ပြိုင်ဘက်ကင်းသိုင်းဝိညဉ်
အပိုင်း ၁၂၁ .... အမဲလိုက်ခြင်း
အစိမ်းရောင်ကျွဲစပါးကြီးမြွေကို တချက်ထဲနဲ့ ဒဏ်ရာရရှိသွားအောင်
လုပ်သွားနိုင်တဲ့သူကိုကြည့်ရင်း ရေကန်ပတ်ဝန်းကျင်က အစွမ်းထက်သိုင်းပညာရှင်တွေအကုန်လုံး အံသြမင်သက်ကုန်ကြသည်။
အံသြမင်သက်နေတဲ့လူတွေကြားထဲမှာ ယုဝေနိုင်ငံရဲ့ ဘုရင်မင်းမြတ်
ဖြစ်သလို အစွမ်းထက်သိုင်းသမားတယောက်ဖြစ်တဲ့ ဖန်ရှီလဲတယာက်အပါအဝင်ဖြစ်သည်။
"....ဒါ ဒုတိယမင်းသားလေးပဲ... !"
".. ဒါ.. ဒေါင်ရမ်းအင်ပါရာနိုင်ငံက ဒုတိယမင်းသားလေး
ဒေါင်ဝူဟန်ပဲ.... "
ယုဝေနိုင်ငံရဲ့ ဝန်ကြီးတွေကြားထဲက တယောက်ဆီမှ အံအားသင့်စွာဖြင့် အာမေထိတ်သံထွက်ပေါ်လာလေသည်။
"..ဒေါင်ဝူဟန်... !"
ရှောင်လုံက ဒေါင်ရမ်းအင်ပါရာနိုင်ငံရဲ့ ဒုတိယမင်းသားဆိုတဲ့အသံကိုကြားတော့ ရေမျက်နှာပြင်ပေါ်ကနေ အစိမ်းရောင်သားရဲကြီးကို တိုက်လိုက်နေသော လူကိုလှမ်းကြည့်လိုက်သည်။ ဒါတကယ်ပဲ
ကောင်းကင်အဆင့်၉ သိုင်းသမား... ဒေါင်ဝူဟန်လား... ?
သူပုံစံက အသက်သုံးဆယ်အရွယ်လောက်ပဲ ရှိသေးပြီး ဓားတချောင်း
ဖြင့် ဖန်တီးတည်ဆောက်ထားသလိုမျိုး သူ့ကိုကြည့်ရတာ ချွန်ထက်စူးရှနေလေသည်။ ဒါအပြင် သူ့ခန္ဓာကိုယ်ပတ်ဝန်းကျင်ကနေ
မမြင်နိုင်တဲ့ အေးစက်စက် အငွေ့အသက်တွေ့ထွက်ပေါ်နေလေသည်။
ဒေါင်ဝူဟန်ကတော့ သူ့ရဲ့ကိုယ်ရောင်ကိုယ်ဝါတွေကို တကယ်ထုတ်ဖော်ထားတာမဟုတ်ပေ.. ။ ဒါပေမယ့် သူနဲ့ မီတာတထောင်အကွာအဝေးလောက်မှာ ရပ်နေတဲ့ ရှောင်လုံအနေနဲ့ကတော့ ဒေါင်ဝူဟန်ကိုယ်က ထွက်ပေါ်လာနေတဲ့ ဖိအားတွေကို ခံစားမိနေသည်။ အဲ့ဒီဖိအားတွေက အရှိန်အဟုန်တခုနဲ့အတူ ကောင်းကင်ကြီးကို အပေါက်ကြီးတပေါက်ဖြစ်သွားနိုင်သည်အထိ ပြင်းထန်စူးရှလေသည်။
ဒေါင်ဝူဟန်ကို ကြည့်ရတာက အရမ်းကိုအစွမ်းထက်လှသော ရတနာဓားတချောင်း ကသူ့ဓားအိမ်ထဲကနေ အချိန်မရွေးထွက်ပေါ်လာနိုင်သလိုမျိုး ဖြစ်နေကာ အရမ်းကိုမှ ကြောက်လန့်တုန်လှုပ်စရာ ခံစားမှုမျိုး ခံစားမိစေသည်။
YOU ARE READING
ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1
Adventureပြိုင်ဘက်ကင်းသိုင်းဝိညဉ် သူရဲကောင်းတွေဟာ အချိန်တော်တော်များများမှာအထီးကျန်ဆန်ကျတယ်မလား ။ အထီးကျန်ခြင်းတွေကို ကြံကြံခိုင်ရင်ဆိုင်နိုင်မှလဲ ပြိုင်ဘက်ကင်းအဖြစ် သိုင်းလောကရဲ့ထိပ်ဆုံးမှာရပ်တည်နိုင်မှာပါ။ ကမ္ဘာမြေရှောင်လင်ကျောင်းရဲ့ ကျောင်းတော်သားတယော...
