Too Bad Master Died Early [Mm translation] {Completed}

Ch.(114) ကျဉ်းထဲကျပ်ထဲ /က်ဥ္းထဲက်ပ္ထဲ

Unicode

သူကောင်းကင်နဲ့ မြေကြီးကို မကြောက်ပေမယ့် ဒါကိုတော့ကြောက်တယ်

ပြောရင်း ထန်ထိုက်မုံ့နှင့် ရှကျစ်ချီသည် သူတောင်းစားငယ်လေး၏ တုံ့ပြန်မှုကို ဂရုမစိုက်ဘဲ ထွက်ခွာသွားခဲ့သည်။ သူသည် မလိုချင်သော တောရိုင်းပန်းကဲ့သို့ သကြားရုပ်လေးကို လေထဲတွင် ကိုင်ထားဆဲပင်။

"ကျဲကျဲ.…”

ထိုအချိန်တွင် ထန်ထိုက်မုံ့သည် ယခင်ကသူမ၏ စုတ်ပြဲသော ဝတ်စားဆင်ယင်မှုနှင့် မတူဘဲသပ်ရပ်သော အဖြူရောင်ဝတ်စုံကို ၀တ်ဆင်ထားသည်။ ဒါပေမယ့် အကြီးမားဆုံး ပြောင်းလဲမှုကတော့ သူမရဲ့ စိတ်နေသဘောထားပါပဲ၊ သူမဟာ လုံးဝခြားနားတဲ့ လူတစ်ယောက်လို အေးစက်သွားသည်။ သူတောင်းစားလေးက သူ့လက်ထဲက သကြားရုပ်ကို စူးစူးဝါးဝါး စိုက်ကြည့်ပြီး အော်ပြောလိုက်သည်။

"ကျဲကျဲ! ဒီသကြားရုပ်က အရမ်းချိုတယ်၊ ကျဲကျဲအရင်က ကျွန်တော့်အတွက် ဝယ်ပေးဖူးတယ်လေ၊ ကျွန်တော်လိမ်နေတာမဟုတ်ဘူး!" သူအော်ပြီး သူမနောက်ကို လိုက်ခဲ့ပေမဲ့ ထန်ထိုက်မုံ့က အရှိန်မလျှော့သွားပေ။ လမ်းမပေါ်ရှိ လူများကို သူတောင်းစားကလေးက အသည်းအသန် ဖြတ်လာရသည်။ သူသည် တစ်စုံတစ်ဦးကို သကြားလုံးနှင့် မတော်တဆထိမိပြီး ၎င်းတို့၏ ဝတ်စုံများတွင် စေးကပ်ကပ်အရာများ ကျန်ရစ်ခဲ့သည်။

သားကောင်က သူ့ကို ကျိန်ဆဲတယ်။ “မျက်စိမပါတဲ့ ခွေးကောင်၊ မင်းသေချင်နေတာလား? ငါ့အဝတ်တွေ ညစ်ပတ်အောင်လုပ်ပြီးရင် မင်းပြန်လျော်နိုင်လို့လား?"

သူတောင်းစားကောင်လေးက အစွန်းအထင်းတွေကို စိုက်ကြည့်ရင်း စကားမပြောနိုင်လောက်အောင် ဒုက္ခရောက်နေခဲ့သည်။ ထိုလူသည် သူ၏ဂုဏ်သိက္ခာကို ထိပါးလာသည်ဟု ခံစားမိကာ မျက်ခုံးပင့်လိုက်လေသည်။ "ချီးပဲ၊ အနေတာလား?" ထိုလူသည် သူတောင်းစားလေး၏ မျက်နှာကို ပါးရိုက်ကာ မြေပြင်ပေါ် တွန်းချလိုက်သည်။

သူတောင်းစားကောင်လေး၏ ပါးပြင်သည် နီရဲလာပြီး ရောင်ရမ်းကာ နှုတ်ခမ်းကွဲသွားသည်။ နာကျင်လွန်းတာကြောင့် ငိုယိုပြီး ဖုန်တွေပေါ် လဲလျောင်းသွားသည်။ သူတို့ပတ်ဝန်းကျင်က လူတွေက တအံ့တသြနဲ့ ကြည့်​နေကြပြီး ထန်ထိုက်မုံ့ နောက်ဆုံးတော့ လမ်းလျှောက်တာ ရပ်သွားသည်။ ရှဲ့ကျစ်ဝေ့ အလျင်အမြန် ပြေးလာသော်လည်း သူမပြန်လှည့်ရန် စီစဉ်ထားပုံရတာကြောင့် သူမ၏တုံ့ပြန်မှုကို ဦးစွာစောင့်ကြည့်ရန် တုံ့ဆိုင်းနေခဲ့သည်။ သို့သော်လည်း အစီအစဉ်အတိုင်း ဖြစ်မလာခဲ့။ ရှကျစ်ချီသည် ယူပင်းဓားကို ပုတ်လိုက်ကာ ခါးသီး၊ အေးစက်လှသော ချီလှိုင်းလုံးက အနိုင်ကျင့်သူကို ထသွားသည်။ ထိုလူ၏၀တ်ရုံများ တစ်စစီဖြစ်မသွားခင် စုတ်ပြတ်သံများ ထွက်ပေါ်လာသည်။ အစွန်းအထင်းတွေကို မေ့လိုက်တော့၊ သူ့ရဲ့ အရေးပါတဲ့နေရာနှစ်ခုကလွဲလို့ အကုန်မရှိတော့။