ဝှီးချဲ နှင့် ဝင်လာသောအမျိုးသားသည် အလွန်ပင် ချောမောခန့်ညားလှသည် ။ သူ၏နဖူးပေါ်တွင်ကျနေသော နူးညံ့လှမည့်ဆံပင်များသည် ထိုသူ၏ ခန့်ညားလှသော ရုပ်ရည်တစ်ဝက်အား ဖုံးကွယ်ထားသည် ။
ရှုရှီယန်၏မျက်လုံးများသည် ထိုလူ၏ ဝှီးချဲပေါ်တွင် စိုက်ကြည့်နေမိသည် ။ ထိုလူအား သူမ စူးစမ်းနေသည် ။
ဘာလို့ ရင်းနှီးနေသလို ခံစားရတာလဲ ။
ထိုလူသည် သူမအနားသို့ ဝှီးချဲရှိ ခလုတ်တစ်ခုအားသုံးကာ ဖြေးဖြေးချင်း နီးကပ်လာသည် ။ ရှုရှီယန် ချက်ချင်းပင် နေရထိုင်ရခက်သွားကာ သူမကိုယ်အား လုံခြုံစေရန် အနီးရှိစောင်အားဆွဲခြုံလိုက်သည် ။ သူမ သတိအနေအထားဖြင့် တောင့်တောင့်ကြီး ထိုင်နေကာ မေးလိုက်သည် ။
“ဘယ်၊ ဘယ်သူလဲ။”
“မင်း ငါဘယ်သူဆိုတာ မမှတ်မိဘူးလား။”
အေးစက်လှသော အသံအားကြားသည့်အခါ ရှုရှီယန် ထိုလူအား သူမ၏မျက်ရည်ဝဲနေသောမျက်လုံးများဖြင့် စိုက်ကြည့်လိုက်သည် ။
ထိုလူသည် မျက်နှာကို အပေါ်မော့လိုက်ကာ နက်ရှိုင်းသော မျက်လုံးအစုံအား ဖုံးကွယ်နေသော ဆံပင်များအားဖယ်လိုက်သည် ။
သူ့အားမှတ်မိစေရန် ခန္ဓာကိုယ်ကို ခေါင်းစခြေဆုံးကြည့်ခွင့်ပြုပြီးနောက် ထိုသူ၏ပါးလွှာသော နှုတ်ခမ်းတစ်စုံသည် ကြင်နာနူးညံ့မှုအသွင်ဆောင်သောအကွေးလေးဖြင့် ပြုံးလိုက်သည် ။
ဘုရားရေ ။
သူက အရမ်းချောတာဘဲ ။သူမရှေ့မှ ထိုလူသည် မိန်းမတစ်ယောက်ထက်ပင် ပို၍ကြည့်ကောင်းနေသည် ။
ငါတို့ မိန်းမတွေကို ကိုယ်ကို့ကိုယုံကြည်မှုရှိစေဖို့
အလှလေး နည်းနည်းလောက် ချန်ပေးလို့မရဘူးလား ကောင်လေးရယ် ။“*မင်း...”"
ရှုရှီယန်၏ လှပသောမျက်လုံးများသည် အံ့အားသင့်မှုကြောင့်ပင် ပြူးကျယ်သွားသည် ။ ထိုသူအား တခနတာကြည့်ပြီးနောက် သူမ တိုးတိုးလေးပြောလိုက်သည် ။
“မဖြစ်နိုင်တာ ။ ဟိုရုပ်ရှင်မင်းသားနဲ့ ဘာလို့အရမ်းတူနေရတာလဲ ။ ဟို...ဘယ်သူပါလိမ့်။”
YOU ARE READING
ပူကြူးလေးရဲ့စူပါဒယ်ဒီ
Romanceသူက ဘယ်အရာကိုမဆို လုပ်ဆောင်နိုင်သော အနုပညာအသိုင်းအဝန်းမှ ဘုရင်တစ်ဆူ။ နှစ်ချို့လူပျိုကြီး လူလွတ်တစ်ယောက်။ သတင်း၊အတင်း တစ်ခါမျှပင်မထွက်ဖူးပေ။ သို့သော်တစ်နေ့တွင် သူ့ဘဝကို ပြောင်းပြန်လှန်ခဲ့လေသော မိန်းမတစ်ယောက်နှင့် ကလေးတစ်ယောက်။ ကလေးဖြစ်သူမှာ ထိုသူ...