Arc 9 တွင်ပါဝင်သော အကြောင်းအရာများ ၊ လူပုဂ္ဂိုလ် ၊ ဘာသာရေးအဖွဲ့အစည်းများသည် စာရေးသူ၏ စိတ်ကူးယဥ် အတွေးသက်သက်သာဖြစ်ကြောင်း ကြိုတင်သတိပေးအပ်ပါသည်။
-------------------------
" မင်း အသံတိတ်ငိုမနေသင့်ဘူး "
" ကိုဉာဏ် တုန်းကရော အသံထွက်ငိုခဲ့ဖူးလား "
Avi ခေါင်းခါကာ လက်ထဲရှိဘီယာအား တစ်ကျိုက်တည်းမော့သောက်လိုက်သည်။သူတုန်းက ငိုဖို့အသံတောင် ထွက်မလာခဲ့ ၊ ကာယကံရှင်ကိုယ်တိုင်းက မငိုဖို့အတွက်ဖိအားပေးခဲ့တော့ မျက်ရည်တွေက ထွက်မကျလာတာဖြစ်နိုင်လိမ့်မည်။
" ကိုဉာဏ် တောင်မငိုတာ ကျွန်တော်က ငိုစရာလား "
အပြာရောင် ဒန်းလေးကို ခြေထောက်ဖြင့်အသာလွှဲကာ ညရဲ့လေအေးကို ခံစားရင်း တစ်ယောက်တစ်ခွန်းနှုန်းဖြင့်စကားတွေအပြန်အလှန်ပြောနေကြ၏ ။ ဒီညက လလည်း မသာသလို အပျင်းပြေ ရေတွက်စရာ ကြယ်တွေလည်းမရှိ ။ သို့သော် အိမ်ရှေ့မီးအိမ်လေးတစ်လုံးရှိနေရုံနှင့်ပင် သူတို့နှစ်ယောက်အတွက် အလင်းရောင် လုံလောက်နေပြီဖြစ်သည်။ အခြားဘာမှ ထပ်မလိုအပ်တော့ပါ လို့ သူကြီးကြီးကျယ်ကျယ်တွေမပြောချင်ပေမဲ့ အခုဒီအချိန်လေးကိုတော့သူသဘောကျသည်။ ဘေးမှာ တစ်စုံတစ်ယောက်ရှိနေသည့် ခံစားချက်မျိုး သူတကယ်သဘောကျသည်။
" ဒါပေမဲ့ အသည်းအသန် ပေါက်ကွဲပစ်လိုက်ရမဲ့အချိန်ဆိုတာတော့ ရှိသင့်တယ် "
" ကိုဉာဏ်ရော အဲ့ဒီလို ပေါက်ကွဲဖူးလား "
Avi ခေါင်းကိုခါယမ်းလိုက်သည်။ ပြီးနောက် ကုန်သွားသည့် ဘီယာအစား အခြားတစ်ဘူးကို ထပ်ဖွင့်လိုက်သည်။
" မရှိဘူး ၊ ငါက သိမ်းထားတုန်း "
ဖောက်ပြီးသွားသည့် ဘီယာဘူးကို မော့သောက်လိုက်ကာ မြိုချလိုက်ပြီးနောက် စကားကို ဆက်လိုက်သည်။
" ဘယ်တော့ပေါက်ကွဲထွက်မလဲဆိုတာ မသိပေမဲ့ပေါ့ "
" အဲ့ဒီအချိန် ရောက်ရင် ကိုဉာဏ် ကျွန်တော့်အပေါ်မှာ
ပေါက်ကွဲလိုက်လို့ရပါတယ် "
![](https://img.wattpad.com/cover/203511691-288-k246945.jpg)
YOU ARE READING
Resinner : Resystem ( Complete )
FantasyStart date -17.10.2019 End Date -4.6.2021 Author - ဗိန်း sinner ဆိုတဲ့အျပစ္သားေတြကို ဒီတိုင္း႐ုိး႐ုိး႐ွင္း႐ွင္း ေလးမ်ားအျပစ္ကိုေပးေခ်ခိုင္းမယ္လား ို႔ထင္ေနၾကလား? resinner ဆိုတဲ့ အျပစ္သားေတြကို mission fail ေအာင္လုပ္ေပးရမဲ့ avi လိုလူမ်ိဴးေတြလည္း႐ွိေနေ...