Scroll down for Zawgyi.
Unicode
" မင်း မနေ့ညက ဘယ်မှာရှိနေခဲ့တာလဲ ? " ပေါ်ယွီက ဒေါသထွက်နေတဲ့အသံနဲ့အတူ တိုက်ရိုက်ပဲ တန်းမေးလိုက်သည်။
" ကျွန်တော် ....... " မော့အန်းယွီဟာ မသိစိတ်ရဲ့စေ့ဆော်မှုအရ ဝိုးတိုးဝါးတားနဲ့ အဲဒီမေးခွန်းကို ပြန်ဖြေဖို့ ရှောင်ဖယ်လိုက်သည်။ဒါပေမယ့် သူ မစဥ်းစားမိတာက ဖုန်းတစ်ဖက်မှာရှိတဲ့ ပေါ်ယွီဟာ ချက်ချင်း ဒေါသထွက်သွားလိမ့်မယ်ဆိုတာပဲဖြစ်သည်။
ပေါ်ယွီက အေးစက်စွာ ပြောလိုက်သည်။
" ငါ ငါ့ကလေးကို မင်းဆီမှာထားခဲ့ရတဲ့ ရည်ရွယ်ချက်က မင်း သူ့ကို နာကျင်ခံစားအောင်လုပ်ဖို့ မဟုတ်ဘူး "ပေါ်ယွီရဲ့ရင်ဘတ်ဟာ အသက်ရှူနှုန်းကြောင့် ပြင်းပြင်းထန်ထန် နိမ့်ချည်မြင့်ချည်ဖြစ်နေပြီး မော့အန်းယွီအပေါ်ထွက်တဲ့ သူ့ဒေါသတွေကို မျိုချနေရသည်။
သူ အကူအညီမဲ့နေတဲ့အချိန်မှာ မော့အန်းယွီက ဖရဲသီးလေးကို ဂရုစိုက်ပေးချင်တဲ့ ဆန္ဒရှိတယ်ဆိုတာ မဖြစ်စဖူးဖြစ်နေတယ်ဆိုပေမယ့် သူ တွေ့ရုံလေးတွေ့ဖူးတဲ့ လူတစ်ယောက်ကို အရမ်းကြီး မျှော်လင့်မထားခဲ့သင့်ဘူး !!!
" ကျွန်တော့်ကို ဒေါသမထွက်ပါနဲ့ " မော့အန်းယွီက ကြောက်ရွံ့ကာ ထိပ်ထိပ်ပျာပျာ ဖြစ်နေသည်။
" မဟုတ်ဘူး " ပေါ်ယွီက ဂရုမစိုက်စွာ ပြောလိုက်သည်။ " စကားမစပ် , ငါ ငါ့သူငယ်ချင်းတွေထဲက တစ်ယောက်ဆီ ငါ့ကလေးကို ဂရုစိုက်ပေးဖို့ ပြောထားပြီးပြီ ။ အဲဒီတော့ မင်း အနားယူလို့ရပြီ "
" မနေ့ညတုန်းက ကျွန်တော့်အမှားပါ ။ ကျွန်တော် နောက်တစ်ကြိမ် အဲဒီလိုမဖြစ်စေရဘူးလို့ ကတိပေးပါတယ် ။ ကျေးဇူးပြုပြီး ကျွန်တော့်ကို စိတ်မဆိုးပါနဲ့နော် " ဒါက မော့အန်းယွီအတွက် ပထမဆုံးအကြိမ် အရမ်းကို ရိုရိုကျိုးကျိုးနဲ့ နှိမ့်ချတောင်းပန်ဖူးတာ ဖြစ်သည်။
ပေါ်ယွီက ခဏလောက် တိတ်ဆိတ်နေပြီး ပြောလိုက်သည်။ " ရှောင်မော့ , ဒီနှစ်ရက်မှာ ငါ့ကို ကူညီပြီး ဖရဲသီးလေးကို ဂရုစိုက်ပေးတာ အရမ်းကျေးဇူးတင်တယ် ။ ငါ ပြန်လာတဲ့အခါကျမှပဲ ငါ့ရဲ့ကျေးဇူးတင်တဲ့စိတ်ကို ဖော်ပြတော့မယ် ။ ဟုတ်ပြီ , ငါ အလုပ်စလုပ်ရတော့မယ် ။ ဒါပဲ "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...