ပြိုင်ဘက်ကင်းသိုင်းဝိညာဥ်
အပိုင်း ၉၈၆.....တိုင်မိသားစု၏ ဖိတ်ခေါ်မူ
တိုင်ချန်းတုံ က ပတ်ပတ်လည် သို့ ကြည့်ရှုလိုက်ပြီးနောက် တိုင်ရှင်းယွမ် ကို ပြောလိုက်လေသည်။
" မိသားစုသခင်...တိုင်ယန်ပြောတာက အဓိပ္ပာယ် ရှိတယ်... ဒီလူက ကျင့်စဥ် စာအုပ်ကို ခိုးနိုင်တယ်ဆိုမှတော့ အထဲက အကူအညီ ကို ရထားလို့ပဲ ဖြစ်ရမယ်... ပြီးတော့ ဟောင်ရှောင်လုံ က သံသယ ရှိစရာ အကောင်းဆုံး သူပဲ "
" ဟုတ်တယ် မိသားစုသခင်... အဲ့ဒီ ဟောင်ရှောင်လုံ ရဲ့ဇာက်မြစ်က သံသယ ဖြစ်စရာ ကောင်းတယ် "
တိုင်မိသားစု အကြီးအကဲ တစ်ယောက်ကလည်း ထောက်ခံလိုက်လေသည်။
တိုင်ရှင်းယွမ် ၏ အမူအယာက တည်ငြိမ်နေလေပြီး မေးလိုက်လေသည် ။
" မင်းတို့နှစ်ယောက် ပြောပုံအရဆိုရင်...ငါက ဘာလုပ်သင့်လဲ "
" ကျွန်တော်တို့က ဟောင်ရှောင်လုံ ကို ဖမ်းပြီးတော့ ရေခဲအကျဥ်းထောင်ထဲမှာ ချုပ်ထားသင့်ပါတယ်...ဒီ ကိစ္စ ကို ရှင်းရှင်းလင်းလင်း ဖြစ်အောင် စုံစမ်းပြီးတော့ သူ နဲ့ မပတ်သက်ဘူးဆိုတာ သေချာမှ ကျုပ်တို့က သူ့ကို လွတ်ပေးသင့်တယ် "
တိုင်ချန်းတုံ က ဖြောင့်မတ်မှန်ကန်သည့် အမူအယာ ဖြင့် ပြောလိုက်လေသည်။
ဘေး၌ တိတ်တဆိတ် ရပ်နေသော တိုင်ရှင်းလန် က ဒေါသတကြီး ပြောလိုက်လေသည်။
" အစ်ကိုကြီးဟောင်က စာကြည့်တိုက် ထဲကို ဝင်တာနဲ့ပဲ သံသယရှိစရာအကောင်းဆုံး သူ ဖြစ်သွားတယ်ပေါ့လေ ...ပြီးခဲ့တဲ့ ရက်တုန်းက အစ်ကိုကြီးဟောင် အပြင် တိုင်ယန်နဲ့ အခြားတပည့်တွေလည်း စာကြည့်တိုက် နားမှာ ပေါ်လာတက်တာပဲ...အဲ့ဒီ လိုသာဆိုရင် တိုင်ယန်ကလည်း သံသယရှိစရာ လူ ဖြစ်မသွားဘူးလား "
တိုင်မူက အလျှင်အမြန် ပြောလိုက်သည်။
" ဟုတ်တယ်...ခင်ဗျား က အစ်ကိုကြီးဟောင် ကို ဖမ်းထားချင်တယ်ဆိုမှတော့...တိုင်ယန်နဲ့ အခြားသူတွေကိုလည်း အတူတူ ထည့်ပိတ်ထားသင့်တယ် "
YOU ARE READING
ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1
Adventureပြိုင်ဘက်ကင်းသိုင်းဝိညဉ် သူရဲကောင်းတွေဟာ အချိန်တော်တော်များများမှာအထီးကျန်ဆန်ကျတယ်မလား ။ အထီးကျန်ခြင်းတွေကို ကြံကြံခိုင်ရင်ဆိုင်နိုင်မှလဲ ပြိုင်ဘက်ကင်းအဖြစ် သိုင်းလောကရဲ့ထိပ်ဆုံးမှာရပ်တည်နိုင်မှာပါ။ ကမ္ဘာမြေရှောင်လင်ကျောင်းရဲ့ ကျောင်းတော်သားတယော...
