SPOKEN WORD POETRY (COMPLETED)

102. IKAW AT AKO

IKAW AT AKO

Ang pangalan nating dalawa
Ay isinulat sa bato ng tadhana
Upang mahalin natin ang isa’t- isa
At habang buhay na magkasamang tatanda.

Ikaw ang susi, ako ang kandado
Ikaw ang sala, ako ang kwarto
Ikaw ang bahay, ako ang pinto
Ikaw lang ang lalaking pinakamamahal ko.

Ikaw ang aking kumot
Na yumayakap sa tuwing ako ay nalulungkot
Ang mundo ko sa iyo lamang umiikot
Umabot man sa puntong ang mukha natin ay kumulubot.

Ikaw ang tinidor, ako ang kutsara
Ikaw ang upuan, ako ang lamesa
Hinding-hindi na ako maghahanap pa ng iba
Pagkat para sa akin ay ikaw lang sapat na.

Ikaw ang remote, ako ang tv
Gagawin ang lahat ikaw lang ay mapangiti
Ikaw ang kaldero, ako ang kawali
Simula nung panahong mapa-sakin ka, hindi ako nagsisisi.

Ikaw ang mangkok, ako ang plato
Ikaw ang pitsel, ako ang baso
Ikaw ang lalaking pinapangarap ko
Ikaw ang lalaking nagbigay kulay sa madilim kong mundo.

Ikaw ang aking nagiging unan
Sa tuwing wala akong masandalan
Mangangakong hinding-hindi ka iiwan
Pangako ko sayo na hindi kita pababayaan.

Ikaw ang kama, ako ang iyong sapin
Ikaw ang ulam, ako ang iyong kanin
Lahat ng pagsubok sabay nating kakayanin
Problema ay sabay nating lalagpasan, magkahawak-kamay nating lalakbayin.

Ikaw ang short, ako ang damit
At kapag nakabusangot ka, yayakapin ka ng mahigpit
Bibigkasin sa harap mo na kailanman hindi ka ipagpapalit
Ang kamay mo'y hahawakan ko ng pagkahigpit-higpit.

Ako ang sabon, ikaw ang aking shampoo
Ako ang toothpaste, ikaw ang aking sepilyo
Ako ang salamin, ikaw ang aking pulbo
Kung walang ikaw, hindi ako mabubuo.

Ikaw ang kape, ako ang iyong pandesal
Pinapangako kong tayo ay tatagal
Ang relasyon natin ay nasa aking dasal
Ikaw ang lalaking ninanais kong sa akin ay ikasal.

Ako ang tinapay, ikaw ang palaman
Tutupad ako sa ating sumpaan
Ikaw lang, sa isipa’y iyong itatak
Na ikaw ang lalaking nais kong maging Ama ng aking magiging mga anak.

Ako ang tubig, ikaw ang aking bigas
Kung saan ang pagmamahal ko sayo ay hindi magwawakas
Hindi maihahalintulad sa halaman na nalalagnas
Dahil ang pag-ibig ko sa iyo ay tulad ng palabas na wagas.