//Unicode//
ခြေနှစ်ချောင်းမကယ်ကောင်း
ဓားပြခေါင်းဆောင်ဘက်မှာ လူငါးယောက်ပဲ
ရှိသည်။ သူတို့ လူအင်အားကများတယ်ဆိုပေမဲ့
စူးစမ်းရှာဖွေရေးအဖွဲ့အင်အားက သူတို့နှစ်ဆခန့်
ရှိကာ ခေါင်းဆောင်၏ခွန်အားက သူနှင့်
တန်းတူလောက်မှာ ရှိပုံရလေသည်။
ဓားပြခေါင်းဆောင်သည် အနိုင်အရှုံးကို
အမြန် တွက်ချက်ကြည့်ပြီးနောက် သူ့အတွက်
အားသာမှာ မဟုတ်တာကို သိပြီး သူ့လူလေးယောက်
နှင့်အတူ ထွက်ပြေးသွားတော့သည်။
လွတ်မြောက်ရန်လုပ်နေစဉ် တစ်ချိန်တည်းမှာပဲ
ညီအစ်မနှစ်ယောက်၏ မှော်အိတ်များကို
လုယူသွားလေ၏။
"မိန်းကလေးတို့ အဆင်ပြေကြရဲ့လား"
ခေါင်းဆောင်ဖြစ်သူသည် ရှဲ့ကျွင်းဟုအမည်ရကာ
သူတို့ဆီ အရင်ဆုံး အပြေးအလွှား
ရောက်လာသူလည်းဖြစ်သည်။ သူက မော့ရွှယ်၏
သနားစဖွယ်ပုံစံကို ပူပင်စွာကြည့်လိုက်၏။
သူ့အကြည့်က သူမရင်ဘတ်ထက်က ဖြူဖြူဖွေးဖွေး
တောင်ပို့နှစ်ခုဆီ ရွေ့သွားသည်။ တံတွေးမြိုချ
လိုက်ပြီးနောက်မှာ အကြည့်ပြန်လွှဲလိုက်လေသည်။
မော့ရွှယ်က ရှဲ့ကျွင်းက ချောမောပြီး သူ့ရုပ်ရည်က
သူမအကြိုက်ဖြစ်သည်ကို မြင်ရာ သူမ
ခြေထောက်များပျော့ခွေသွားချိန် သူ့လက်မောင်းများ
အကြား ခိုဝင်လိုက်၏။
ရှဲ့ကျွင်းက ရှက်ရွံ့နေသောအမူအယာဖြင့် ချက်ချင်း
ထောက်ကူပေးလျက် ပူပင်စွာမေးလိုက်လေသည်၊
"မိန်းကလေး ဘာဖြစ်လို့လဲ။ တစ်နေရာရာ
ထိခိုက်မိထားသေးလား"
မော့ရွှယ်က သူ့ရင်ဘတ်ပေါ်ကို အားနည်းစွာ
မှီကာ ငိုရှိုက်လျက် ခေါင်းယမ်း၏။
"ကျွန်မ မခိုက်မိထားပါဘူး။ ပျော်လွန်းလို့
ငိုမိတာပါ။ လူကြီးမင်းသာ အချိန်မီ
ရောက်မလာရင်လေ...ကျွန်မ... ကျွန်မ...
*ဟင့် ဟင့်* လူကြီးမင်းရဲ့ ကျေးဇူးကို
မော့ရွှယ် ဘယ်လိုပြန်ဆပ်ရမလဲ မသိတော့ပါဘူးရှင်"
"မိန်းကလေးမော့ ပြန်ဆပ်ဖို့မလိုပါဘူးဗျာ။
ကျွန်တော် ရှဲ့က ဘာမှမလုပ်ခဲ့ရပါဘူး"
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)