unicode ver -
ငါးနှစ်ကြာပြီးနောက်......
ဇာပန်းများ ထည်ဝါစွာထိုးထားသော တာဒါရှီလျှိုဂျီတံဆိပ် သနပ်ခါးရောင် နွေရာသီဒီဇိုင်းဂါဝန်အား ဝတ်ဆင်ထားသည့် အမျိုးသမီးတစ်ယောက်အား ပေကျင်းလေဆိပ်တွင် တွေ့ရသည်။ ထိုအမျိုးသမီးနှင့်အတူ ဘေးတွင် ထိုအမျိုးသမီးကဲ့သို့ ဝတ်ဆင်ထားသော ကလေးမလေးတစ်ယောက် ပါရှိသည် ။
ထ်ိုအမျိုးသမီးသည် ခနွာကိုယ်သွယ်လျသည်သာမက ချောမောလှပပေသည် ။ သူမ၏မျက်နှာသွင်ပြင်သည် လက်ရာမြောက်ပန်းပုတစ်ခုလိုပင် အချိုးအစားပြေပြစ်ကာ သိမ့်မွေ့ထည်ဝါနေသည် ။ ဖြောင့်စင်း၍မဲနက်သော ဆံပင်အရှည်ကြီးသည် သူမ၏အလှကို ပို၍ ကျက်သရေရှိအောင်ပင် ပံ့ပိုးထားလေသည် ။
ချစ်စဖွယ်ကောင်းသော ရှေ့ဆံမြိတ်သေးသေးလေးများရှိသည့် ကလေးမလေးတွင် ပန်းနုရောင်သန်းနေသော မျက်နှာပြင်နှင့် မဲနက်ကာ ကြယ်များကဲ့သို့ တောက်ပရွှန်းလဲ့နေသော မျက်လုံးတစ်စုံပင်ရှိသည် ။ သူမပြုံးရယ်လိုက်တိုင်းတွင် သူမ၏ သွားသေးသေးလေးများသာမက အလွန်ပင် ချစ်စရာကောင်းသော ပါးချိုင့်လေးများပင် ထပ်ဆောင်းဖော်ပြထားသည် ။
ထိုအမျိုးသမီး နှင့် ကလေးမလေးတို့ နှစ်ယောက်စလုံးသည် လူအများ၏ စိတ်ဝင်စားမှုကို ခံရပေသည် ။ ကြည့်နေသောလူအများမှာမူ အနုပညာရှင်စတားတစ်ယောက်သည် သူမ၏ ကလေးအား တရုတ်သို့ ပြန်လည်ခေါ်ဆောင်လာခြင်းဟုပင် ထင်နေကြပေသည် ။
ရှုရှီယန် အထုပ်အပိုးများကို ဆွဲထားရုံသာမက သမီးဖြစ်သူ ယင်ဘာအိုအား ဆွဲခေါ်ရသောကြောင့် ခရီးဖင့်ကာ ရှေ့သို့မရောက်နိုင်ဖြစ်နေသည် ။ အဝေးကြီးပင် မရောက်သေးခင် အိတ်တစ်အိတ်သည် ကြမ်းပြင်ပေါ်သို့ပြုတ်ကျကာ အထဲတွင်ပါသော ပစ္စည်းများသည်လည်း ကြမ်းပြင်ပေါ်တွင် ပြန့်ကျဲကုန်လေသည် ။ သူမ အောက်ကျသည့် ပစ္စည်းများ လိုက်ကောက်ရင်း အလုပ်ရှုပ်နေသည် ။
ထိုအချိန်တွင် ယင်ဘာအိုသည် အိတ်အကြီးဆုံးပေါ်တွင် ထိုင်ကာ လေဆိပ်အတွင်း ဖြတ်သန်းသွားလာနေသော လူအများအား ငေးကြည့်နေလေသည် ။ သူမနှင့် ဆန်ကျင့်ဘက်မှလာသော လူအုပ်ကြီးအား မြင်လိုက်သည့်အချိန်တွင် သူမ၏ ဝိုင်းစက်တောက်ပသော မျက်လုံးများပင် လှုပ်ရှားသွားသည် ။
YOU ARE READING
ပူကြူးလေးရဲ့စူပါဒယ်ဒီ
Romanceသူက ဘယ်အရာကိုမဆို လုပ်ဆောင်နိုင်သော အနုပညာအသိုင်းအဝန်းမှ ဘုရင်တစ်ဆူ။ နှစ်ချို့လူပျိုကြီး လူလွတ်တစ်ယောက်။ သတင်း၊အတင်း တစ်ခါမျှပင်မထွက်ဖူးပေ။ သို့သော်တစ်နေ့တွင် သူ့ဘဝကို ပြောင်းပြန်လှန်ခဲ့လေသော မိန်းမတစ်ယောက်နှင့် ကလေးတစ်ယောက်။ ကလေးဖြစ်သူမှာ ထိုသူ...
