ပူကြူးလေးရဲ့စူပါဒယ်ဒီ

အပိုင်း (၁၂၇) မင်းက ငါ့ရဲ့သူရဲကောင်းဘဲ။

unicode

ရှုရှီယန် ကျွမ်းကျင်သပ်ရပ်မှု၊ ပရော်ဖက်ရှင်နယ်ဆန်မှုများဖြင့် တင်ဆက်ပြသလိုက်သည်။ သူမသာ အချိန်အကြာ လေ့လာ မသင်ယူခဲ့လျှင် ဤသို့သော ကျွမ်းကျင်မှု၊သပ်ရပ်မှု၊ ခိုင်ခံမှုအား သူမ ရရှိရန် မဖြစ်နိုင်ပေ။ ရွှင်ရာတင် ရီရွှန်အား အံ့အားသင့်မှုများဖြင့် ကြည့်လိုက်သည်။ သူသည် သူမတီးခဲ့သော တယောတစ်ခုတည်းအား တီးနေပါသော်လည်း သူ၏တင်ဆက်မှုတွင် ကွဲပြ့ားခြားနားသော လေထုတစ်ခုအား ဖန်တီးနိုင်စွမ်း ဖော်ပြနိုင်စွမ်းရှိပေသည်။ နက်နဲကာ စိတ်ထဲ ရင်ထဲသို တိုက်ရိုက်ထိရောက်ပေသည်။ သူမကိုယ်တိုင်ပင် ဤသို့သော သံစဉ်အားမတီးခတ်နိုင်၊ မဖန်တီးနိုင်ပေ။ ရှုရှီယန်၏လက်ထဲတွင် တယောသည် သာယာနာပျော်စွာ သံစဉ်ထုတ်လွှင့်ပေးသည်။ တစ်ခါတစ်ရံတွင် သံစဉ်သည် မြန်ဆန်၍ အားနှင့်မာန်နှင့်ပြင်းလှကာ၊ တစ်ခါတစ်ရံတွင် နက်ရှိုင်း၍ ကျက်သရောရှိစွာ ငြိမ့်ညောင်းလှသည်။

သူမ၏တင်ဆက်မှုမှ ပထမသံစဉ်အနည်းငယ်အား နားထောင်ရုံနှင့် သူမ မည်သည်ကို တီးခတ်နေကြောင်း ဟွာယိုရှန် သိလေသည်။ တစ်ဝက်သံနိမ့် E‌ မေဂျာ 'အီရိုရီကာ' သံစဉ်နံပါတ်၅၅ရှိ ဘင်သိုဗင်၏ တေးသွားနံပါတ်၃ပင်ဖြစ်သည်။ တူရိယာအများအပြားနှင့် အတူတီးခတ်ရန်လိုသော သံစုံတီးဝိုင်းမှ ဂီတစ်မျိုးဖြစ်သည်၊ သို့သောိ ထိုအချိန်တွင် တီးမည့်သူမှာ ဟွာယိုရှန်နှင့် ရှုရှီယန်ပင်ရှိသည်။ ရှုရှီယန် သူနှင့်အ ကြည့်ချင်းဆုံလျက် အချက်ပေးလိုက်သည်။ တယောမှ ခလုတ်များအား သူ၏လက်နှစ်ဖက်ဖြင့် ဖိလိုက်ကာ သူမ၏တင်ဆက်မှုအား ပါဝင်ဖျော်ဖြေသူတစ်ယောက်အနေဖြင့် စတင် တီးခဆ်လိုက်ပေသည်။ ဂီတတူရိယာနှစ်ခုမှထွက်လာသော သံစဉ်များသည် ပြီးပြည့်စုံသော ဟာမိုနီနှင့် အက်ကြောင်း၊ပြစ်မျိုးမဲ့မထင် ထွက်လာလေသည်။ ဤပွဲသည် သူတို့နှစ်ယောက် အတူတူဖျော်ဖြေသော ပထမဆုံးပွဲဖြစ်သော်လည်း နှစ်ယောက်စလုံးတွင် အပြစ်ဆိုစရာမရှိ လိုက်ဖက်ညီသော ချိတ်ဆက်မှုတစ်ခု ရှိနေလေသည်။

တစ်ခါတွင် ကြီးကြယ်မြင့်မြတ်သောတေးရေးဆရာ ဘင်သိုဗင်သည် 'အီရိုရီကာ'အား ကြောက်လန့်တော်လှန်သော အဓိပ္ပာယ်အား ပေးခဲ့သည်။ ယနေ့တွင် ရှုရှီယန်သည် ဟွာယိုရှန်အားပြောပြရန် ဤသို့သော ဂီတသံစဉ်အား အသုံးပြုချင်သည်။