Scroll down for Zawgyi.
Unicode
《 Secret Agent 》ရုပ်ရှင်မိတ်ဆက်ပွဲလည်း ပြီးဆုံးသွားပြီမို့ ပေါ်ယွီ နှစ်ရက်ခန့် အိမ်မှာ နားနားနေနေ အနားယူခဲ့သည်။
သို့တိုင် အချိန်ပြည့် အလုပ်များနေတတ်တဲ့ စုန့်ရှီလင်ကမူ ဒီတလော အံ့သြယူရလောက်အောင်ကို အလုပ်ရှုပ်နေ၏။မနက်စောစော ခုနစ်နာရီဆို ရုံးသွားသည် ၊ ညဆယ်နာရီထိုးမှ အိပ်ပြန်လာသည်။အိမ်ကိုရောက်လျှင် စာကြည့်ခန်းထဲဝင် အလုပ်လုပ်နေကာ မအိပ်နိုင်ဘဲ မိုးလင်းပေါက်သွားလေ့ရှိသည်။
ပေါ်ယွီ ရှာစရာလေးရှိလို့ စာကြည့်ခန်းထဲ ၀င်ခဲ့စဉ် စုန့်ရှီလင် စားပွဲပေါ် တင်ထားသည့် ဖိုင်တစ်ခုကို မတော်တဆ တွေ့ခဲ့သည်။ယင်းဖိုင်ထဲ၌ ဟွားချန်မြို့တော်ရှိ အလားအလာကောင်းမွန်သော ကုမ္ပဏီငယ်လေးများအား ၀ယ်ယူမှုစာရွက်စာတမ်းတွေ ပါ၀င်နေသည်။
ပေါ်ယွီ ထို၀ယ်ယူမှုစာရင်းများကို ဖတ်ကြည့်လျက် သံသယပွားလာခဲ့သည်။
စုန့်ရှီလင်၏ရာထူးအရ သူ့အနေနှင့် သေးသေးဖွဲဖွဲကိစ္စလေးတွေ - ဥပမာ ၊ မိမိ မျက်စိကျတဲ့ ကုမ္ပဏီငယ်လေးတွေကို ၀ယ်ယူတာမျိုးကို ထွေထူးအလုပ်ရှုပ်ခံနေရန် မလိုအပ်ပါချေ။စုန့်လုပ်ငန်းစုတွင် သည့်အတွက် သီးသန့်တာ၀န်ယူရသော ဋ္ဌာနတစ်ခု သပ်သပ်ရှိသည်။
' ဘာကိစ္စဖြစ်တာလဲ ' ဟု စုန့်ရှီလင်ကို ပေါ်ယွီ မေးလိုက်ချင်ပေမင့် နေ့တိုင်း မနက်အစောကြီး ရုံးသွား ၊ ညကြီးမိုးချုပ် အိမ်ပြန်လာသည်အထိ အင်မတန် အလုပ်များနေသော စုန့်ရှီလင်ကို မြင်နေရသည့်အလျောက် သူ မသိသယောင်ဆောင်နေရသည်။
ပေါ်ယွီ အတွင်းရေးမှူးချူကို ချောင်ပိတ်မေးမှသာ တစ်ဖက်လူပါးစပ်ကနေ ဒီတလော စုန့်ကုမ္ပဏီအခြေအနေကို သိခဲ့ရလေသည်။
ပေါ်လျန်က ဟွားချန်မြို့၌ စုန့်လုပ်ငန်းစုနှင့် ပူးပေါင်းမှုစာချုပ်ကို ဖျက်သိမ်းလိုက်သည်။အဲဒီလိုနှင့် စုန့်ကုမ္ပဏီက ဖောက်သည်အမြောက်အများကို အချိန်တိုအတွင်း ဆုံးရှုံးလိုက်ရ၏။စုန့်လုပ်ငန်းစုရဲ့ဥက္ကဋ္ဌဖြစ်သည့်အပြင် ပေါ်ယွီ့ချစ်သူပါဖြစ်နေတဲ့ စုန့်ရှီလင်ကို ရှယ်ယာရှင်များက ၀ိုင်းဖိအားပေးနေကြသည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...