Too Bad Master Died Early [Mm translation] {Completed}

Ch.(46) ရိုက်ချက် / ရိုက္ခ်က္

Unicode

နတ်ဆိုးဂိုဏ်းတော့ အရှုပ်ထုပ်လုပ်ဖို့ ရောက်လာပြီ။ ငါကြားဝင်တော့မယ်၊ ကျန်တာမင်းလက်ထဲ ထည့်ခဲ့လိုက်ပြီ။

ဤတစ်ကြိမ်တွင် ချုံးကျိုးယွင်က ကျယ်လောင်စွာ ရယ်မောလိုက်ပြီး သူမ၏ မျက်လုံးများနှင့် မျက်တောင်မှလွဲ၍ ပါးစပ်ကို လက်ကိုင်ပုဝါဖြင့် အုပ်ထားသည်။

“တာအိုဆရာလေးက အရမ်းရယ်ရတာပဲ။ နတ်ဆိုးဂိုဏ်းက ဒီကိုလာနေပြီ? ကျွန်မတို့ကို အရမ်းအထင်ကြီးနေတာပဲ။"

"ဒီညံ့ဖျင်းတဲ့ တာအိုဆရာက အထင်ကြီးနေတာမဟုတ်ပါဘူး။ မိန်းက​လေးကသာ ကျိုးနွံနေတာပါ။" ရှဲ့ကျစ်ဝေ့သည် ပြတင်းပေါက်အပြင်ဘက်ရှိ ထိပ်သီးမြို့ကို ဦးတည်ညွှန်ပြခဲ့သည်။  "မဟုတ်ရင် အဲ့ဒါကဘာများလဲ?"

ယခင်က ကြည်လင်နေသော ကောင်းကင်ကြီးသည် ရုတ်တရက် တိမ်လွှာများ စုစည်းကာ ထိပ်သီးမြို့ပေါ်တွင် ဝေ့ဝဲနေပြီး လျင်မြန်စွာ ထူထပ်လာသည်။ အလယ်ဗဟိုသည် အထူးသဖြင့် အနက်ရောင်ဖြစ်ပြီး ခြေတစ်လှမ်းကမ်းပါးသို့ မြှားတစ်စင်းလို ညွှန်ပြနေသည်။

ချုံးကျိုးယွင်၏ လက်ချောင်းများသည် လက်ကိုင်ပုဝါကို တင်းကြပ်စွာထိုင်ထားကာ ဆိုဖာပေါ်မှ နောက်တစ်ကြိမ် ရယ်မောကာ ထလာခဲ့သည်။  "ဘာ? တာအိုဆရာလေးက ရာသီဥတုမကောင်းတာနဲ့ နတ်ဆိုးဂိုဏ်းကို အပြစ်တင်နေတာလား?"

နောက်ဆုံးတော့ ရှဲ့ကျစ်ဝေ့ ပေါက်ကွဲသွားသည်။  “မိန်းကလေးကပဲ ငယ်လွန်းပြီး အတွေ့အကြုံများတာလား၊ ဒါမှမဟုတ် ဒီဆင်းရဲတဲ့ တာအိုဆရာကပဲ အသက်ကြီးလွန်းနေတာလား? အဲဒီတုန်းကလည်း မင်းရဲ့နတ်ဆိုးဂိုဏ်းက ဖြောင့်မတ်တဲ့ဂိုဏ်းတွေကို ဝိုင်းထားပြီး တူညီတဲ့ အချက်ပြမှုကို လေထဲမှာ ထုတ်လွှတ်ခဲ့တယ်... တောင်ခြေရင်းမှာ ချုံခိုတိုက်ခိုက်နေတဲ့ တပ်ဖွဲ့တွေ ထိပ်သီးမြို့ကိုပြေးဖို့ နတ်ဆိုးဘုရင်ချီယန်ရဲ့ ဆင့်ခေါ်ချက်ကိုရပြီးသားလို့ ထင်ပါတယ်။"

သူပြောသမျှစကားတိုင်းက သူမအောက်နှုတ်ခမ်းကို အဆုံးထိမကိုက်မချင်း ချုံးကျိုးယွင် ၏မျက်နှာပေါ်ရှိ အပြုံးကို ဖျော့လာစေသည်။ ဒါကိုမြင်လိုက်ရတော့ ရှဲ့ကျစ်ဝေ့၏ နှလုံးကျသွားသည်။ သူက ချင်းဖျင်ဓားကို ထုတ်ပြီး ထွက်သွားဖို့ ပြင်ဆင်တော့သည်။