Scroll down for Zawgyi.
Unicode
ညအချိန်တွင် ကုန်သိုလှောင်ရုံအတွင်း၌ စိတ်မချမ်းမြေ့ဖွယ် နာနာကျင်ကျင် အော်သည်းသံများ ပျံ့လွင့်နေ၏။
လူအုပ်အလယ်က ယင်းလိဟာ သူ့ရှေ့ရှိ ကြမ်းပြင်ထက် သွေးထွက်သံယိုဒဏ်ရာများ အလိမ်းလိမ်းဖြင့် မချိတင်ကဲ အော်ဟစ်ရင်း လှဲလျောင်းနေသော ဟုန်ဟွေ့အား ရပ်ကြည့်နေမိသည်။
မူးယစ်ဂိုဏ်းချုပ်က ဟုန်ဟွေ့ရှေ့တည့်တည့်တွင် မတ်တပ်နေ၏။သူ့မျက်နှာတွင် ရက်စက်ကြမ်းကြုတ်မှုများကလည်း အပြည့်။
" မင်းက သစ္စာဖောက်ကောင်မဟုတ်တော့ သစ္စာဖောက်တွေကို ဖြေရှင်းတဲ့အတိုင်း ငါက မင်းကို မဖြေရှင်းပါဘူး။ဘာလို့ဆို မင်းက သူလျှိုကောင်မို့လို့လေ "မူးယစ်ဂိုဏ်းချုပ်က ဟုန်ဟွေ့ကို သံသယ၀င်နေခဲ့ပြီး ဟုန်ဟွေ့အား ထောင်ချောက်ဆင်ဖမ်းရန် သတင်းမှားတစ်ခု ငါးစာချခဲ့သည်။၎င်းသတင်းအမှားကြီးအား ယင်းလိသည် ဟုန်ဟွေ့မှတစ်ဆင့် သိရှိကာ ရုတ်တရက် ပေါက်ကြားသွားခဲ့သည်။
ယင်းလိ၏ အောင်မြင်မှုရရန် စိတ်လောကြီးမှုကြောင့် ဟုန်ဟွေ့ရဲ့သရုပ်မှန်က လုံးလုံးလျားလျား ဖော်ထုတ်ခံလိုက်ရသည်။ယခု မူးယစ်ဂိုဏ်းချုပ်က လူသူအများရှေ့မှောက်၌ ဟုန်ဟွေ့အား သူကိုယ်တိုင် ပြစ်ဒဏ်စီရင်နေသည်။
ယင်းလိကို ကာကွယ်ရန်အလို့ငှာ ဟုန်ဟွေ့က မြေကြီးတွင် ဒူးထောက်နေသည်။သူ၏ လက်ချောင်းများဟာလည်း ရက်ရက်စက်စက် အဖြတ်ခံထားရ၏။သူ့တစ်ကိုယ်လုံး ဒဏ်ရာဒဏ်ချက်များ ဖုံးအုပ်နေသည့်တိုင် ကျောပြင်ကမူ တစ်ဖြောင့်တည်း တန်းမတ်နေဆဲ။
ယင်းလိ မျှော်လင့်ချက်တွေပျက်သုဉ်းအားငယ်နေ၏။နောက်ဆုံးတွင် သူ ဤသားရဲတွင်းသို့ ခြေချလိုက်ကတည်းက ဘယ်လိုတာ၀န်မျိုးကို ထမ်းဆောင်နေရတယ်ဆိုတာ ယင်းလိ နက်နက်နဲနဲ သဘောပေါက်ခဲ့ပြီဖြစ်သည်။
သူ ခံစားရမယ့် အကျိုးဆက်က ဘယ်လိုအကျိုးဆက်မျိုးလဲဆိုတာကိုရော။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...