Arc 10:5
Avi ဘာမှတောင် ထပ်ပြီး မပြောနိုင်သေးခင်မှာဘဲ Vena ဦးတည်သည့်နေရာဖြစ်သော
ငရဲဂိတ်ဝနှင့် ဆန့်ကျင်ဘက်နေရာသို့ ရောက်လာခဲ့သည်။ထိုနေရာက Reole ကိုယ်တိုင် စောင့်ရှောက်သည့် နေရာပင်။
" Vena အဲ့ဒီနေရာက Reole နေတာ မဟုတ်ဘူးလား "
" ဟုတ်တယ် "
အချိန်မဆိုင်းဘဲ ချက်ချင်း ဖြေလိုက်သည့်
Vena ပင် ။
" ဘာလို့ အဲ့ဒီ့ကို "
Vena သည် သူမ၏ ရေခဲပြာရောင် နှုတ်ခမ်းပါးကို ကော့ညွတ်စေလိုက်ကာ
" အဲ့ဒီ့နေရာက အကာအကွယ် အနည်းဆုံးပဲ ၊ ပြီးတော့ အခုအချိန် Reole က သူ့နေရာမှာသူမရှိဘူး "
ထိုသံဆူးကြိုးအထပ်ထပ်ဖြင့် ကာရံထားသည့် ဂိတ်ဝနှင့် ပိုမိုနီးကပ်လာလေ ၊ အန္တရာယ်နှင့်ပိုနီးကပ်လာသည်ဟု Avi ခံစားရလေဖြစ်သည်။ ထိုနေရာတွင် Reole မရှိဘူးဆိုဦးတော့၊ ငရဲပြည်ဂိတ်ဝ ဖြစ်သည့်
အပြင်ထွက်ဂိတ်ကိုမူ အစောင့်မရှိ ဗလာသီးသန့် ထားမည်မဟုတ်သည့်အပြင် လွယ်ကူစွာ ဖြတ်သန်းလို့ ရအောင်လည်း ထားထားမည်မဟုတ်ပေ။
" Vena ... !!"
Avi သတိပေးလိုက်သံတောင်မဆုံးသေး ။ ဂိတ်ဝသို့ စွန်ရဲနဲ့အတူ တဟုန်ထိုး ဆင်းသက်လာသည့် Vena ကို ဂိတ်ဝရှိ အစောင့်များက အသင့်အနေအထားဖြင့် တိုက်ခိုက်ရန်ပြင်ဆင်ထားပြီး ဂိတ်ဝကိုကာကွယ်ဖို့အတွက် အဆင်သင့်ပြုလုပ်ထားပါသော်လည်း Vena ကမူ သူမ၏ အရှိန်ကို အနည်းငယ်တောင် မလျော့ပေ ။ အရှိန်ကို ပို၍ပင် တိုးမြင့်ကာ သူမ၏ လက်တစ်ဖက်တွင် ငွေပြာရောင်အခိုးအငွေ့များကို စုစည်း စေလိုက်ပြီး တိုက်ခိုက်ဖို့အတွက်
အသင့်ပြင်ထား၏ ။
" Vena !! "
" Lynx ငါတို့နှစ်ယောက်ပေါင်း တိုက်ပွဲတစ်ခု ဖန်တီးကြည့်ကြမလား "
Vena ပြောသည်ကို သူနားမလည်သေးခင်မှာဘဲ သူမလက်ထဲရှိ ငွေပြာရောင် အခိုးအငွေ့လုံးသည် Avi နံဘေးမှ ကျော်ဖြတ်လျက် ဂိတ်ဝတွင် စောင့်နေကြသော ငရဲသားများထဲ တန်းတန်းမတ်မတ်ကျရောက်သွားခဲ့သည်။ Vena ၏ အစွမ်းကြောင့် အေးခဲသွားသည့် ငရဲသားများသည် အချိန်ကြာကြာ တောင့်ခဲသွားခြင်းမရှိပေ။ ခဏအတွင်းပင် ထိုငရဲသားကို ခဲထားသည့် ရေခဲလွှာသည် အပူငွေ့ကြောင့် အရည်ပျော်ကျသွားသည်။ Avi မှတ်ထားမိသလောက် အရည်ပျော်ကျရန်ကြာမြင့်ချိန်မှာလည်း ငါးစက္ကန့်သာသာမျှသာ ။
YOU ARE READING
Resinner : Resystem ( Complete )
FantasyStart date -17.10.2019 End Date -4.6.2021 Author - ဗိန်း sinner ဆိုတဲ့အျပစ္သားေတြကို ဒီတိုင္း႐ုိး႐ုိး႐ွင္း႐ွင္း ေလးမ်ားအျပစ္ကိုေပးေခ်ခိုင္းမယ္လား ို႔ထင္ေနၾကလား? resinner ဆိုတဲ့ အျပစ္သားေတြကို mission fail ေအာင္လုပ္ေပးရမဲ့ avi လိုလူမ်ိဴးေတြလည္း႐ွိေနေ...
