Too Bad Master Died Early [Mm translation] {Completed}

Ch.(56) အခမ်းအနား / အခမ္းအနား

Unicode

အရွယ်ရောက်လာသော မုဟဲ

ချုကျစ်ရှစ်သည် ဗုဒ္ဓဘာသာ ပြန်လည်ထူထောင်ရေး အခမ်းအနားမစမီ ညတွင် မြို့ထဲသို့ ရောက်ရှိခဲ့သည်။ ထိုအချိန်တွင် ရှဲ့ကျစ်ဝေ့သည် ထန်ထိုက်မုံ့အတွက် အဝတ်အစားများယူနေပြီး လှေကားထစ်ပေါ်မှ ရှုပ်ပွနေသော ခြေသံများကို ကြားလိုက်ရသည်။ တော်တော်လူအုံနေပုံရသည်။

ထို့နောက် ယုကျင်းဂိုဏ်းဝတ်စုံဝတ်ထားသော အဖွဲ့တစ်ဖွဲ့သည် စင်္ကြံများထဲသို့ ဝင်လာသည်ကို တွေ့လိုက်ရသည်။ ချုကျစ်ရှစ်သည် အပြာရောင် ၀တ်စုံကို ၀တ်ဆင်ထားစဉ်တွင် လင်ခုန်းနှင့် မိုးကြိုးဓား အသီးသီးကိုရိုသေစွာ ကိုင်ဆောင်ထားသည့် တပည့်ငယ် နှစ်ယောက်ပါသည်။ ရှဲ့ကျစ်ဝေ့သည် နေရာပေးရန် အဝမှနောက်ပြန်ဆုတ်လိုက်သည်။

'ကြည့်ရတာ အကိုဒိန်ခဲရဲ့ စကေးတွေလည်း တိုးတက်လာပုံရတယ်။ သူ့ရဲ့ဆွဲဆောင်မှုရှိတဲ့ ရောင်ဝါက တာအိုဂိုဏ်းရဲ့ မျက်နှာစာတောင်ဖြစ်တော့မယ်။'

အရင်တုန်းကတော့ ပိုင်ကျန့်ကျူးဟာ လောကဝတ်ဆိုင်ရာ ကိစ္စရပ်တိုင်းကို တာဝန်ယူခဲ့ပေမဲ့ အခုတော့ ချူကျစ်ရှစ်က သူ့နေရာတွင် အစားထိုးလိုက်သည်။ ဇာတ်လိုက်သည်လည်း သူ၏နောက်ဆုံးရုပ်ထွက်အတွက် ပြင်ဆင်နေသည်၊ ထို့ကြောင့် ပိုင်သားအဖရဲ့နေ့ရက်များသည် ပို၍ဆိုးလာလောက်သည်။

ချုကျစ်ရှစ်သည် ဖွင့်ထားသောတံခါးကို ကျော်ဖြတ်ကာ မျက်နှာဖုံးစွပ်ထားသည့်ရုပ်ကို မတွေ့မီတွင် မာနကြီးစွာ ဖြတ်လျှောက်သွားသည်။ သူ့မျက်နှာကို စိုက်ကြည့်နေတဲ့ မျက်လုံးတစ်စုံကလွဲလို့ မျက်နှာက အရာအားလုံးကို ဖုံးကွယ်ထားသည်။ ခဏရပ်ကာ မျက်ခုံးပင့်လိုက်သည်။ "တစ်ခုခုဖြစ်လို့လား?" သူကမေးသည်။

ရှဲ့ကျစ်ဝေ့က ပြောင်ပြောင်တင်းတင်း "ချောင်းကြည့်တယ်" ဟု ဖမ်းမိပြီးနောက် မထိတ်လန့်ဘဲ သူ့လည်ချောင်းကို ရှင်းထုတ်ကာ ကြမ်းတမ်းသော အသံဖြင့် ပြောသည် "အိုး၊ ဒီည ခြင်တွေ အများကြီး ရှိတယ်လို့ သတိပေးချင်လို့ပါ။ အမွှေးတိုင်မီးထွန်းတာ ဒါမှမဟုတ် တစ်ခုခုလုပ်သင့်တယ်။"