Arc 10:13
မြို့အစွန်ရှိ Cindy ပေါင်မုန့်ဆိုင်အရှေ့တွင်
Avi သတိလက်လွတ်ဖြင့် ထိုင်နေမိသည်မှာ အချိန်ဘယ်လောက်တောင် ကြာပြီမှန်းမသိ ။ သင်းပျံ့သော ပေါင်မုန့်ရနံ့သည် Avi အနားတွင်ရစ်ဝဲနေပြီး ထိုပေါင်မုန့်နံ့၏ ဆွဲဆောင်မူကြောင့်လားမသိပေမဲ့ ဆိုင်လေးထဲတွင် ဝယ်ယူသူလူများကြိတ်ကြိတ်တိုးစည်ကားနေသည် ။ အားနည်းလာသည့် သူ့ဝိညာဥ်စွမ်းအင်သည် Avi ကိုလှောင်ရယ်ကာ နေသည့်အတိုင်း Lynx ရဲ့ဝိညာဥ်ကို ငြိမ်သက်အောင် ထိန်းချုပ်နေရသည်။' One ဒါငါ့ရဲ့နောက်ဆုံးကမ္ဘာမဟုတ်လား '
( ဟုတ်ပါတယ် )
' ငါ့တာဝန်ကလည်း Sinner Mission ကျရှုံးအောင်လုပ်ဖို့နဲ့ Zero ဝိညာဥ်အစိတ်အပိုင်းကိုယူဖို့ပဲ ရှိတာမဟုတ်လား '
( ဟုတ်ပါတယ် )
' ဒါပေမဲ့ငါ့ဝိညာဥ်ကတော့ အရမ်းအားနည်းနေပြီ '
( Host အခု သလင်းကျောက်လက်စွပ်ကို ပေးလည်း နောက်မကျသေးဘူး)
' နောက်ကျသွားပြီ '
(...)
' ငါ မင်းရတုပိုင် ရဲ့ဝိညာဥ်အစိတ်အပိုင်းတွေ ကို အနှိုင်းမဲ့သလင်းကျောက်လက်စွပ်ထဲပြောင်းထည့်လိုက်တယ် '
( Host ကျွန်တော်မသိအောင် ဘယ်အချိန်တုန်းကများ လုပ်လိုက်တာလဲ)
' ဓားကလည်း သိပ်မခံတော့ဘူးဆိုတော့
ငါလည်း မထူးဇာတ်ခင်းပြီး အဲ့လိုလုပ်လိုက်မိတာ ၊
မင်းရတုပိုင် ဝိညာဥ်အစိတ်အပိုင်းကို ယူဖို့ ငါ့မှာ အချိန်တောင် ရှိပါတော့မလားဘဲ '' One '
'One '
လုပ်ပြီ။ မပြောမဆိုနဲ့ပျောက်သွားပြန်သည်။
ဒီကမ္ဘာသို့ရောက်ပြီးသည့်နောက် ဒါ One ပျောက်သွားတာ ပထမဆုံးအကြိမ်ဖြစ်သည်။ Avi သူ့ခန္တာကိုယ်က အနည်းငယ်ပင်ပန်းနေကြောင်း သိလိုက်၏ ။ ဒီကမ္ဘာကလည်း နောက်ဆုံး ကမ္ဘာမဟုတ်ပါလား ။ သူတတ်နိုင်သလောက် စိတ်ကို လျှော့ကာ နေလိုက်ချင်သည်။သူဒီခုံတန်းရှေ့မှာ စိတ်ပျက်လက်ပျက်ထိုင်မနေခင်က သူအစီအရင်တစ်ခုကို လူသူရှင်းသည့် လမ်းကြားတစ်နေရာတွင် သွားဆွဲနေခဲ့တာဖြစ်သည်။ အလင်းနတ်ဘုရားကို ခေါ်ဖို့အတွက် ဟုသော ခေါင်းစဥ်ဖြင့် သူအစီအရင်များကို ချကာ လိုအပ်သည်များကိုလုပ်ဆောင်မည်ဟု ဆိုသည့်အချိန်တွင် avi ခေါင်းထဲတွင် ဘာမှမရှိ ဗလာချည်းသာ ဖြစ်နေကြောင်းသတိထားလိုက်မိသည်။ Zole ပိုင်တဲ့နယ်မြေထဲကနေ ဘယ်လိုကဘယ်လိုသူထွက်လာနိုင်မှန်း မသိသလို ယခုတစ်ခါ ဘယ်လိုပြန်သွားရမလဲဆိုသည်မှာလည်း စဥ်းစားရကြပ်သည်။
![](https://img.wattpad.com/cover/203511691-288-k246945.jpg)
YOU ARE READING
Resinner : Resystem ( Complete )
FantasyStart date -17.10.2019 End Date -4.6.2021 Author - ဗိန်း sinner ဆိုတဲ့အျပစ္သားေတြကို ဒီတိုင္း႐ုိး႐ုိး႐ွင္း႐ွင္း ေလးမ်ားအျပစ္ကိုေပးေခ်ခိုင္းမယ္လား ို႔ထင္ေနၾကလား? resinner ဆိုတဲ့ အျပစ္သားေတြကို mission fail ေအာင္လုပ္ေပးရမဲ့ avi လိုလူမ်ိဴးေတြလည္း႐ွိေနေ...