Scroll down for Zawgyi.
Unicode
စားစရာတွေ စားပွဲပေါ် ချပေးလာသောအချိန်၌ ဘေးမှာရပ်နေတဲ့ လက်ထောက်တစ်ဦးက ရှေ့တက်လာ၍ တီးတိုး အစီရင်ခံလိုက်သည်။
" ဥက္ကဋ္ဌစုန့် ၊ ဖြေရှင်းပြီးပါပြီ "စုန့်ရှီလင် ဆန်ပြုတ်ခပ်နေရာမှ ရုတ်ခြည်း ရပ်တန့်သွားကာ ပြောလိုက်သည်။
" သိပြီ "ဖရဲသီးလေးက ပါးစပ်အပြည့် သခွားသီးကွင်းလေးတွေကို ကိုက်လျက် ဗလုံးဗထွေး မေးလိုက်သည်။
" ပါးပါးရော . . . . . စား . . . ??? "" ဒက်ဒီတို့ ပါးပါးအတွက် ပါဆယ်ထုပ်သွားကြမယ်။ သား အရင်စား "
စုန့်ရှီလင် နာရီကြည့်ရန် လက်ကောက်၀တ်ကို မြှောက်လိုက်၏။စုန့်ရှီလင် အချိန်ရောက်ပြီဟု တွေးကာ iPad ကို ဖွင့်ပြီး သူ Video call ခေါ်လိုက်သည်။မကြာမီ video call က ချိတ်ဆက်သွားသည်။စုန့်ရှီလင်နှင့် ငါးဆယ်ရာခိုင်နှုန်းခန့် ဆင်တူသော အမျိုးသားတစ်ဦးက screen တွင် ပေါ်လာခဲ့သည်။ထိုသူက သူ့နက်ကတိုင်ကို သပ်ရပ်အောင် ပြုပြင်လိုက်၏။
" ရှောင်လင် "စုန့်ရှီလင်က အသံခပ်နက်နက်ဖြင့် ဆိုလိုက်သည်။
" အစ်ကို "" သူလေးက ဖရဲသီးလေးလား ??? "
အမျိုးသားက စုန့်ရှီလင်ဘေးမှာ ထိုင်ရင်း ပေါက်စီပေါင်းကို တမြုံ့မြုံ့ကိုက်ဝါးနေသော ဖရဲသီးလေးအား ကြည့်လိုက်၏။အနှီအမျိုးသား၏ နှုတ်ခမ်းထောင့်စွန်းများက စိတ်ကျေနပ်စွာ အပေါ်သို့ ကွေးတက်သွားသည်။
" ချစ်ဖို့ကောင်းလိုက်တာ "___________________
ပေါ်ယွီ အိပ်ရာနိုးသည့်အချိန်၌ မွန်းတည့်တစ်နာရီရှိနေပြီဖြစ်သည်။ပေါ်ယွီ သူ့ဆံပင်တွေကို ထိုးဖွကုတ်ခြစ်၍ အိပ်ချင်မူးတူးမျက်လုံးများနှင့်အတူ အိပ်ရာပေါ်ကနေ ဆင်းလာသည်။သူ မျက်နှာသစ် ၊ ပလုတ်ကျင်းပြီးစဉ် စုန့်ရှီလင်နှင့်ဖရဲသီးလေးတို့က ပါဆယ်အိတ်များနှင့်တကွ ပြန်လာကြသည်ကို တွေ့လိုက်ရသည်။
" ဘာတွေ၀ယ်ခဲ့တာလဲ ??? "
ပေါ်ယွီ အိတ်တွေထဲကနေ အမဲသားထမင်းနှင့် အသီးအရွက်ဆားစိမ်သနပ်အနည်းငယ်ကို ထုတ်ယူလိုက်သည်။သူ စားစရာတွေကို ပါးစပ်ထဲ တန်းထည့်လိုက်တော့ လည်ပင်းနင်သွားတာကြောင့် ရေခဲသေတ္တာထံ သွားလိုက်သည်။သူ ဘီယာတစ်ဘူး လှမ်းဆွဲကာ တစ်၀က်ကျိုးကျိုး မော့သောက်လိုက်သည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...