Scroll down for Zawgyi.
Unicode
ပေါ်ယွီ အခန်းတံခါး၀၌ ရပ်နေ၏။
" ဖရဲသီးလေး ၊ ကျောင်းသွားမှာလား ၊ မသွားဘူးလား ??? "သူ့ရဲ့ခေါင်းလေးကို စောင်ပုံကြီးအောက် မြှုပ်ထားသည့် ဖရဲသီးလေးက ပေါ်ယွီ့မေးခွန်းကို အသည်းအသန် ခေါင်းယမ်းရင်း သနားစဖွယ်ဆိုသည်။
" ပါးပါး ၊ သား ကျောင်းမသွားချင်ဘူး "" ဘာလို့ ကျောင်းမသွားချင်ရတာလဲ ??? "
ပေါ်ယွီက မျက်မှောင်တကြုတ်ကြုတ်။
" မင်းပဲ ကျောင်းသွားရတာ ကြိုက်ပါတယ်ဆို ၊ အရင် မပြောခဲ့ဘူးလား ??? "ဖရဲသီးလေးက မကျေမနပ် နှုတ်ခမ်းလေးဆူထော်လာသည်။
" အဲဒါ အရင်က။ အခု သား ကျောင်းမသွားချင်ဘူးလို့။ ပါးပါး ဖရဲသီးလေးကို စိတ်ဆိုးအောင် မလုပ်ပါနဲ့ "" မင်းကသာ ကိုယ့်ကိုယ်ကိုယ် စောင်ပုံထဲမြှုပ်ပြီး ငါ့ကို သွေးတက်အောင်လုပ်နေတာကွ "
ပေါ်ယွီ ဟက်ခနဲ ရယ်လိုက်၏။သပ်သပ်ရပ်ရပ် ၀တ်စားထားတဲ့ စုန့်ရှီလင်က သူတို့အနား ရောက်လာကာ သားအဖနှစ်ယောက်ရဲ့ သူတစ်လှည့်ငါတစ်ခွန်း ရန်ပွဲအသေးစားလေးကြောင့် မျက်ခုံးပင့်သွားခဲ့သည်။စုန့်ရှီလင် တံခါးကို မှီချလိုက်၏။
" ဘာဖြစ်တာလဲ ??? "" ဒက်ဒီ ၊ ဖရဲသီးလေး ကျောင်းမသွားချင်ဘူး။ ပါးပါးကို ကူပြောပေးပါဦး "
ဖရဲသီးလေးက အသီးတစ်ရာ ၊ အညှာတစ်ခုဟူသော အဓိပ္ပါယ်ကို ကောင်းစွာ နားလည်သည်။
ခက်တာက စုန့်ရှီလင်ဟာ ပေါ်ယွီ့ထက် ပညာရေးအလေးပေးသူဖြစ်လို့နေခြင်း။
" အိပ်ရာထ ၊ မနက်စာစား ၊ ကျောင်းသွားဖို့ပြင်ရအောင် "ပေါ်ယွီတစ်ယောက် ရွှင်မြူးသွားသည်။သူက ဖရဲသီးလေးရဲ့စောင်ကို အားသုံးဖယ်ရှားလျက် အိပ်ရာပေါ် မခွဲနိုင်မခွာရက် ဖက်တွယ်နေပါသော ဖရဲသီးလေးအား ဆွဲထုတ်ပွေ့ချီ၍ တင်ပါးလေးတွေကို ပုတ်လိုက်သည်။
" မျက်နှာသစ် ၊ သွားတိုက်တဲ့ ! မြန်မြန်လုပ် !! "အစက ဖရဲသီးလေး တစ်ခုခုပြောမည်အပြု တုံ့ဆိုင်းနေခဲ့သည်။ပေါ်ယွီက မည်သည့်အရာကိုမျှ ရိပ်မိပုံမရကြောင်း တွေ့သောအခါ မျက်၀န်းလေးတွေ ပူနွေးနီရဲလာပြီး ဝန်လေးစွာ ထသွားခဲ့သည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...