unicode
“ယင်ဘာအိုကို မွေးလိုက်ရလို့ ငါဘယ်တော့မှ နောင်တမရဘူး လိမ္မော်သီး ။ ယင်ဘာအိုက ငါ့ရဲ့အရာရာ ၊ ငါ့ရဲ့ဘဝဘဲ။”
ရှုရှီယန် သမီးဖြစ်သူအားဖက်ကာ နဖူးအားနမ်းလိုက်သည် ။ နိုင်ငံခြားရောက်သော ငါးနှစ်ကာလတွင် ကလေးထိန်းခြင်းဖြင့် လေးနှစ်သောအချိန်အား ကုန်ဆုံးခဲ့သည် ။ ထိုတစ်ချိန်ထဲမှာပင် သူမ၏ပညာရေးအား ဆုံးခန်းတိုင်အောင် ကြိုးစားသည် ။ ထိုကာလများသည် သူမအတွက် အလွန်ခက်ခဲကြပ်တည်းသော ကာလများပင် ဖြစ်သည် ။ သို့သော် သူမ စိတ်မပင်ပန်းရပေ ၊ အလွန်ပျော်ရွှင်ခဲ့ရသည် ။ အမှန်ပင် အချိန်အား အဖိုးတန်စွာ အသုံးချခဲ့ခြင်းသာ ဖြစ်သည် ။
“ယင်ဘာအိုရဲ့ အဖေကကော ဘယ်သူလဲ။”
ဖန်ရှောင်ချန် ဤအကြောင်းအရာအား ပို၍စိုးရိမ်နေသည် ။ လွန်ခဲ့သောငါးနှစ်မှ ဖြစ်ရပ်တစ်ခုအား သူမ မှတ်မိနေဆဲပင် ။ ထိုညပြီးနောက်တွင် ရှုရှီယန် နှင့် နဖူးပြောင်ပြောင် ၊ အဆီရွှဲရွှဲ အဖိုးကြီးတစ်ယောက်သတင်းသည်အတိုင်းအဆမရှိ ပျံနှံသွားခဲ့ခြင်းပေ ။
ဒီကလေးက အဲ့အဖိုးကြီးရဲ့ကလေးတော့ မဖြစ်တန် ကောင်းပါရဲ့ ။
“အာ....ငါ မသိဘူး။”
ရှုရှီယန် နေရခက်နေသဖြင့် ဖန်ရှောင်ချန်အား ရယ်ပြလိုက်သည် ။
“....”
ဖန်ရှောင်ချန် ပြောစရာစကားပင် ပျောက်သွားသည် ။ ထိုအကြောင်းကိစ္စများအား ချုံစဉ်းစားကြည့်လေလေ ပို ပိုပြီး ကြောက်ဖို့ကောင်းလေလေပင် ။ကလေးက တကယ် ဟိုအဖိုးကြီးကလေးများလား ။
လွန်ခဲ့သောငါးနှစ် ရှုရှီယန် နိုင်ငံခြားသို့ရောက်ပြီး မကြာခင်အချိန်မှာပင် သူမတွင် ကိုယ်ဝန်ရှိကြောင်းသိခဲ့ရသည် ။ ကလေး၏အဖေသည် ထိုညမှ သူစိမ်းလူတစ်ယောက်ပင် ဖြစ်သည် ။သို့သော် ကံမကောင်းစွာပင် ထိုလူ၏အမည် ၊ နေရပ်လိပ်စာ ၊ အလုပ်အကိုင် မည်သည်မျှ မမေးခဲ့မိခြင်းပေ ။ အကယ်၍ မေးခဲ့မိလျှင် သူမ ယခုချိန်တွင် သမီးဖြစ်သူအတွက် အထောက်အပံ့တစ်ခုခု အကူအညီတောင်းနိုင်ပေလိမ့်အုံးမည် ။
YOU ARE READING
ပူကြူးလေးရဲ့စူပါဒယ်ဒီ
Romanceသူက ဘယ်အရာကိုမဆို လုပ်ဆောင်နိုင်သော အနုပညာအသိုင်းအဝန်းမှ ဘုရင်တစ်ဆူ။ နှစ်ချို့လူပျိုကြီး လူလွတ်တစ်ယောက်။ သတင်း၊အတင်း တစ်ခါမျှပင်မထွက်ဖူးပေ။ သို့သော်တစ်နေ့တွင် သူ့ဘဝကို ပြောင်းပြန်လှန်ခဲ့လေသော မိန်းမတစ်ယောက်နှင့် ကလေးတစ်ယောက်။ ကလေးဖြစ်သူမှာ ထိုသူ...