Too Bad Master Died Early [Mm translation] {Completed}

Ch.(118) သဲလွန်စများ / သဲလြန္စမ်ား

Unicode

ဇာတ်လိုက်ကိုကယ်တင်တာ ကမ္ဘာကြီးကို ကယ်တင်တာနဲ့တူတူပဲ။

ရှဲ့ကျစ်ဝေ့ကြောင့် လူအများစု ထိတ်လန့်သွားကြသည်။ ချင်းဖျင်ဓားသည် ရတနာငါးပါးထဲမှ တစ်ခုဖြစ်ပြီး ရှဲ့ကျစ်​ဝေ့ဘဝတွင်လည်း ရှုံးပွဲမရှိခဲ့ပေ။ သူသာမုဟဲကို ကယ်တင်ချင်ရင် သူ့ကိုတားနိုင်တဲ့သူ မရှိနိုင်လောက်ပါဘူး။

ရန်ကျစ်ဖေး သက်ပြင်းတစ်ချက်ချကာ စကားတစ်ခွန်းမှ မပြောဘဲ ဝတ်ရုံလက်များကိုခါလိုက်ကာ ရှကျစ်ချီနှင့်မတူ ချုကျစ်ရှစ်ကိုကုသရန် လူသွားစင်္ကြံသို့ ပြန်သွားခဲ့သည်။ ရှဲ့ကျစ်​ဝေ့က သူ့အနေနဲ့ ရန်ကျစ်ဖေးကို ကောင်းကောင်း လျော်ကြေးပေးရမည်ဟု ခံစားမိသည်။ တာအိုဂိုဏ်းသည် ကြီးမားသော ကျောထောက်နောက်ခံ ဖြစ်သောကြောင့် သူတို့၏ အပြန်အလှန် ခံစားချက်များကိုတော့ မထိခိုက်စေနိုင်ပါ။

သို့သော် ယခုတွင် ဇာတ်လိုက်ကို ကယ်တင်ခြင်းမှာ ကမ္ဘာကြီးကို ကယ်တင်ခြင်းနှင့် ညီမျှပေသည်။

ရှဲ့ကျစ်​ဝေ့က မုဟဲကိုပြောလိုက်သည်။ "မလှုပ်နဲ့"

ထို့နောက် သူ၏ဓားသည် မုဟဲဝန်းကျင်ရှိ နက်မှောင်သော အနီရောင်ဝိညာဉ်စွမ်းအင်ကို ထိုးဖောက်ရန် အလင်းတန်းများစွာ ထွက်လာသည်။ အင်အားနှစ်ခု အချင်းချင်းရိုက်ခတ်ကြသောအခါ ၎င်းတို့သည် တစ်ဟုန်ထိုး တောက်လောင်လာကာ အထီးကျန်စိတ်ဝိညာဉ်များ မိုင်သန်းပေါင်းများစွာကို ဖြတ်ကျော်လာသည့် ပြင်းထန်သော လေချွန်သံနှင့်တူပေသည်။

ရှဲ့ကျစ်​ဝေ့သည် ဤမြင်ကွင်းကို ယခင်က တစ်ခါမျှ မမြင်ဖူးခဲ့သလို အခြားသူများလည်း ပိုဆိုးသည်။ အချိန်အတော်ကြာအောင် လေထုထဲတွင် ထူးဆန်းသောအသံများ ပဲ့တင်ထပ်နေချိန်တွင် လူတိုင်း လန့်သွားကြသည်။ မုဟဲသည် အပြောင်းအလဲများကို စောင့်ကြည့်ကာ မျက်လုံးများကို ဖြည်းညှင်းစွာ မှိတ်ထားသည်။ မကြာမီ ဆူညံသံများ ချုပ်ငြိမ်းသွားသော်လည်း အနီရောင်စွမ်းအင်များကို ချင်းဖျင်ဓားက ဝါးမျိုချင်နေသလို လမ်းအကြောင်းအသီးသီးမှ စွမ်းအင်များစုစည်းလာကြပြီး တခဏချင်း ပျောက်ကွယ်သွားကြတော့သည်။