ဧကရာဇ်ဗျူဟာ [Di Wang Gong Lue]

အခန်း - ၈၂ (ရင်းနှီးနေသော ယန္တရားလှည့်ကွက်)

[အားမစိုက်ရဘဲ အလိုလို ရလာတယ်]

ချူရှိန့် ....?

နန်မော်ယဲ့လည်း ချူယွမ့်စကားကို ကြားလိုက်တော့ မျက်လုံးပြူးသွားရ၏။

ကျင့်နျဲန်ကတော့ နှုတ်ခမ်းများပါ ဖြူဖျော့တုန်ယင်နေကာ အတန်ကြာမှ ဖြည်းဖြည်းချင်း ဝန်ခံထွက်ဆိုလာ၏။

ကျင့်နျဲန်၏ အမည်ရင်းမှာ ဆွေးထျင်အာဟုခေါ်တွင်ကာ လျိုမျိုးနွယ်စံအိမ်တော်၏ ကချေသည်မိန်းမပျိုတစ်ဦးဖြစ်သည်။ ရုပ်ရည်အားဖြင့် သူမတူအောင် ကျော့ရှင်းလှပနေသည်မျိုးမဟုတ်ပေမင့် ကပြဖျော်ဖြေရာတွင် အင်မတန်မှ ကျော့ရှင်းလှပကာ အမြင်အာရုံကို ညှို့ယူဖမ်းစားနိုင်လွန်းပေသည်။

ချူရှိန့်နှင့် လျိုကျင့်တာမှာ အတော်ပင်ရင်းနှီးကျွမ်းဝင်ကြသည်မို့ လျိုအိမ်တော်မှ ကျင်းပသော ဧည့်ခံပွဲများကို မကြာခဏ တက်ရောက်ဖြစ်သည်။ နောက်ဆုံးတော့ သူမကိုပါ ရွှေမြို့တော်သို့ အတူခေါ်လာသည့်ကိစ္စမှာ သိပ်ပြီးအံ့သြစရာ မဟုတ်တော့။

သို့သော် ဆွေးထျင်အာမှာ မျိုးရိုးနိမ့်မိသားစုမှ ပေါက်ဖွားခဲ့သည်မို့ ဒုတိယကြင်ယာတော်အဖြစ်ပင် တရားဝင်သတ်မှတ်ခြင်းမခံခဲ့ရ။ နောက်ပိုင်း ချူရှိန့်အား နန်ဟိုင်သို့ ပြည်နှင်ဒဏ်ပေးလာတော့ သူမ၏အဆင့်အတန်းအရ အပြစ်ဒဏ်မှကင်းလွတ်နိုင်သော်လည်း ချူရှိန့်အပေါ် မယ်ိုင်လဲသော ချစ်ခြင်းမေတ္တာမျိုးနှင်းအပ်ခဲ့သည်မို့ ခင်ပွန်းဖြစ်သူနှင့်အတူ နန်ဟိုင်အထိ လိုက်ပါသွားခဲ့သည်။

"ဒါဆိုရင် ဘာလို့ပြန်လာနေသေးလဲ"

ချူယွမ်မှ ထပ်မေးလာခြင်းဖြစ်သည်။

"နန်ဟိုင်ကို စစရောက်တုန်းကတော့ သူ့ကိုတကယ်ချစ်ပေးတဲ့အတွက်ဆိုပြီး ကျွန်တော်မျိုးမကို အတော်လေးကျေးဇူးတင်ခဲ့ ၊ အလေးပေးချစ်ခင်ခဲ့ရှာပါတယ်။ သမုဒ္ဒရာပြင်ဘက် ထွက်ပြေးသွားမယ့်အချိန်မှာတောင် ကျွန်တော်မျိုးမကိုပါ ခေါ်သွားဖို့ မမေ့ခဲ့ကြောင်းပါ။ နေရာအသစ်မှာ ဘဝအသစ် စနေရင်းနဲ့ ဘဝအခြေအနေ ပိုပြီးကောင်းလာတော့ သူလည်း နဂိုစရိုက်အတိုင်း ပိုပိုပြီးရက်စက်ကြမ်းကြုတ်လာတယ်။ တစ်နေ့တစ်နေ့ ကျွန်တော်မျိုးမကို ရိုက်ရင်ရိုက်၊ မရိုက်ဖြစ်ရင်တောင် ဆဲဆိုတိုင်းထွာတတ်ပါသေးတယ်။ ပြီးတော့ - "