Scroll doen for Zawgyi.
Unicode
စုန့်ရှီလင် ဖုန်းကို ကောက်ဖွင့်ကြည့်လိုက်ပြီးနောက် သူ့မျက်၀န်းတွေ နက်ရှိုင်းသွားသည်။သူ စိတ်လက်မကြည်စွာဖြင့် ထိုဓါတ်ပုံကို album ထဲ သိမ်းကာ ဖုန်းအား ဘေးတစ်ဖက်၌ ချထားလိုက်သည်။ထို့နောက် မီးမှိတ်၍ အိပ်ရန် ပြင်လိုက်လေသည်။
သူ အိပ်ရာပေါ် လှဲချလိုက်တာနဲ့ ပေါ်ယွီက ရေဘ၀ဲလေးတစ်ကောင်ကဲ့သို့ သူ့ကို ရစ်ပတ်တွယ်လာသည်။ " မင်း အလုပ်ကို များတယ် !!! " ပေါ်ယွီ ပြောလိုက်သည်။
" ရပါတယ်။ ကိုယ် ကိုင်တွယ်နိုင်တယ် " စုန့်ရှီလင်က အမျိုးသားငယ်လေးရဲ့ဆံပင်လေးတွေကို တယုတယ ကြင်နာစွာ ပွတ်သပ်ပေးနေသည်။သူက ပေါ်ယွီရဲ့ ရှားရှားပါးပါး နာခံမှုလေးနှင့် သူ့အပေါ် စဉ်းစားပေးတတ်မှုလေးကြောင့် စိတ်ပျော်ရွှင်သွားရသည်။ " အိပ်တော့ "
ပေါ်ယွီ တဝါးဝါး သမ်းဝေလျက် အိပ်မောကျသွားလေသည်။
နောက်တစ်နေ့ မနက်စောစောတွင် စုန့်ရှီလင်က မန်နေဂျာကျန်း ပို့လိုက်သည့် message ကို ပေါ်ယွီ့အား ပြလိုက်သည်။မနက်စာ,စားနေရင်းမှ စုန့်ရှီလင် ညင်သာစွာ မေးလိုက်သည်။ " မင်း ဘာဆက်လုပ်ဖို့ စီစဉ်ထားသလဲ ??? "
စုန့်ရှီလင်၌ ဒီကိစ္စကို ကိုင်တွယ်ဖြေရှင်းရန် သူ့ရဲ့ကိုယ်ပိုင်နည်းလမ်းရှိသည်။အတိတ်တုန်းကဆိုလျှင် သူက ဒီကိစ္စကို ပေါ်ယွီအား ပြောပြမနေဘဲ သူ့နည်းသူ့ဟန်ဖြင့် ဖြေရှင်းလိုက်လေ့ရှိသည်။သို့တိုင် ယခု သူ ဒီအမျိုးသားငယ်လေးနှင့် အပြန်အလှန် ဆက်ဆံပုံနည်းလမ်းကို ပြောင်းလဲပစ်ရန် တကယ် ဆန္ဒရှိသည်။
ပေါ်ယွီက ဖုန်းကို ဆွဲယူကြည့်လိုက်ပြီး သူ့မျက်နှာကလည်း မည်းမှောင်သွားသည်။
" ငါ ဒီဟာကို ရှင်းနိုင်တယ် "စုန့်ရှီလင် မနက်စာ,စားနေရာမှ ရပ်တန့်လိုက်သည်။ " မင်း ဘာလုပ်မှာလဲ ??? "
" ငါ လုပ်သင့်တာ လုပ်မှာပေါ့ " ပေါ်ယွီက ပန်းကန်လုံးထဲရှိ ဆန်ပြုတ်တွေအားလုံးကို အကုန်အစင် လတ်စသတ်ကာ ဆက်ပြောလိုက်သည်။ " ချူဖန်းက ငါနဲ့ဖရဲသီးလေးကြားက ဆက်နွယ်မှုကို လူထုဆီ ထုတ်ပြနိုင်အောင် လုပ်ပေးမယ်လို့ ကတိပေးထားတယ်။ ငါ ငါရဲ့မန်နေဂျာအသစ်နဲ့ ချိန်းထားလိုက်ပြီ။ ဒီနေ့ ငါ ဒီဥစ္စာကို သူမနဲ့ ဆွေးနွေးလိုက်မယ် "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...