝေ့ပိုင်က ဖူချန်ချုံးကို
ခေါ် သွားပေးဖို့ အလောတကြီးတောင်းဆို
လိုက်သည်။
သူတို့ခွဲခွာရမယ့်လမ်းဆုံမှာ ဝေ့ပိုင်က
ယူရှောင်းမိုရဲ့လက်ကိုဆုပ်ကိုင်လိုက်တယ်၊
"ငါတို့ပြန်မတွေ့နိုင်ခင် နှစ်တွေဘယ်လောက်
ကြာဦးမလဲမသိနိုင်ဘူး။ ဖြစ်နိုင်မယ်ဆိုရင်
ငါမျှော်လင့်တာက......"
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)