Scroll down for Zawgyi.
Unicode
မော့အန်းယွီဟာ မော့မိသားစုရဲ့တတိယမြောက် ကလေးဖြစ်သည်။သူ့မှာ အစ်ကိုကြီးနှစ်ယောက်ရှိပြီး သူ့ရဲ့မိသားစုကလည်း သူ့ကို အရမ်းအလိုလိုက်ထားကြသည်။ဒါကြောင့် မော့အန်းယွီ အသက်ဆယ့်ရှစ်နှစ်ပြည့်တဲ့အချိန်တုန်းက သူဟာ ကုမ္ပဏီမှာ ၀င်မလုပ်ဘဲ entertainment လောကထဲမှာ အလုပ်လုပ်ချင်တယ်ပြောတဲ့အခါ သူတို့က သဘောတူလက်ခံပေးခဲ့ကြသည်။
အထူးသဖြင့် သားအငယ်ဆုံးလေးကို အရမ်းချစ်တဲ့ မော့မေမေက မော့အန်းယွီကို အိမ်ပြောင်းနေထိုင်ဖို့ ခွင့်ပြုခဲ့ပေမယ့် အပတ်တိုင်း တစ်ရက်လောက် အိမ်ပြန်နေဖို့ ပြောထားသည်။
ဒါကြောင့် မော့အန်းယွီက တစ်ပတ်မှာ တစ်ရက် အိမ်ပြန်လေ့ရှိသည်။
အဲဒီနေ့မှာက ဖရဲသီးလေးရဲ့မူကြိုကျောင်း ပိတ်ရက်ဖြစ်နေသည်။မူလကတော့ မော့အန်းယွီဟာ ဖရဲသီးလေးကို ကစားဖို့အတွက် အပန်းဖြေဥယျာဉ်ဆီ ခေါ်သွားပေးဖို့ စီစဉ်ထားပေမယ့် မော့မေမေရဲ့ဖုန်းဆက်ခေါ်မှုကြောင့် ဖရဲသီးလေးနဲ့အတူ မော့အိမ်တော်ဆီကိုသာ ပြန်လိုက်ရသည်။
မော့မိသားစုမှာ ကလေးငယ်တွေ အများကြီးရှိသည်။မော့အန်းယွီ အိမ်တော်ကို ရောက်တဲ့အခါ သူ့ဦးလေးတွေရဲ့မြေးတွေတော်တော်များများက အတူတူ ဆော့ကစားနေကြတာကို မြင်ပြီး သူက ဖရဲသီးလေးကိုပါ သူတို့နဲ့အတူတူ သွားဆော့ဖို့ ပြောလိုက်သည်။
ဖရဲသီးလေးက လူစိမ်းတွေကို ကြောက်ရွံ့နေပေမယ့် မော့အန်းယွီရဲ့ ယတိပြတ်မျက်နှာအမူအရာကို မြင်တဲ့အခါမှာ သူ နာခံစွာနဲ့ပဲ သူငယ်ချင်းအသစ်တွေဆီ မိတ်ဖွဲ့ဖို့ သွားလိုက်သည်။
မော့အန်းယွီက ဘေးမှာရှိတဲ့အစေခံတွေကို စေခိုင်းညွှန်ကြားကာ စိတ်ကျေနပ်နေတဲ့ မျက်နှာအမူအရာနဲ့အတူ အခန်းထဲကို ၀င်သွားတော့သည်။
ဖရဲသီးလေးရဲ့ ပင်ကိုယ်စရိုက်အရ သူဟာ တခြားလူတွေနဲ့ သေချာပေါက်ကို အံ၀င်ခွင်ကျ မဖြစ်နိုင်ပေ။ဖရဲသီးလေးက အဲဒီလူစိမ်းကလေးတွေကို ကြောက်ရွံ့နေပြီး သူတို့နဲ့သွားမကစားခင်မှာ အချိန်အကြာကြီး တုံ့ဆိုင်းနေခဲ့သည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...