The Legendary Master's Wife [မြန်မာဘာသာပြန်]

Chapter-466

Unicode
အပိုင်း၄၆၆- တားမြစ်နယ်မြေ

စံအိမ်တော်ကြီးထဲက တားမြစ်နယ်မြေရဲ့
ဇာတ်ကြောင်းကို လွန်ခဲ့တဲ့နှစ်ပေါင်းငါးထောင်
ခြောက်ထောင်ဆီ လမ်းကြောင်းပြန်ရှာနိုင်သည်။

မျိုးဆက်တစ်ဆက်ကနေတစ်ဆက်
သွေးစွေးနီကလန်အတွင်းလက်ဆင့်ကမ်း
လာခဲ့တဲ့ဒဏ္ဍာရီိတွေအရ ၊
သွေးစွေးနီကလန်ကလွန်ခဲ့တဲ့နှစ်တွေတုန်းက
စုဆောင်းထားခဲ့တဲ့ရတနာတွေကို
တားမြစ်နယ်မြေမှာ သိုဝှက်ထားကြတယ်လို့
ဒဏ္ဍာရီိတစ်ခုမှာဖော်ပြထားတယ်။
နောက်ထပ်ဒဏ္ဍာရီိတစ်ခုကကျတော့
တားမြစ်နယ်မြေကို မျိုးဆက်တစ်ခုချင်းစီရဲ့
ခေါင်းဆောင်တွေက အရေးကြီးအရာတွေ
ကန့်သတ်ထားဖို့ အသုံးပြုခဲ့တယ်လို့
ဆိုတယ်။ ဟိုလိုသည်လိုနဲ့၊ ဒဏ္ဍာရီိတွေက
အမှန်ကို ကောလဟလကနေ ခွဲခြားလို့မရသည်အထိ
ပေါ် လာခဲ့သည်။

ယူယုံက သွေးစွေးနီကလန်ရဲ့ကိစ္စတွေအကြောင်း
သိပ်မပူတာကြောင့် သူမကဝါးတားတားပဲ
သိတယ်။

လင်းရှောင်နဲ့ဆွေးနွေးပြီးတဲ့နောက်တော့
ယူရှောင်းမိုက တားမြစ်နယ်မြေကို
ထောက်လှမ်းကြည့်ဖို့ဆုံးဖြတ်လိုက်သည်။

ကတ်ချုံးက ပုံရိပ်ယောင်ကိုမဖယ်ပေးပေ။
သူ့သခင်ရဲ့တောင်းဆိုချက်အတိုင်း
သူမကိုအိပ်ယာပေါ် အိပ်ခိုင်းလိုက်တယ်။
ထို့နောက် စံအိမ်လေးကနေမထွက်ခင်
ယူရှောင်းမိုက ယူဟယ့်ရဲ့သရုပ်ကိုသုံးပြီး
သခင်မလေးကိုးက အနားယူနေတာကြောင့်
သူမကိုမနှောင့်ယှက်ဖို့ အစေခံမလေးကို
ပြောလိုက်သည်။

အစေခံလေးက သံသယမဝင်ဘဲ
ခေါင်းညိမ့်ပြလိုက်၏။

ယူယုံရဲ့မှတ်ဉာဏ်အရ၊ နှစ်ယောက်သားက
တားမြစ်နယ်မြေဆီအလောတကြီးသွားလိုက်ကြ
သည်။

တားမြစ်နယ်မြေက သခင်မလေးကိုး၏စံအိမ်မှ
နာရီဝက်ခန့်သာကွာဝေးသည်။ သူတို့နှစ်ယောက်က
လျင်လျင်မြန်မြန်လှုပ်ရှားလိုက်ပြီး
ငါးမိနစ်မပြည့်ခင်မှာ​ရောက်သွား၏။

တားမြစ်နယ်မြေရဲ့လုံခြုံရေးက အလွန်အမင်း
တင်းကြပ်လှသည်။ အတွင်းဘက်ရော၊
အပြင်ဘက်ရောမှာ လုံခြုံရေးသုံးထပ်ရှိသည်။
လင်းရှောင်ရဲ့အာရုံအရ တားမြစ်နယ်မြေကို
စောင့်ရှောက်နေတဲ့ နတ်ဒေဝါအဆင့်ကျင့်ကြံသူ
နှစ်ယောက်နဲ့ ဧကရာဇ်အဆင့်ကျင့်ကြံသူ
ဆယ်ယောက်ရှိနေတယ်။ စီစဉ်ထားပုံက
ဖြုံလောက်စရာဖြစ်ပြီး ဖောက်ဝင်တဲ့သူတွေကို
မြေအောက်ကမ္ဘာဆီတန်းပို့ပေးနိုင်၏။