Scroll down for Zawgyi.
Unicode
အပြင်ကနေ ပြန်ရောက်ကတည်းက စိတ်နဲ့ကိုယ်နဲ့မကပ်ဖြစ်နေသော ပေါ်ယွီအား ချင်ရှန်း အကဲခတ်လိုက်သည်။
" ဘာဖြစ်လို့လဲ ??? "" ပြသာနာအသေးအဖွဲလေးပါ။ ကျွန်တော် ကိုင်တွယ်နိုင်ပါတယ် "
ပေါ်ယွီက ဝတ်ကျေတမ်းကျေဖြေသည်။လင်းချွမ်းရဲ့စကားတွေကို သူ ချင်ရှန်းထံ ပြောပြမည် မဟုတ်ချေ။ချင်ရှန်း နှုတ်ခမ်းကို နာနာဖိကိုက်လိုက်၏။ပေါ်ယွီတွင် ကိစ္စတစ်ခုခု ရှိနေမှန်း သူမ ရိပ်မိပါသည်။သို့သော် သူမက ပေါ်ယွီအတွက် 'အမေ' ဟူသော အမည်နာမတစ်ခုသက်သက်နှင့် အမျိုးသမီးတစ်ဦးသာ။
ယခင်က သူမဟာ ပေါ်ယွီကို ပစ်ပစ်ခါခါ လျစ်လျူရှူထားခဲ့ဖူးသည်မို့ 'အမေ မင်းကို ဂရုစိုက်ပါတယ်' ဆိုတဲ့ ခေါင်းစဉ်ကြီးနဲ့ ပေါ်ယွီအား အတင်းဖိအားပေးရန် သူမမှာ အရည်အချင်းမပြည့်ဝ။
နှလုံးသားအတွင်းရှိ သံသယများကို ချိုးနှိမ်လျက် ချင်ရှန်း ထိုကိစ္စကို သူမရင်ထဲ၌ တိတ်တဆိတ် မြှုပ်နှံလိုက်သည်။
ဖရဲသီးလေးက ခဏတစ်ဖြုတ် ဆော့ကစားလို့အပြီး မျက်တောင်လေးတွေစင်းငိုက်လာရာ ဘေးတစ်ဖက်က လူနာစောင့်ခုတင်လေးပေါ်တွင် တုံးလုံးပက်လက်လေး အိပ်ပျော်သွားခဲ့သည်။ကလေးလေးရဲ့နှုတ်ခမ်းပိစိလေးက အိပ်နေကျအတိုင်း စူပုံ့ပုံ့လေးဖြစ်နေပြီး တစ်ချက် တစ်ချက် ဟောက်သံသေးသေးလေးတွေ ထွက်လာသည်။နှစ်နှစ်ခြိုက်ခြိုက် အိပ်မောကျနေသည့် နီတာရဲမျက်နှာလေးက အင်မတန် ချစ်စဖွယ်ပင်။
" သူက သားနဲ့တူတာ ၊ တအား ချစ်စရာကောင်းတယ် "
ချင်ရှန်း မရေရွတ်ဘဲ မနေနိုင်။ပေါ်ယွီ ကူကယ်ရာမဲ့စွာ ဒေါသထွက်ထွက်ဖြင့် ပြောလိုက်သည်။
" ကျွန်တော် ငယ်ငယ်က အမေ့ကို အကြာကြီးနေမှ တစ်ခေါက် နှစ်ခေါက်လောက်ပဲ တွေ့ရတယ်။ အဲဒီတုန်းကတော့ ကျွန်တော့်ကို အခုလိုစကားမျိုးလေးတွေ ပြောမပေး ...... ထားပါလေ "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...