သူမဘေးကလူကတော်တော်ကိုစကားများတာဘဲ။သူမသူ့ကိုလှည့်ကြည့်လိုက်ပြီး: 'ကျွန်မကိုလာမနှောင့်ယှက်နဲ့။ကျွန်မရုပ်ရှင်ကြည့်မလို့'
စုန့်ထင်ယွီ: '....'
စုန့်ထင်ယွီကဒီလိုရုပ်ရှင်ကားတွေကိုသိပ်မကြိုက်ဘူး။သူကြည့်မယ်လို့သဘောတူခဲ့တာကသူမကိုအဖော်ပြုပေးချင်လို့။သူမကြောက်လို့အော်မယ်အချိန်ကိုဘဲသူစောင့်နေခဲ့တာ။သူမသူ့ရင်ခွင်ထဲကိုဝင်လာလို့ရှိရင်သူလဲပြန်ဖက်ထားမယ်ဆိုပြီးတွေးနေတာ။အရမ်းကိုလှပပြီးစိတ်ကူးယဉ်ဆန်မှာဘဲ။
ဒါပေမယ့်ရုပ်ရှင်ပြီးတဲ့အထိကိုစုရန်သူ့ကိုတစ်ခါမှလှည့်မကြည့်ခဲ့ဘူး။သူမ ရုပ်ရှင်က်ိုဘဲစူးစိုက်ကြည့်နေကာ သူဘေးမှာရှိနေတယ်ဆိုတာကိုတောင်မေ့နေတဲ့ပုံဘဲ။
တစ်နာရီခွဲကြာတော့ရုပ်ရှင်ပြီးသွားတယ်။စုန့်ထင်ယွီ သူ့ဘေးကအတွဲကြောင့်သူ့နားတွေတောင်မီးပွင့်သွားတော့မယ်လို့ခံစားနေရတယ်။ကောင်မလေးကအော်နေပြီးသူ့ရည်းစားကိုအတင်းဖက်ထားတာ။စုန့်ထင်ယွီကတော့သူတို့အားကျရုံကလွဲပြီးဘာမှမတတ်နိုင်ဘူး။
သူတို့ရုပ်ရှင်ရုံကနေပြန်ထွက်လာတော့ကိုးနာရီဘဲရှိသေးတယ်။သူတို့တွေညဈေးကိုလည်မလို့သွားလိုက်တယ်။အဲ့ဒီမှာလူတွေကအရမ်းကိုများပြီး ဈေးသည်တွေရောမုန့်ဆိုင်တွေရောအများကြီးဘဲ။နည်းနည်းတော့ဆူညံပေမယ့်စုရန်ကတော့အရမ်းကိုကြိုက်တယ်။
ဒီဈေးကိုဟောင်ကာင်ရဲ့ညဈေးယဉ်ကျေးမှုဆိုပြီးသတ်မှတ်ထားကြတာ။
ဟောင်ကောင်မြို့ဟောင်းရဲ့အထူးခြားဆုံးကတော့လမ်းရဲ့တစ်ဖက်ဆီမှာကြော်ငြာဘုတ်တွေကိုထောင်ထားပြီး ဘုတ်ပြားတစ်ခုဆီကပုံစံနဲ့အရောင်မတူကြဘူး။ဘုတ်ပြားတွေကညမရောက်မချင်းတောက်ပနေတာ အရမ်းကိုလှပတဲ့မြင်ကွင်းတစ်ခုဘဲ။
အခုစုရန်ဗိုက်ပြည့်နေတော့ ဘာမှထပ်မစားတော့ဘူး။
အချိန်လဲရောက်ရောစုန့်ထင်ယွီသူမလက်ကိုဆွဲပြီး: 'သွားကြရအောင်'
စုရန်လဲခေါင်းညိတ်ပြလိုက်တယ်။ဒီလူကဟိုတယ်ကိုကြိုတင်ဘိုကင်လုပ်ထားလို့သူမနားရအောင်ခေါ်သွားမလို့ထင်တယ်။
YOU ARE READING
နောက်တခါလက်ထပ်ဖို့ဆိုတာမဖြစ်နိုင်ဘူး
RomanceSummary လေးနှစ်ကြာလက်ထပ်ပြီးတဲ့နောက် စုရန်နဲ့စုန့်ထင်ယွီတို့ကြားမှာအချစ်ဆိုတာမရှိခဲ့ပါဘူး။စုရန်ရဲ့ကိုယ်ဝန်ကြောင့်အတင်းအကျပ်လက်ထပ်ပေးခြင်းခံခဲ့ရတာပါ။စုန့်ထင်ယွီထင်ခဲ့တာကစုရန်ကစုန့်အိမ်ကိုဝင်လာဖို့အတွက်ရည်ရွယ်ချက်ရှိရှိနဲ့လှည့်စားခဲ့တဲ့မြေခွေးလိုမိန်း...