ဧကရာဇ်ဗျူဟာ [Di Wang Gong Lue]

အခန်း - ၈၁ (ဧည့်သည်)

[အရှင်မင်းမြတ် ဘယ်လိုလုပ်ပြီး ရောက်လာတာလဲ]

"ဘာဆက်လုပ်ကြမှာလဲ ။ ချူရှိန့်လုပ်နေတာတွေလည်း ဒီရှေ့မှာတင် သက်သေနဲ့တကွရှိနေပြီ၊ ဒီကျွန်းပေါ်မှာ လူအင်အား မြင်းအင်အားဆိုတာလည်း အများကြီးမရှိသေးဘူး၊ သူတို့ကို ဖမ်းဖို့ဆိုတာ အခုနေ အလွယ်လေးပဲ။ အခုချက်ချင်းပဲ အမိဖမ်းပြီး ဧကရာဇ်ပေါက်စလေးဆီ သွားဆက်သလိုက်ရင် မကောင်းဘူးလား"

သို့သော် သွမ့်ပိုင်ယွဲ့က ခေါင်းခါပြ၏။

"အဲ့တုန်းက ပြည်နှင်ဒဏ်အပေးခံရတုန်းက သူနဲ့အတူတူ လျိုကျင့်တာပါ ပါလာသေးတယ်။ ချူရှိန့်ကြီးက အေးအေးဆေးဆေး လွတ်လွတ်လပ်လပ်နေရတဲ့ဘဝမှာ မပျော်ဘူးဆိုပေမယ့် ဒီလိုမျိုး နန်းလုဖို့အထိ မိုက်ရူးရဲဆန်မှာ မဟုတ်ဘူး၊ ဒီလိုဖြစ်လာတာတွေကလျိုကျင့်တာရဲ့မြှောက်ထိုးပင့်ကော်လုပ်နေတဲ့ စနက်တွေကြောင့်ပဲ။ ဒီလိုမျိုး စစ်တပ်အင်အားရွှေ့ပြောင်းတာတို့ အစီအစဥ်တွေတင်ပြပေးတာတို့ဆိုတာ ငါ သေချာတွေးကြည့်လိုက်ရင် နောက်ကွယ်ကကြိုးကိုင်နေတဲ့လူဟာ သူပဲဖြစ်ရမယ်"

"အဲ့တော့ မင်းက လျိုကျင့်တာ ပေါ်လာတဲ့အထိ စောင့်မယ်၊ ပြီးမှ တစ်ခါတည်း ဖမ်းလိုက်မယ်ပေါ့"

"ပြီးတော့ ကျွန်းပေါ်က ဟိုအဆောက်အဦးတွေကိုဆောက်ထားတာ အလွန်ဆုံးရှိ နှစ်နှစ် သုံးနှစ်လောက်ပဲကြာသေးတယ်။ သေချာပြန်တွေးကြည့်ရင် တပ်သားအများစုက တခြားနေရာမှာ ထပ်ရှိနိုင်သေးတယ်။ ပြီးတော့ လူဘယ်လောက်များများ ဒီကိစ္စထဲ ပါနေသလဲဆိုတာ သေချာမသိရသေးဘူး။ အခုလို ကျွန်းတစ်ကျွန်းလုံးကို အပိုင်စီးပြီး တပ်စခန်းအဖြစ် လေ့ကျင့်ဖို့လုပ်ထားတာဆိုရင် သူတို့အကြံအစည်က အတော်လေးအောင်မြင်နေပြီလို့ ပြောရမယ်။ ပြီးတော့ ချူရှိန့်နဲ့ လျိုကျင့်တာတင် မကဘူး၊ နန်ယန်ကျွန်းစုတစ်ခုခုကနေ သူတို့ကို အားဖြည့်ထောက်ပံ့နေလို့သာ ဒီလောက်ထိ မြန်မြန်ဆန်ဆန် အထမြောက်လာတာပဲဖြစ်ရမယ်။ဒါကြောင့်မို့ ခုနေ ချူရှိန့်ကို သတ်လိုက်ပြီးနောက်ကွယ်က ကြိုးကိုင်နေတဲ့ကောင်ကို တကယ်မဖမ်းနိုင်သေးရင် နန်ယန်လည်း ငြိမ်းချမ်းဦးမှာမဟုတ်ဘူး"