Scroll down for Zawgyi.
Unicode
ပေါ်ယွီခမျာ သူ့ဗိုက်ထဲက ကလေးလေးနဲ့ပတ်သတ်ပြီး တစ်ခုခုလွဲမှားနေမှာကို စိုးရိမ်ပူပန်နေရတယ်ဆိုပေမယ့် စုန့်ရှီလင်က အဲဒီကိစ္စအား ရိပ်မိသွားမှာကို သူ ပိုမိုကြောက်ရွံ့နေမိသည်။ဒါကြောင့် သူ့ကို ဘယ်သူမှ သတိမထားမိခင် ပေါ်ယွီ ကားတစ်စီးပေါ်ကို တိတ်တိတ်လေး တက်ကာ အဝေးကို မောင်းထွက်သွားလိုက်သည်။
ဒါပေမယ့် သူ့ရဲ့အပြုအမူတွေက စုန့်ရှီလင်ရဲ့သံသယစိတ်တွေကို နှိုးဆွမိသွားလား ၊ မနှိုးဆွမိဘူးလား ဒါမှမဟုတ် သူ့ရဲ့လျှို့ဝှက်ချက်ကို ပိုမြန်မြန် ဖော်ထုတ်လိုက်သလိုဖြစ်သွားမလားဆိုတာတွေ စဉ်းစားနေဖို့ ပေါ်ယွီအတွက် အချိန်မရှိပေ။အခုချိန်မှာ သူ တွေးနေတာက .............
ဒီနေရာကနေ ထွက်သွားရမယ် !!!
ပေါ်ယွီ ကားမောင်းနေရင်းနဲ့ပဲ သူ့အိတ်ကပ်ထဲက ဖုန်းကို တုန်ယင်နေတဲ့ လက်တွေနဲ့ ဆွဲထုတ်လိုက်သည် ______ မော့အန်းယွီနဲ့အဲဒီတစ်သိုက်က သူ့ကို ကြိုးပဲချည်ထားခဲ့တာဖြစ်ပြီး သူ့ရဲ့ကိုယ်ရေးကိုယ်တာပစ္စည်းတွေကို စစ်ဆေးသိမ်းယူတာမျိုးမလုပ်ချေ။
" လောင်ဟန် , ကျွန်တော်ပါ .......... "
______________
ဟန်ကျစ်ယွီဟာ ပေါ်ယွီ ဒီနေရာကို ရောက်မလာခင် မိနစ်နှစ်ဆယ်လောက်ကတည်းက ကြိုစောင့်နေသည်။သူက စိတ်တင်းကြပ်နေတဲ့ မျက်နှာအမူအရာနဲ့အတူ ပေါ်ယွီဆီ ကူညီထိန်းပေးလို့ရအောင် လျှောက်လာပြီး စကားပြောရင်းနှင့်ပင် အရေးပေါ်ဓါတ်လှေကားဆီကို လျင်မြန်စွာ ရှေ့ကနေ ဦးဆောင်သွားလိုက်သည်။ " ဘာဖြစ်ခဲ့တာလဲ ? "
" ပြီးခဲ့တဲ့နှစ်ရက်လောက်ကတည်းက ကျွန်တော် သိပ်နေမကောင်းချင်ဘူး။ ကျွန်တော် စိတ်ပူတာက ............. " ပေါ်ယွီ စကားကို ခေတ္တ ရပ်တန့်လိုက်ပြီး မျက်မှောင်ကြုတ်ကာ ဘာတွေဖြစ်ခဲ့တယ်ဆိုတာကို အမှန်အတိုင်း အကျဉ်းချုံးပြောပြလိုက်သည်။
ဟန်ကျစ်ယွီဟာ လွန်ခဲ့တဲ့နှစ်နှစ်တုန်းက ပေါ်ယွီကို ကလေးမွေးဖို့ ကူညီပေးခဲ့တဲ့ ကိုယ်ရေးဆရာ၀န်ဖြစ်သည်။ဟန်ကျစ်ယွီရဲ့ လိင်တူချစ်သူကလည်း သူ့လိုမျိုးပင် ကိုယ်၀န်ဆောင်နိုင်တာကြောင့် ပေါ်ယွီ သူ့ကို အကူအညီတောင်းရဲခဲ့သည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...