လမ်းခွဲပြီးပြီ၊မ​နှောင့်ယှက်နဲ့​တော့(မြန်မာဘာသာပြန်)

အခန်း-၈၄(မယုံသင်္ကာဖြစ်ခြင်း)

Scroll down for Zawgyi.

Unicode

ပေါ်ယွီက သူ​ရော စုန့်ရှီလင်အတွက်​ရော အိမ်မှုကိစ္စ ​ဝေယျာ၀စ္စများ လုပ်ကိုင်ရန် အိမ်​တော်ထိန်းတစ်ဦး လိုအပ်​​နေသည်ကို အ​ကြောင်းပြု၍ ဦး​လေးရန် အိမ်​ရောက်လာခြင်းအား မျက်ကွယ်ပြု​ပေးထားလိုက်သည်။

​နောက်တစ်​နေ့။ဦး​လေးရန် ချက်ပြုတ်ပြင်ဆင်​ပေး​သော မနက်စာကို သုံး​ဆောင်ကြည့်ပြီး​နောက် သူ မှန်ကန်တဲ့ ဆုံးဖြတ်ချက်​ကောင်းတစ်ခုကို ချမှတ်ခဲ့တာပဲဟု ​ပေါ်ယွီတစ်​ယောက် ​တွေးလိုက်မိသည်။

ဦး​လေးရန်က ​ဘေးတစ်ဖက်တွင် မတ်တပ်ရပ်ရင်း မနက်စာ စား​နေကြသည့် မိသားစုသုံး​ယောက်အား ချစ်ခင်ကြင်နာစွာ ကြည့်ရှူ​နေသည်။သူ ​ရှေ့သို့ ​ခြေလှမ်းအနည်းငယ်တိုးကာ ​ပြောလိုက်သည််။   " ကျွန်​တော် ​နောက်ရက်​တွေအတွက် အသားနဲ့ အသီးအရွက်​တွေ ၀ယ်ဖို့ ​စျေးသွားမလို့ပါ။ ကျွန်​တော် သခင်ငယ်​လေးကို ​ကျောင်းလိုက်ပို့​ပေးလိုက်ရမလား ??? "

​ပေါ်ယွီ မနက်စာ စား​နေတာက​နေ ​ခေတ္တ ရပ်တန့်သွားသည်။၎င်း​နောက် သူ ခပ်​ပေါ့​ပေါ့ ပြန်​ဖြေလိုက်သည်။   " ဦး​လေးရန် ၊ ဒုက္ခမခံပါနဲ့။ ခဏ​နေ ကျွန်​တော် အင်တာဗျူး​ဖြေဖို့ အပြင်ထွက်ရဦးမှာ။ အဲဒီကျမှ ကျွန်​တော်ပဲ သူ့ကို ​ကျောင်းပို့​ပေးလိုက်ပါ့မယ် "

ဦး​လေးရန်က ပြုံး​နေဆဲဖြစ်သည်။သူက ​ပေါ်ယွီအား အရိုအ​သေပြုလိုက်ပြီး ​ဘေးသို့ ပြန်ဆုတ်​နေလိုက်သည်။ဦး​လေးရန်က ​ပေါ်ယွီ့စကား​တွေအ​ပေါ် စိတ်အ​နှောင့်အယှက်မဖြစ်​ပေ။

မနက်စာစားအပြီး၌ ​ပေါ်ယွီက ​ကျောင်းသွားရန် ​သေသပ်ကျနစွာ ၀တ်ဆင်ထားတဲ့ ဖရဲသီး​လေးနှင့်အတူ အိမ်ထဲက​နေ ထွက်လိုက်သည်။စုန့်ရှီလင်ကလည်း သူတို့​နောက်မှ နီးကပ်စွာ လိုက်လာ​လေသည်။

သူတို့သုံး​ယောက်လုံး အိမ်​ရှေ့တွင် ရပ်​နေကြသည်။​ပေါ်ယွီက မျက်​​မှောင်ကြုတ်စွာ ​မေးလိုက်သည်။   " ဦး​လေးရန်ကို အိမ်မှာ တစ်​ယောက်တည်း ထားခဲ့တာက အဆင်​ပြေပါ့မလား ??? "