Scroll down for Zawgyi.
Unicode
< ချစ်စရာ့ ကလေးငယ် > ၏ နောက်ဆုံးရိုက်ကူးရေးလုပ်ပြီးတာနဲ့ ပေါ်ယွီနဲ့စုန့်ရှီလင်တို့ဟာ စုန့်ကုမ္ပဏီ၏ ထုတ်ကုန်သစ်သတင်းစာရှင်းလင်းပွဲ တက်ရောက်ရန် ဟွားချန်မြို့တော်သို့ လေယာဉ်ဖြင့် အမြန်ပြန်လာခဲ့သည်။
ပေါ်ယွီက စုန့်ကုမ္ပဏီနှင့် လက်မှတ်ထိုးထားသော brand ambassador အသစ်တစ်ဦးဖြစ်သည့်အလျောက် ပေါ်ယွီအား စုန့်ရှီလင်ဘေးနား၌ အတူတကွ ကပ်ထိုင်ရန် ခုံနေရာစီစဉ်ထားခဲ့သည်။တိုက်တိုက်ဆိုင်ဆိုင်ပင် သူတို့နှစ်ဦးလုံး အရောင်လေးတစ်ချက်သာကွဲသော အနောက်တိုင်း၀တ်စုံဆင်တူကို ဆင်မြန်းထားကြ၏။စုန့်ရှီလင်ရဲ့၀တ်စုံက မဟူရာရောင်ဖြစ်ကာ ပေါ်ယွီက အဖြူရောင်ဖြစ်သည်။
သေစေနိုင်လောက်သည့် ရောင်ဝါအပြည့်နှင့် ချောမောခန့်ညားတဲ့ အမျိုးသားနှစ်ဦး ယှဉ်တွဲရပ်နေခြင်းက ရွှေပွဲလာလူအပေါင်းအဖို့ စက္ခုအာရုံကျိန်းစက်ဖွယ် တလက်လက် တောက်ပလွန်းနေသည်။
ဟွားချန် ညနေခင်းသတင်းဌာန၏ သတင်းထောက်တစ်ဦးက မတ်တပ်ရပ် အမေးရှိသည်။ " ကျွန်တော် ဥက္ကဋ္ဌစုန့်ကို မေးပါရစေ။ လွန်ခဲ့တဲ့နှစ်နှစ်တုန်းက စုန့်ကုမ္ပဏီဘက်ကနေ ကမ်းလှမ်းထားခဲ့ဖူးတဲ့ brand ambassador က အန်းလင်းပါ။ ဒါပေမယ့် ဒီနှစ်ကျ သူမ မဟုတ်ဘဲ ပေါ်ယွီကို brand ambassador အဖြစ် ပြောင်းလဲခန့်အပ်လိုက်ပါတယ်။ အဲဒီလိုဆောင်ရွက်လိုက်တာဟာ မင်းသမီးအန်းလင်းရဲ့လူထုကြားကပုံရိပ်က စုန့်ကုမ္ပဏီရဲ့ brand ambassador ဆက်ဖြစ်ဖို့ မသင့်တော်ဘူးလို့ တွက်ဆတာပါလား ? ဒါမှမဟုတ် ပေါ်ယွီက ပိုသင့်တော်တယ်လို့ စဉ်းစားတာပါလား ?? "
အနှီမေးခွန်းက ထောင်ခြောက်တစ်ခုသာ။
မင်းသမီးအန်းလင်းက ငယ်ရွယ်နုပျိုလှပသည်။သူမက အရပ်ရှည်ရှည် ဆွဲဆောင်မှုအားပြင်းပြင်း မော်ဒယ်တစ်ဦး။ 《Eliminating Tornadoes》 ကြောင့် ရသစုံရှိုးများတွင် ထိပ်တန်းအမျိုးသမီးတင်ဆက်သူဖြစ်လာခဲ့သူ အန်းလင်းသည် အတော်လေး ရေပန်းစား လူကြိုက်များလှသည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...