Scroll down for Zawgyi.
Unicode
နောက်တစ်နေ့၌ ပေါ်ယွီ ဆေးရုံသို့ တစ်ခေါက် ပြန်သွားခဲ့သည်။
ပေါ်ယွီတို့ လူနာခန်းထဲ ရောက်ပြီး မကြာမီ တံခါးခေါက်သံတစ်ခုက ကျယ်ကျယ်လောင်လောင် ထွက်ပေါ်လာရာ ပေါ်ယွီရော ချင်ရှန်းရော ရုတ်ခြည်း လန့်ဖျပ်သွားကြ၏။၎င်းနောက် ချင်ရှန်းက ခေါင်းပင်မော့မကြည့်ဘဲ ဖရဲသီးလေးနှင့် ဆက်လက်ကျီစယ်ဆော့ကစားနေသည်။သူမက ညင်သာစွာ ပြောလိုက်သည်။
" တံခါးထဖွင့်ပေးလိုက်ပါဦး "တံခါးဖွင့်လိုက်သော် လောလောလတ်လတ် မနေ့ကတင် ပေါ်လျန့်ကားကို ပြေးတားခဲ့သည့် အမျိုးသားငယ်က ပေါ်ယွီအား စေ့စေ့စပ်စပ် ကြည့်ကာ နှုတ်ခမ်းထောင့်စွန်းများ ပင့်တက်သွားသည်။
" မင်္ဂလာပါ ၊ ဒုတိယပေါ်သခင်လေး "" မင်းက ဘာကိစ္စလဲ ??? "
ပေါ်ယွီက လူနာခန်းတံခါး၀တည့်တည့်တွင် ပိတ်ရပ်လျက် ထိုအမျိုးသားငယ်ကို အပေါ်စီးက ငုံ့ကြည့်လိုက်သည်။နှစ်ယောက်ကြားရှိ အရပ်ကွာခြားမှုကြောင့် ထိုအမျိုးသားမှာ ပေါ်ယွီ့မျက်ဝန်းများကို အကဲခတ်ရန် ခေါင်းမော့နေရသည်။
" ကျွန်တော် ခင်ဗျားနဲ့ စကားပြောမလို့ လာခဲ့တာ။ ဒါပေမယ့် ဒီနေရာက လူရှုပ်လွန်းတယ်။ ခင်ဗျား ကျွန်တော်နဲ့အတူတူ တိတ်ဆိတ်တဲ့ဆီ လိုက်ခဲ့ဖို့ လိုတယ် "
အမျိုးသားငယ်က သူ့မေးစေ့နှင့် မျက်လုံးအကြည့်တို့အား ဟန်ပါပါ ချီလိုက်သည်။ပေါ်ယွီက သူ့စကားကို သဘောတူလိမ့်မည်ဟု တထစ်ချ သေချာနေသည့်သဖွယ်။ပေါ်ယွီက ယင်းအမျိုးသားထံ ခံစားချက်ကင်းမဲ့စွာ ဝေ့ဝဲကြည့်လိုက်သည်။သူက နောက်သို့ ခြေတစ်လှမ်းဆုတ်၍ တံခါးပိတ်ရန် ပြင်လိုက်သည်။
အမျိုးသားက ထိပ်ထိပ်ပျာပျာဖြစ်သွားပြီး ထပ်မံ ဟိတ်ဟန်ထုတ်မနေရဲတော့။သူက တံခါးကို လက်တစ်ဖက်နှင့် တင်းတင်းကြပ်ကြပ် ဆုပ်ကိုင်ရင်း တိုးတိုးလေး ဆိုသည်။
" ကျွန်တော် ခင်ဗျားကို အရမ်းအရမ်း အရေးကြီးတဲ့အကြောင်းအရာကို ပြောပြမှာ။ ကျွန်တော်နဲ့ အပြင်ထွက် စကားပြောရအောင်ပါ ၊ ဟုတ်ပြီလား ??? "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...