Unicode
အပိုင်း၄၅၁- လင်းယုန်အိုကြီး
ရွှေဝတ်ရုံကိုမြင်လိုက်ရတဲ့အခါမှာတော့
ယူရှောင်းမိုရဲ့အမူအရာက တဖြည်းဖြည်းချင်း
အက်ကွဲလာတော့သည်။ ဘာကြီးတုန်း?
ဘာလို့စုတ်ပြတ်နေတာလဲ? သူတစ်ခုခုများ
မှားရွတ်မိလို့လား?
ယူရှောင်းမိုက မည်မျှပင်ကြိုးစားပါစေ
အဖြေရှာမရဖြစ်နေလေသည်။ သူက
သတ္တုစားသားရဲလေးကိုမေးကြည့်ချင်သော်လည်း
မျက်လုံးတစ်ဖက်အမာရွတ်က လာနေပြီဖြစ်ရာ
မေးခွန်းကိုဘေးခဏဖယ်ထားလိုက်ရတော့သည်၊
စိတ်ဝိဉာဉ်တိုက်ခိုက်ခြင်းခံထားရသော
မျက်လုံးတစ်ဖက်မှာ သတိကြီးကြီးထားနေပြီ
ဖြစ်၏။
ယူရှောင်းမိုကိုနားချိန်မပေးဘဲ မျက်လုံးတစ်ဖက်
အမာရွတ်ရဲ့စွမ်းအားက ရုတ်တရက်ပေါက်ကွဲ
ထွက်လာပြီး ပိုမိုလျင်မြန်သောအဟုန်ဖြင့်
ယူရှောင်းမိုရှေ့တွင်ပေါ် လာကာ
သူ့ဓားကတောင်ခွဲခြမ်းနိုင်သည့်အားတစ်ခုနှင့်
ယူရှောင်းမိုခေါင်းဆီလွှဲခုတ်လိုက်လေသည်။
ယူရှောင်းမိုက ရှောင်မယ်လို့လူတိုင်းတွေးနေစဉ်မှာပဲ
ထိုအစားသူက ကာဆီးဖို့လက်မြှောက်လိုက်၏......
ဓားက ယူရှောင်းမိုကိုနှစ်ပိုင်းဖြတ်တော့မယ်ဆိုတာ
မြင်လိုက်ရတော့ အသည်းငယ်တဲ့လူတစ်ချို့က
မျက်လုံးများကာလိုက်ကြတော့သည်။
လူအုပ်ထဲမှကြည့်နေသောရှောင်ဟိန်တို့မှာ
သူတို့ရင်ဘတ်ကနေနှလုံးတွေခုန်ထွက်လာတော့မယ်
လို့တောင် ခံစားနေရသည်။
ကလန်_
ဓားသွားက ယူရှောင်းမိုလက်နှင့်ထိခတ်မိသွားသည့်
အခါ စွမ်းအင်လှိုင်းတစ်ခုထွက်ပေါ် လာပြီိး
လေပြင်းတစ်ခုဝှေ့သွား၏။
လူတိုင်းက ယူရှောင်းမိုလက်တော့
တစ်ဖက်ပြတ်တော့မှာပဲလို့ထင်ထားခဲ့သည်၊
သို့ပေမယ့် နည်းနည်းလေးမှထိခိုက်မှုမရှိဘဲ
အပြည့်အစုံရှိနေသေး၏။ ဆန့်ကျင်ဘက်အနေနဲ့
ဖိအားကြောင့်မျက်နှာနီရဲသွားရသည်မှာ
မျက်လုံးတစ်ဖက်အမာရွတ်ဖြစ်နေသည်။
ဘာ..... ဖြစ်သွားတာလဲ?
ယူရှောင်းမိုက ဝမ်းသာသွားသည်။ သူ
တကယ့်ရတနာတစ်ခုတွေ့လိုက်ရတာပဲ။
ရုပ်ပိုင်းဆိုင်ရာတိုက်ခိုက်မှုများက
သတ္တုစားသားရဲတွင်အသုံးမဝင်ပေ။
မျက်လုံးတစ်ဖက်အမာရွတ်ရဲ့ဓားကို
ဘယ်လိုကိုင်တွယ်ရမလဲလို့သူစိတ်ပူနေခဲ့ရာ
အခုတော့ ဖြေရှင်းနည်းကောင်းတစ်ခု
ရသွားပြီဖြစ်၏။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)