Scroll down for Zawgyi.
Unicode
ချင်ရှန်း ဆေးရုံတက်နေရကြောင်း ချင်လုပ်ငန်းစု၌ သတင်းပျံ့နှံ့သွားသောအခါ လုပ်ငန်းစုအတွင်းပိုင်းက စတင် လှုပ်ခတ်လာသည်။
ဥက္ကဋ္ဌအသစ်က နေရာ၀င်ယူထားသော်လည်း ပေါ်ယွီက ငွေကြယ်ပွင့်တစ်ယောက်ဖြစ်သည့်အပြင် အရင် တစ်ကြိမ်တစ်ခါမျှ ဒီလိုလုပ်ငန်းစုစီးပွားရေးမျိုးကို မကိုင်တွယ်ဖူးသူမို့ ချင်လုပ်ငန်းစု၏ ပဲ့နင်းဦးထောင်အခြေအနေက ပြင်းပြင်းထန်ထန် လှိုက်စားနေသည်။
သရုပ်ဆောင်တစ်ဦးက ချင်လုပ်ငန်းစုအား ကောင်းကောင်းမွန်မွန် စီမံဦးဆောင်နိုင်လိမ့်မည်ဟု သူတို့ မယုံ။
ပေါ်ယွီတစ်ယောက် ချင်လုပ်ငန်းစု၏အခြေအနေကို မဖမ်းဆုပ်နိုင်မီ သူ့အား စိတ်ပူ၍ ချင်လုပ်ငန်းစုဆီ အပြေးအလွှား ပြန်လာတဲ့ ချင်းရှန်းကြောင့် ပေါ်ယွီ အံ့သြသွားရသည်။သူ ရုတ်တရက် အာစေးမိနေ၏။
ဝှီးချဲလ်ပေါ်မှာ ထိုင်နေသော ချင်ရှန်းဟာ ပေါ်ယွီ့ဘေးက လျှို့ယွင်ကို အေးတိအေးစက် ကြည့်သည်။
လျှို့ယွင်၏အသက်ရှူသံတွေက ဆိတ်သုဉ်းနေသည်။သူ့ခမျာ အဆိပ်ပြင်းပြင်း မြွေကြီးတစ်ကောင် စူးစိုက်ကြည့်ခြင်းကို ခံနေရသည့်ပမာ။ချင်ရှန်းရဲ့အကြည့်တွေ ဖယ်ခွာသွားတော့မှ အသက်ရှူချောင်စွာ သက်ပြင်းတစ်ချက် မှုတ်ထုတ်လိုက်သည်။သူ့နောက်ကျောဝယ် ချွေးစေးများက တရွှဲရွှဲ။
ပေါ်ယွီ : " အမေ ဒီကို ဘယ်လိုလုပ် ရောက်လာတာလဲ ??? "
ချင်ရှန်းရဲ့မျက်ခုံးမျက်လုံးများက အရေးမထားဟန် အပြည့်။
" စုန့်ရှီလင် ၊ လျှို့ယွင် ၊ အပြင်ထွက်ကြ။ ငါ ပေါ်ယွီနဲ့ ပြောစရာရှိတယ် "အလကားမတ်တင်း ဒါရိုက်ဘာလေးအဖြစ် တာဝန်ထမ်းဆောင်နေရတဲ့ စုန့်ရှီလင်က ဝှီးချဲလ်ကိုင်ထားသည့်လက်ကို လွှတ်ပေးလိုက်၏။ချင်ရှန်း ထိုင်နေသော ဝှီးချဲလ်အား ပေါ်ယွီ ရုံးခန်းထဲ တွန်းဝင်သွားသည်အထိ ငေးကြည့်နေ၍ ထွက်ခွာသွားခဲ့သည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...