Too Bad Master Died Early [Mm translation] {Completed}

Ch.(103) ချင်နားထောင်ခြင်း /ခ်င္နားေထာင္ျခင္း

Unicode

"ရှစ်စွမ်း စန်းယွင်တောင်က ဝံပုလွေနက်သွေးကို မှတ်မိသေးလား?"

ချင်တီးနေသေးသော်လည်း ရှဲ့ကျစ်ဝေ့သည် သံစဉ်ကို စိတ်ဝင်စားမှု မရှိတော့ပေ။ သူက ခေါက်ဖန်သားပြင်ကို စိုက်ကြည့်ရင်း ဖယောင်းတိုင်အရိပ်များက လှပတဲ့တေးဂီတမှာ နှစ်မြုပ်သွားသလိုပဲ အရှေ့အနောက် လှုပ်နေတာကို တွေ့လိုက်ရသည်။ ရှဲ့ကျစ်ဝေ့၏ မျက်ခုံးများကျုံ့သွားပြီး ရုတ်ချည်း ဝိညာဉ်စွမ်းအင်များ တဟုန်ထိုး တက်လာကာ စားပွဲပေါ်ရှိ ခွက်ကို ကောက်ကိုင်ပြီး ဖန်သားပြင်ကို ပစ်ပေါက်လိုက်သည်။

ပိုးသားပြဲသံက အဆက်မပြတ် ထွက်လာပြီး တေးသွားသံကို တိမ်မြုပ်သွားစေသည်။ မျက်စိတစ်မှိတ်အတွင်းမှာပင် ရောင်စုံဖန်သားပြင်သည် လေထဲတွင်လွင့်ပျံသွားကာ အပိုင်းအစများနှင့် ခေါက်မျက်နှာပြင်ဘောင်သာ ကျန်ရှိတော့သည်။ ၎င်းနောက်တွင် မုဟဲသည် ချင်ကိုတီးလျက် မိန်းကလေးသည်တော့ အဖြူရောင်အလင်းထဲတွင် လုံးပတ်ခံထားရသည်။

သနားစရာမိန်းကလေးသည် ကျက်သရေရှိရန် ခက်ခက်ခဲခဲကြိုးစားခဲ့ပြီး ရှဲ့ကျစ်ဝေ့အတွက် မျက်နှာဖုံးဇာပါ အုပ်ထားခဲ့သည်။ ယခုတော့ သူမသည် အချိန်အတော်ကြာ သတိမေ့သွားကာ အဖြူအရောင်အလင်းက မျက်နှာဖုံးအုပ်ထားသည့် လည်ပင်းကို ချုပ်ကိုင်ထားသည်။ မုဟဲသည် စိတ်အနှောက်အယှက်မဖြစ်ဘဲ သူ၏ချင်ကိုသာ ဆက်လက်တီးနေခဲ့သည်။ သူ့လက်ချောင်းဆယ်ချောင်းသည် တိမ်တိုက်များ သို့မဟုတ် စီးဆင်းနေသော ရေများပေါ်တွင် ဖြတ်လျှောက်နေသကဲ့သို့ ပေါ့ပါးနေသည်။ ပိုးသားပြဲသံများ ပျောက်ကွယ်သွားသည်မှာ ကြာပြီဖြစ်ကာ ချင်သည် အမှားအယွင်းမရှိ တည်ငြိမ်သော အရှိန်ကိုသာ ဆက်ထိန်းခဲ့သည်။

ရှဲ့ကျစ်ဝေ့ သူ့ကိုကြည့်ကာ "တကယ်ကိုမင်းပဲ" ဟု ပြောလိုက်သည်။

"ရှစ်စွမ်း ဒီမှာကောင်းကောင်းလာပုန်းနေလို့ တပည့်မနေနိုင်လို့ လိုက်ရှာရတာပါ" မုဟဲက အိပ်မက်ထဲကလို အပြုံးတစ်ဝက်နဲ့ သူ့ကိုပြန်ကြည့်သည်။