ဧကရာဇ်ဗျူဟာ [Di Wang Gong Lue]

အခန်း - ၁၃၅ (ရုတ်ချည်း ပြောင်းလဲသွားသော အခြေအနေ)

[မိစ္ဆာအရိပ်ဆိုးဆိုတာ ဘာလဲ]

ချူယွမ်ဆီ ဝမ်းလျိုနျဲန်ရောက်လာခဲ့သည်မှာ အကြောင်းကိစ္စတစ်ခု ရှိနေသောကြောင့်သာဖြစ်၏။

အရင်ရက်တုန်းက ပိုင်ရှန့်ပြည်သို့ပို့လွှတ်လိုက်သော အထောက်တော် ပြန်လာခဲ့ပြီဖြစ်ကြောင်း၊ မြို့ထဲတွင်လည်း ဆူပူအုံကြွမှု မဖြစ်ကြောင်း ၊ တို်င်းသူပြည်သားများကလည်း နောက်ရက်မကြာခင်မှာ နာ့ဝါကို လာရောက်ကြိုဆို၍ နန်းတော်သို့ ပြန်သွားပို့ဖို့ရန် ကမ်းစပ်သို့ သွားစောင့်ကြမည်ဖြစ်ကြောင်း၊ နျဲ့ယွင်စန်းဘက်ကလည်း အိပ်ရာထဲတွင်လှဲနေကာ စံအိမ်မှထွက်လာခြင်းမရှိဘဲ အိမ်တွင်းအောင်းနေကြောင်း ၊ အခြားမှူးမတ်များကတော့ မိမိတို့၏ကျရာတာဝန်အတိုင်း ဆက်လက်ထမ်းဆောင်နေကြကာ ချူရှိန့်ထွက်ပေါ်လာသည့်အရိပ်အယောင်ကိုပင် မတွေ့ရကြောင်း သတင်းတို့ လာပြောခြင်းဖြစ်၏။

ချူယွမ် မျက်မှောင်ကြုတ်သွားသည်။

"အဲ့လောက်တောင် ငြိမ်နေကြတာလား"

"မှန်ပါ့၊ တကယ်ကြီးကို အဲ့အတိုင်းဖြစ်ပျက်နေတာပါ ။ အတော်ထူးဆန်းနေတယ်လို့ ကျွန်တော်မျိုးလည်း ခံစားနေရတယ်၊ တစ်ဖက်ရန်သူက ဘယ်လိုအကြံအစည်တွေ ရှိနေသလဲဆိုတာ လုံးဝခန့်မှန်းလို့မရပြန်ဘူး"

ယခုလိုအချိန်မျိုးတွင် ဧကရာဇ်အရှင်က ထိုကမ်းစပ်သို့ ကြွချီသွားမည်မဟုတ်မှန်း လူတိုင်းသိကြမည်ဖြစ်သည်။ ပိုင်ရှန့်ပြည်အနားတစ်ဝိုက်သို့ပင် ကြွချီသွားမည်မဟုတ်။ ချူရှိန့်က သမုဒ္ဒရာကြမ်းပြင်အောက် လျှို့ဝှက်ယန္တရားများတပ်ဆင်ထားသည်ဟုဆိုခါမှ ဤခေါင်းစားစရာပြဿနာကို အဖြေပေးနိုင်လိမ့်မည်၊ သို့သော် ထိုကိစ္စကလည်း ဖြစ်နိုင်ခြေမရှိပြန်။

အပြန်ပြန်အလှန်လှန် စဥ်းစားလိုက်ပြီးသည့်နောက် ဝမ်းလျိုနျဲန်က ထပ်ပြီးခန့်မှန်းကြည့်လိုက်၏။

"ဒါမှမဟုတ် တစ်ဖက်ရန်သူက နာ့ဝါကို ပြန်ခေါ်သွားမယ့်လူတွေကို ရှင်းပစ်ဖို့လုပ်နေတာများလား"

"အလွန်ဆုံးရှိ အထူးစစ်သည်တော် အင်အားနှစ်ထောင်ကိုပဲ ကိုယ်တော်လွှတ်ပေးနိုင်တယ်၊ ချူရှိန့်ရဲ့အကျင့်စရိုက်အရ အဲ့လောက်လေးနဲ့ ကျေနပ်ရောင့်ရဲမှာ မဟုတ်ဘူး။ အဲ့ဒီနာ့ဝါအယောင်ဆောင်ကနေရော ဘာများမေးလို့ရသေးလဲ"