စုန့်ထင်ယွီပြန်ပြောလိုက်တယ်: 'အဲ့တာဆိုရင် မင်းကိုငါဘယ်လိုပြောစေချင်တာလဲ?ဒီလောက်နှစ်တွေအကြာကြီးမင်းတို့အားလုံး စုန့်မိသားစုဆီကနေအကျိုးအမြတ်တွေရနေခဲ့တာလေ။စုရန် သိပ်ပြီးလောဘမကြီးနဲ့လေ'
မျက်လုံးထဲမှာတော့လှောင်တဲ့အကြည့်တွေနဲ့ သူပြုံးလိုက်တယ်။သူ့ရဲ့လက်ချောင်းရှည်ကြီးတွေနဲ့ သူမမျက်နှာကိုပွတ်သက်လိုက်ပြီး: 'ပြီးတော့ဘယ်လိုအကြောင်းပြချက်နဲ့ မင်းငါ့ကိုမေးရဲတာလဲ?ငါကမင်းကိုပိုက်ဆံချေးပေးရအောင် မင်းကိုမင်းဘာထင်နေလို့လဲ?'
သူ့ရဲ့စကားတွေက သူမနှလုံးသားကိုအပ်နဲ့ထိုးနေသလိုမျိုးခံစားရတဲ့အတွက် စုရန်မျက်နှာလေးညှိုးကျသွားတယ်။
အဲ့တာကအရမ်းကြီးမနာကျင်ရပေမယ့် သူမအသက်ရှူဖို့တော့ခက်ခဲစေတယ်။
သူမခေါင်းငုံ့လိုက်ပြီးနှုတ်ခမ်းတွေသာကိုက်နေလိုက်တယ်။အချိန်အတော်ကြာမှ သူမ သူ့ကိုပြန်မော့ကြည့်လာပြီး: ' ကျွန်မတောင်းပန်ပါတယ်။ကျွန်မကိုယ်ကျွန်မအထင်ကြီးမိသွားတယ်'
သူမကိုယ်သူမ အတတ်နိုင်ဆုံးတည်ငြိမ်နေအောင်ကြိုးစားခဲ့ပေမယ့် သူမရဲ့မျက်လုံးတွေကတော့နီလာခဲ့တယ်။
အဲ့တာအပြင် သူမရဲ့အသံကလဲကွဲအက်နေတယ်။
စုန့်ထင်ယွီလဲငြိမ်သက်စွာနဲ့နေခဲ့တယ်။သူ ပါးစပ်ကိုဖွင့်လိုက်ပြီး တစ်ခုခုပြောလိုက်ချင်ပေမယ့် နောက်ဆုံးမပြောဖြစ်ခဲ့ဘူး။ဘာလို့ဆိုတော့ စုရန်အခန်းအပြင်ထွက်သွားခဲ့လို့ဘဲ။
စုရန်ရဲ့သွယ်လျတဲ့နောက်ကျောကိုကြည့်ပြီး သူတုန်ယင်လာသလိုခံစားလိုက်ရတယ်။သူဆေးလိပ်မီးကို ငြိမ်းလိုက်ပြီး ကြမ်းပြင်ပေါ်ကိုပစ်ချလိုက်တယ်။
အဲ့ဒီအချိန်မှာသူ့ဖုန်းကမြည်လာခဲ့တယ်။
သူဖုန်းယူပြီးကြည့်လိုက်တော့ ဒီနေ့ချန်ကျင်ပြောတဲ့ ချီရွေ့ဖြစ်နေတယ်။
သူဖုန်းကိုဖြေလိုက်တယ်: 'ဘာလို့အစောကြီးနိုးနေတာလဲ?'
အမေရိကမှာဆိုရင် ခုမှမနက်၆နာရီ၇နာရီလောက်ဘဲရှိဦးမယ်။
YOU ARE READING
နောက်တခါလက်ထပ်ဖို့ဆိုတာမဖြစ်နိုင်ဘူး
RomanceSummary လေးနှစ်ကြာလက်ထပ်ပြီးတဲ့နောက် စုရန်နဲ့စုန့်ထင်ယွီတို့ကြားမှာအချစ်ဆိုတာမရှိခဲ့ပါဘူး။စုရန်ရဲ့ကိုယ်ဝန်ကြောင့်အတင်းအကျပ်လက်ထပ်ပေးခြင်းခံခဲ့ရတာပါ။စုန့်ထင်ယွီထင်ခဲ့တာကစုရန်ကစုန့်အိမ်ကိုဝင်လာဖို့အတွက်ရည်ရွယ်ချက်ရှိရှိနဲ့လှည့်စားခဲ့တဲ့မြေခွေးလိုမိန်း...