Scroll down for Zawgyi.
Unicode
ပေါ်ယွီနဲ့စုန့်ရှီလင်တို့ လက်ဝှေ့ရုံထဲကနေ ဘေးချင်းယှဉ် ထွက်လာကြသည်။ရုံတံခါးအပြင်ဘက်သို့ ခြေချလိုက်သည်နှင့်တစ်ပြိုင်နက် မကောင်းဆိုးဝါးဆန်လှသော အေးစက်စက် လေပြင်းတစ်ဝှေ့က သူတို့နှစ်ယောက်ထံ တိုက်ခတ်လာ၏။ပေါ်ယွီ့မျက်နှာဟာ သဲပွင့်တွေနှင့် ပက်ဖျန်းခံလိုက်ရသည့်အပြင် တစ်ကိုယ်လုံး အရိုးခဲမတတ် စိမ့်တက်သွားခဲ့သည်။
" အာ ... ဟက်ချိုး ! "
ပေါ်ယွီ နှာချေလိုက်မိသည်။ပေါ်ယွီ့ရှေ့က ခြေလှမ်းကျဲကျဲဖြင့် ဦးဆောင်လှမ်းနေသော စုန့်ရှီလင်တစ်ယောက် လမ်းလျှောက်ခြင်းအမှုကို ချက်ချင်း ရပ်ကာ ပေါ်ယွီအား လှည့်ကြည့်သည်။လေသံ၌ ဒေါသငွေ့ငွေ့က ပါနေသည်။
" ဘာကိစ္စ ပါးပါးလှပ်လှပ်လေး ၀တ်လာရတာတုန်း ? "မင်းမေကြီးတော် !
ပေါ်ယွီ သူ့စိတ်ထဲတွင် တိတ်တိတ်လေး ကျိန်ဆဲလိုက်ခြင်းသာ။အပေါ်ယံ၌မူ အင်မတန် အပြစ်ကင်းစင်၍ သနားစဖွယ်ဟန်လေးနှင့် တိုးဖွဖွ ဖြေသည်။
" အိမ်မှာ သိပ်မအေးခဲ့လို့ "စုန့်ရှီလင်မျက်နှာက ဒေါသကြောင့် စိမ်းဖန့်နေချေပြီ။ထိုအမျိုးသားက ကုတ်အင်္ကျီကို ချွတ်လျက် ပေါ်ယွီ့ခေါင်းပေါ် ပစ်တင်ပေးသည်။ပေါ်ယွီ့ကို ခံစားချက်ကင်းမဲ့စွာ ငုံ့ကြည့်နေသယောင်ရှိပါသည့်တိုင် စင်စစ် မျက်၀န်းထဲ၌ ဒေါသအခိုးအငွေ့များက ပြည့်လျှံနေ၏။
ပေါ်ယွီ 'အွန်း' ဟု ရေရွတ်ရင်း ကုတ်အင်္ကျီကို လိမ်လိမ်မာမာလေး ၀တ်လိုက်သည်။ယင်းနောက် စုန့်ရှီလင်ဆီ ခပ်သော့သော့လေး အမီပြေးလိုက်သွားသည်။
" မင်းရော ချမ်းနေလား ? "စုန့်ရှီလင်က ပေါ်ယွီ့ကို လျစ်လျူရှူထားပြီး ခြေလှမ်းကျဲကြီးတွေနှင့် ဆက်လျှောက်နေသည်။
လှပချောမောခန့်ညားသည့် အမျိုးသားနှစ်ဦး လမ်းမပေါ်မှာ ကိုယ်စီကိုယ်စီ လျှောက်လာခြင်းက လူအပေါင်း၏စက္ခုအာရုံကို ဆွဲငင်သိမ်းပိုက်လိုက်နိုင်သည်။မိန်းမငယ်လေးတော်တော်များများဟာ သူနှင့်စုန့်ရှီလင်အား မျက်လုံးလေးစွေကြည့်လိုက် ၊ ခေါင်းလေးစောင်းကြည့်လိုက်လုပ်နေကြကြောင်း ပေါ်ယွီ သတိပြုလိုက်မိသည်မို့ စုန့်ရှီလင်အနောက် မီအောင် မြန်မြန်လေးလိုက်၍ ထိုနေရာမှ ဝေးဝေးဆွဲခေါ်သွားလိုက်၏။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...