ရှုရှီယန် သိုသိုသိပ်သိပ်ပင် ဖုန်းတွင်အသံသွင်းထားခြင်းအား ပိတ်လိုက်သည် ။ ထို့နောက် နူးညံ့ကာ ရှက်သွေးကြွယ်နေသော မိန်းကလေးတစ်ယောက်ကဲ့သို့ ဟန်ဆောင်လိုက်သည် ။ ချုယုဟီ၏ ရင်ဘတ်အား သူမ၏ လက် ချောင်းများနှင့် တမင်ပင် ကစားနေလိုက်သည် ။
“ယုဟီ ငါတို့ကွဲနေတာ ကြာလှပြီ ။ ငါ နင့်ကို တကယ့်ကို လွမ်းနေတာ နင်ကရောဟင်။”
“ယန်ယန် ငါ....”
သူမ၏ မျက်လုံးများနှင့် ညို့ယူနေသည် ။
သူမ၏ ရည်ရွယ်ချက်မှာ ရှင်းလင်းလှပေသည်။
ယခု ချုယုဟီပုံစံသည် နှာခေါင်းသွေးထွက်တော့မည့်ပုံပင် ။
“ငါကိုလိုချင်တာများ မြန်မြန်လာပြီး အကုန်ယူသွားပါလားလို့။”
ရှုရှီယန် အားပြင်းပြင်း နှိုးဆော်လိုက်သည် ။
“အိုး... အိုးး”
ချုယုဟီ အလွန်ပင် ပျော်ရွှင်သွားသည် ။ ရှုရှီယန်သည် သူ့အား ယခုအချိန်ထိပင် ချစ်နေမည် ၊ ယခုကဲ့သို့ ချက်ချင်း သူ့အားလမ်းဖောက်ပေးမည်ဟု မထင်ထားခဲ့ပေ ။ နောက်ပိုင်း ဘာဆက်ဖြစ်မည်ဟု ကြိုစဉ်းစားရုံနှင့်ပင် သူတကယ်ပင် စိတ်လှုပ်ရှားကာ ကျေနပ်အားရနေသည် ။
သူ၏ အပေါ်အင်္ကျီနှင့် ဘောင်းဘီအား လျှင်မြန်စွာ ချွတ်ချလိုက်သည် ။ သူ၏ဘောင်းဘီ ခြေထောက်သို့ကျသွားသည် နှင့် မထင်ထားသော ထိုးနှက်မှုများ သူ၏ မျက်လုံးပေါ်သို့ ကျရောက်လာကာ ရှောင်နိုင်ခွင့်ပင်မရှိပေ ။
ထို့နောက် အားပြင်းပြင်းနှင့် ရောက်လာသော ထိုးချက်တစ်ချက်သည် သူ့အား ယောင်ယမ်းနာကျင်ရုံသာမက သွေးများပင်ထွက်လာစေသည် ။
“အားးးးးးးး”
ချုယုဟီ ပုန်းခိုရှောင်ပြေးချင်နေသည် ။ သို့သော် သူ၏ခြေထောက်သည် ဘောင်းဘီနှင့်ညှိနေကာ ကြမ်းပြင်ပေါ်သို့ ချော်လဲကျသွားတော့သည် ။
ထိုအချိန် ရှုရှီယန်၏ မျက်လုံးထဲတွင်တော့ အမှန်းတရားများအပြည့်နှင့်ပင် ။ စားပွဲပေါ်မှ ဝိုင်ပုလင်းအားဆွဲယူကာ အောက်ခြေပိုင်းကို ခွဲလိုက်သည် ။ ထိုခွဲထားသော အောက်ခြေပိုင်းနှင့် ချုယုဟီ၏ တင်ပါးအား စူးအောင့်နာကျင်စေရန် အားနှင့်ထိုးလိုက်လေသည် ။
YOU ARE READING
ပူကြူးလေးရဲ့စူပါဒယ်ဒီ
Romanceသူက ဘယ်အရာကိုမဆို လုပ်ဆောင်နိုင်သော အနုပညာအသိုင်းအဝန်းမှ ဘုရင်တစ်ဆူ။ နှစ်ချို့လူပျိုကြီး လူလွတ်တစ်ယောက်။ သတင်း၊အတင်း တစ်ခါမျှပင်မထွက်ဖူးပေ။ သို့သော်တစ်နေ့တွင် သူ့ဘဝကို ပြောင်းပြန်လှန်ခဲ့လေသော မိန်းမတစ်ယောက်နှင့် ကလေးတစ်ယောက်။ ကလေးဖြစ်သူမှာ ထိုသူ...
