ယဲ့ကျင့်က တံခါးကို ကန်ပြီးဖွင့်လိုက်၏။
ထို့နောက် ခါးထောက်ကာ ဆူပူကြိမ်းမောင်းရန်ပြင်လိုက်သည်၊ သို့သော် စကားတစ်ခွန်းမှ မဟလိုက်ရခင် ရှေ့ကမြင်ကွင်းကြီးကြောင့် လုံးဝအံ့သြမှင်သက်သွား၏။
ချူယွမ်က သူ့အားမော့ကြည့်လာသည်။
ဒီလောကကြီးထဲ အသက်ဆက်ရှင်လိုစိတ် ရှိမနေတော့သည့် မျက်နှာမျိုးဖြင့် ဖြစ်သည်။
"မင်းမေ...၊ သေလိုက်ပါတော့....."
ယဲ့ကျင့်မှာ အသက်ဝဝရှူလိုက်ကာ မနည်းဒေါသထိန်းလိုက်ပြီး၊ ချူယွမ်အနားသို့ လျှောက်လှမ်းသွားသည်။
"ဘယ်ကလေကချေကောင်ကများ ခင်ဗျားကို ဒီလောက်ထိ ဘဝပျက်အောင် အနိုင်ကျင့်ထားတာလဲ၊ ပြောစမ်း"
"မင်း ဘယ်လိုလုပ်ရောက်လာတာလဲ"
ချူယွမ်ကတော့ အေးစက်တည်ငြိမ်စွာသာပြန်မေးလာ၏။
ရှန်ချန်းဖုန်းလည်း အရိပ်အကဲနားလည်သည်မို့ တံခါးစေ့ပေးလိုက်ကာ အပြင်ဘက်တွင်သာနေရစ်ပြီး အသာရှောင်ပေးလိုက်သည်။
ယဲ့ကျင့်မှာ ချူယွမ်အား သေချာကြည့်လာပြီးမေး၏။
"ဟိုအယုတ်တမာကောင် သွမ့်ပိုင်ယွဲ့ကြောင့်ပဲမလား။ အမတ်မင်းထောင်ဆီကနေ စာလွှာရတာနဲ့ အခြေအနေမဟန်တော့မှန်း ကျွန်တော်သိနေသားပဲ။ ဒဏ်ရာရထားသေးလား၊ ပြပါဦး"
"ဟင့်အင်း၊ မရှိဘူး"
"သောက်ကျိုးနည်း ဘာကိုမရှိရမှာလဲ။ ကျွန်တော်ကိုယ်တိုင် ဖော်စပ်ထားတဲ့ဆေးဗျ၊ အနံ့ရရုံနဲ့ ဘာကိစ္စမသိရမှာလဲ။ ခုချက်ချင်းအဝတ်တွေချွတ်စမ်း!!!!"
ချူယွမ် အလိုလိုပင် နောက်ဆုတ်သွား၏။
"အေး၊ အဲ့မှာတင် ခြေထောက်ကကျိုးပြီ"
ယဲ့ကျင်မှာ ပိုလို့ပင် ဒေါသထွက်သွား၏။
ချူယွမ် - "......."
ယဲ့ကျင်က ဘာကိုမှမမှုတော့ဘဲ ကုတင်လေးနား အတင်းတိုးထိုင်လိုက်ကာ ချူယွမ်ဘောင်းဘီစကို အပေါ်သို့ဆွဲတင်လိုက်သည်။
"လူသတ်သမားတွေနဲ့ သွားတိုးလို့ပါ"
ချူယွမ်ခမျာ ချက်ချင်းပင် ပျာပျာသလဲရှင်းပြလာသည်။
YOU ARE READING
ဧကရာဇ်ဗျူဟာ [Di Wang Gong Lue]
RomanceDi Wang Gong Lue (or) Emperor's Strategy {Myanmar Translation} Author : Yu Xiao Lan Shan