စဉ်းစားစရာမလိုဘူးအနံ့ရကတည်းကဘယ်သူ့ကုတ်လဲဆိုတာသူမသိတယ်။
အရမ်းကိုရင်နှီးလွန်းတဲ့ စုန့်ထင်ယွီဟာမှမဟုတ်ရင်ဘယ်သူ့ဟာဖြစ်ဦးမှာလဲ?
သူမကုတ်ကိုယူပြီးဆိုဖာပေါ်ကိုပစ်တင်လိုက်တယ်။သူမဖိနပ်စီးပြီးစုန့်ဝမ်ရှီဘေးနားကိုသွားလိုက်တယ်။သူမနိုးသေးဘူးဆိုတာကိုတွေ့သွားတယ်။
အပြင်မှာနေရောင်ခြည်ကလဲအရမ်းကိုတောက်ပနေတယ်။
လူနာခန်းထဲမှာ သူမနဲ့စုန့်ဝမ်ရှီနှစ်ယောက်ဘဲရှိတယ်။စုန့်ထင်ယွီကတော့ဘယ်သွားလဲသူမမသိပေမယ့် သိလဲမသိချင်ဘူး။ပိုင်ချီရွေ့တစ်ခုခုဖြစ်လို့သွားတာနေမှာပေါ့။ဘယ်လိုဘဲဖြစ်ဖြစ် ပိုင်ချီရွေ့ကသူ့နှလုံးသားထဲမှာအရေးကြီးဆုံးလူဘဲလေ။ဘယ်လိုလုပ်ပြီးသူမကိုသူတစ်ခုခုအဖြစ်ခံမှာလဲ။
စုန့်ဝမ်ရှီဘေးမှာထိုင်ဖို့စုရန်ခုံဆွဲလိုက်တဲ့အချိန်မှာတံခါးပွင့်လာတယ်။
ဝင်လာတဲ့လူကစုန့်ထင်ယွီဘဲ။
စုရန်နိုးနေတာကိုတွေ့တော့သူအံ့ဩသွားတယ်။သူမနည်းနည်းလောက်ထပ်အိပ်ဦးမယ်လို့ စုန့်ထင်ယွီထင်နေတာ။
စုန့်ထင်ယွီအိတ်တွေအများကြီးကိုင်ပြီးအထဲဝင်လာကာ တံခါးကိုဖြည်းဖြည်းလေးပြန်ပိတ်လိုက်တယ်။သူအိတ်တွေကိုစားပွဲပေါ်တင်လိုက်ပြီးအထဲကဟာတွေကိုထုတ်လိုက်တယ်။
မနက်စာတွေဘဲ။
'မင်းနိုးနေပြီဆိုတော့ မနက်စာလာစားလိုက်ဦး'
စုရန်စားပွဲကိုလှမ်းကြည့်လိုက်တော့ သူမရဲ့အကြိုက်ဆုံးစားသောက်ဆိုင်ကအကြိုက်ဆုံးမနက်စာဖြစ်နေတယ်။သူမအံ့ဩသွားတာကိုမထိန်းနိုင်ခဲ့ဘူး။စုန့်ထင်ယွီဘယ်လိုလုပ်ပြီးသူမအကြိုက်ကိုသိနေတာလဲ?
စုရန်လဲရုတ်တရက်သတိရသွားတယ်။ချောင်ချောင်သူမကိုရိုက်လိုက်တဲ့အချိန်တုန်းကလင်ချန်ဟွမ်ဒီမနက်စာတွေကိုဝယ်လာတဲ့အချိန်မှာစုန့်ထင်ယွီလဲရှိနေခဲ့တာဘဲ။
ဒါဆို ဒါကတိုက်ဆိုင်မှုလား ဒါမှမဟုတ်...
သူတကူးတကအဲ့ဒီမှာသွားဝယ်ခဲ့တာလား?
DU LÄSER
နောက်တခါလက်ထပ်ဖို့ဆိုတာမဖြစ်နိုင်ဘူး
RomantikSummary လေးနှစ်ကြာလက်ထပ်ပြီးတဲ့နောက် စုရန်နဲ့စုန့်ထင်ယွီတို့ကြားမှာအချစ်ဆိုတာမရှိခဲ့ပါဘူး။စုရန်ရဲ့ကိုယ်ဝန်ကြောင့်အတင်းအကျပ်လက်ထပ်ပေးခြင်းခံခဲ့ရတာပါ။စုန့်ထင်ယွီထင်ခဲ့တာကစုရန်ကစုန့်အိမ်ကိုဝင်လာဖို့အတွက်ရည်ရွယ်ချက်ရှိရှိနဲ့လှည့်စားခဲ့တဲ့မြေခွေးလိုမိန်း...