Too Bad Master Died Early [Mm translation] {Completed}

Ch.(54) ကပ်ဘေးပြီးနောက် /ကပ္ေဘးၿပီးေနာက္

Unicode

'ကြွားလုံးထုတ်နေလိုက်၊ မင်း အခုတောင် ကြောက်နေလောက်ပြီကို။'

နတ်ဆိုးဂိုဏ်းက အနည်းငယ် အံ့အားသင့်သွားသည်။ ချီယန် အဘယ်ကြောင့် ရုတ်တရက် နောက်ပြန်ဆုတ်သွားသည်ကို သူတို့ နားမလည်ခဲ့ကြပေ။

ချီယန်ကိုယ်တိုင်လည်း ရင်ထဲမှာမီးတောက်နေသည်။

သူကလက်​တစ်ဖက်ဖြင့် လွန်ခဲ့တဲ့လေးနှစ်၊ ရှဲ့ကျစ်ဝေ့ မသေခင်က သူ့လက်ကောက်ဝတ်ပေါ်မှာ ချန်ထားခဲ့တဲ့အမှတ်ကို ဆုပ်ထားသည်။ ၎င်းကို ဖယ်ရှားရန် နှစ်ပေါင်းများစွာ ကြိုးစားခဲ့ရသော်လည်း သူ၏ ကြိုးပမ်းမှုများသည် ဝိညာဉ်စွမ်းအားအပေါ် သက်ရောက်မှုများသာ ပိုမိုပြင်းထန်လာခဲ့သည်။ 'ဒီလိုအရေးကြီးတဲ့အခိုက်အတန့်မှာတောင် အခုထိ...'

ချုံးကျိုးယွင်က သူ့ဘေးကို လှမ်းလာပြီး "အရှင်သူတော်စင်မှာ အခြားအစီအစဥ်များ ရှိလို့လား?"

ရှဲ့ကျစ်ဝေ့က ရေပက်ချင်နေပေမယ့် လှုပ်ရှားလိုက်တာနဲ့ သူဖော်ထုတ်ခံလိုက်ရမယ်ဆိုတာ သိသည်။ ကျေးဇူးတင်စွာဖြင့်၊ သူသည် ချီယန်ကို လွန်ခဲ့သောလေးနှစ်က ကြံစည်ခဲ့သည့်အတိုင်း ယခုလည်း ထပ်အသုံးချနိုင်သည်။

သူကတမင်သက်သက် ပြောလိုက်သည်။ "ဗုဒ္ဓဘာသာဂိုဏ်းက ကိုးပြည်ထောက်ဘုရင်နဲ့ နက်ရှိုင်းတဲ့ ဆက်ဆံရေးရှိတယ်။ သူသတင်းကြားတာနဲ့ မကြာခင်မှာ ဒီကိုစစ်ကူတွေ ပို့ပေးလိမ့်မယ်။ မင်းမှာ အစီအစဥ်ရှိရင်တောင် ဗုဒ္ဓဘာသာဂိုဏ်းက ကြောက်စရာမရှိဘူး။"

ချီယန်၏ မျက်လုံးများသည် မရယ်မီ အနည်းငယ် တုန်သွားသည်။ "ကောင်းတယ်။ ဒီပန်ဇော့ကလည်း ထပ်မရိုက်ခင် အားလုံးရောက်လာတဲ့အထိ စောင့်ပေးမယ်။"

'ကြွားလုံးထုတ်နေလိုက်၊ မင်း အခုတောင် ကြောက်နေလောက်ပြီကို။' ရှဲ့ကျစ်ဝေ့ တွေးမိသည်။

ချုံးကျိုးယွင်လည်း သံသယဖြစ်မိသည်။ "သူတော်စင် အရှင်၊ ကျွန်မတို့ တကယ် ဆုတ်တော့မှာလား? ရွှေကြာပန်း မရသေးဘူး မဟုတ်လား..."

"ပါးစပ်ပိတ်ထား။ ဒီပန်ဇော့ကို ဆရာလာလုပ်ခွင့် ဘယ်သူပေးထားလို့လဲ?" ချီယန်သည် ချုံးကျိုးယွင်ကို အပြစ်တင်နေစဉ် စက္ကူကျားနှင့်တူသည်။ နောက်ဆုံးတွင် သူသည် ကောင်းကင်ယံ၌ ပွင့်ချပ်ပွင့်များ ဖြည်းညှင်းစွာပွင့်လာသော ကြာနီကို ဆင့်ခေါ်ရန် လုံလောက်သော ဝိညာဉ်စွမ်းအားကို စုဆောင်းခဲ့သည်။