Too Bad Master Died Early [Mm translation] {Completed}

Ch.(66) အစီအရင် / အစီအရင္

Unicode

မဟုတ်မှ... ဇာတ်လမ်းက ဒီနေ့ အဆုံးသတ်တော့မှာများလား?

မုဟဲ၏ ခြံငယ်လေးမှ ပြန်ရောက်ပြီးနောက် အရာအားလုံးသည် တိတ်ဆိတ်ငြိမ်သက်သွားခဲ့သည်။ ခွေးပျောက်ဆုံးမှုသည် တစ်စုံတစ်ရာကို သက်ရောက်မှုရှိပုံမပေါ်ပါ။ ထို့ကြောင့် ရှဲ့ကျစ်ဝေ့သည် စိတ်ကိုလျှော့ချလိုက်ကာ ဇာတ်ကွက်ကို ခြေရာခံပြီး သူ၏ နောက်အကွက်ကို စဉ်းစားနေသည်။

သို့သော်…

"ကျေးဇူးရှင်၊ ထွက်ပြေးဖို့ဆိုရင် အတူတူသွားရအောင်၊ ကျွန်မရှင့်ကို မထားခဲ့နိုင်ဘူး"

ရှဲ့ကျစ်ဝေ့သည် နောက်ဆုံးတွင် ထန်ထိုက်မုံ့ကို ကယ်တင်ရန် အခွင့်အရေးကို ရှာတွေ့ခဲ့သော်လည်း တစ်ဖက်လူမှာ ဆက်လက်ရှိနေရန် ဆုံးဖြတ်ခဲ့သည်။ အကျဉ်းခန်းတွေကနေတဆင့်သာ သူမကို ဆင်ခြေပေးနိုင်သည်။ “ငါ နတ်ဆိုးဂိုဏ်းမှာ ဘာအန္တရာယ်မှ မရှိပါဘူး။ ချုံးကျိုးယွင်က သူ့စကားအတိုင်းတည်တာမို့ မင်းရဲ့ရုပ်ရည်က အခုလောလောဆယ် အန္တရာယ်မဖြစ်ပါဘူး။ ဒါပေမယ့် ဒီနတ်ဆိုးဂိုဏ်းက တာဝန်က အချိန်နည်းနည်းကြာနိုင်တာမို့ မင်းစောစောထွက်သွားတာ ပိုကောင်းမယ်"

ထန်ထိုက်မုံ့သည် ခေါင်းကို ဖြည်းညှင်းစွာ ငုံ့လိုက်ပြီး သူမ အသံ အနည်းငယ် ဆို့နင့်သွားသည်။ "ကျေးဇူးရှင်၊ ရှင်ကျွန်မအတွက်ပဲ အမြဲတွေးနေတာပဲ။ ရှင်ဘာလို့ကျွန်မအပေါ်အရမ်းကောင်းရတာလဲ"

'ဘာလို့ဆို့ မင်းက မင်းသမီးမို့လို့ပေါ့ ညီမလေးရဲ့။ မူရင်းဝတ္ထုမှာ မင်းက ဇာတ်လိုက်ရဲ့ နှလုံးသားနှင့် စာဖတ်သူထောင်ပေါင်းများစွာရဲ့ နတ်သမီးလေးဟာကို။ မဟုတ်ရင် ငါဘာလို့ဒီလောက်ကြိုးစားနေရမှာလဲ?'

ဒါပေမယ့် ရှဲ့ကျစ်ဝေ့က မပြောနိုင်ပေ။ သူဝယ်ပေးခဲ့တဲ့ အဖြူရောင်ဝတ်စုံကို ဝတ်ဆင်ထားတဲ့ မင်းသမီးကို မြင်လိုက်ရတော့ သူ့ရင်ထဲမှာ ထိတ်လန့်သွားပြီး သက်ပြင်းချလိုက်သည်။ “မင်းအဖြူဝတ်ရင် ငါလူတယောက်ကို သတိရမိတယ်...” ဇာတ်လိုက်နှင့် အမျိုးသမီးဇာတ်လိုက်တို့သည် ကောင်းကင်ဘုံမှ စုံတွဲများဖြစ်သည်။ ဇာတ်လိုက်ကိုမြင်ရသောအခါ မင်းသမီးကို သတိမရသော်လည်း အကြောင်းတစ်ခုခုကြောင့် ဆန့်ကျင်ဘက်သည် အမြဲမှန်နေသည်။ အရိပ်အမြွက်မျှထည့်လိုက်ရုံဖြင့် သူမနဲ့ လိုက်ဖက်သွားပေလိမ့်မည်။