Scroll down for Zawgyi.
Unicode
ရက်အနည်းငယ်ကြာသော် ၊ စုန့်ရှီလင်ဟာ လေလံပွဲတွင် ထိပ်တိုက်စျေးပြိုင်ပေးခဲ့ပါသော ပေါ်လျန်နှင့် ပထမဆုံးအကြိမ် မျက်နှာချင်းဆိုင် တွေ့ဆုံခဲ့သည်။
နှစ်ဦးလုံးက ပေါ်ယွီနှင့် တစ်နည်းမဟုတ်တစ်နည်း ပတ်သတ်ဆက်နွှယ်နေမှုကြောင့်သာ မိသားစုညစာစားပွဲ၌ အတူတကွ လာထိုင်နေကြခြင်း။
စုန့်ရှီလင်ရဲ့မျက်နှာက အမူအရာရော ခံစားချက်ရော ကင်းမဲ့နေ၏။သူက ပေါ်လျန်ထံ ရင်းရင်းနှီးနှီး လက်ကမ်းပေးလိုက်သည်။
" မင်္ဂလာပါ "ပေါ်လျန်လည်း လက်ဆန့်ထုတ်၍ စုန့်ရှီလင်လက်ကို ဆုပ်ကိုင်လိုက်သည်။မျက်နှာကမူ အသက်မပါ။
" မင်္ဂလာပါ "ပေါ်ယွီ ထိုနှစ်ယောက်ကြား ဝင်ထိုင်လိုက်သည်။
" ကော ၊ ဒါ စုန့်ရှီလင်။ ကျွန်တော့်ရဲ့ ... ကျွန်တော့်ရဲ့ ချစ်သူကောင်လေး "ပေါ်လျန်က ညင်သာစွာ ခေါင်းညိတ်၏။သူတို့ရဲ့ဆက်ဆံရေးကို သူ သိနေတာ ကြာကြာလှချေပြီ။
" ဒါ ငါ့ကော ပေါ်လျန် "
ပေါ်ယွီက စုန့်ရှီလင်ကို ဖွဖွဆွဲပြောလိုက်သည်၊စုန့်ရှီလင် : " တွေ့ရတာ ဝမ်းသာပါတယ် "
ပေါ်လျန်က မယုတ်မလွန် ပြုံးပြသည်။
သူတို့အားလုံး အတူတကွ ညစာလက်ဆုံစားကြတာ ပထမဆုံးအကြိမ်ဖြစ်သည့်အလျောက် လေထုက ကို့ရို့ကားရား နေရခက်ဖွယ်ပင်။
အသီးသီး ညစာ သုံးဆောင်ကြပြီးသောအခါ ပေါ်ယွီတစ်ယောက် ရေတုံးရေခဲနှယ် ယခု အနေအထားကြီးအား မည်သို့မည်ပုံ ဖြိုခွင်းရမည်ကို အတွေးနယ်ချဲ့နေသည်မို့ ပေါ်လျန်နှင့် စုန့်ရှီလင်တို့က အနည်းငယ် ထူးဆန်းနေကြမှန်း ပေါ်ယွီ မရိပ်မိပေ။
" အချင်းချင်း မိတ်ဆက်တာလည်း လုပ်ပြီးပြီဆိုတော့ မင်း ဘယ်အချိန် ကောနဲ့ ပြန်လိုက်မှာလဲ ??? "
ပေါ်လျန်က နှုတ်ခမ်းတစ်ဝိုက်ကို ခပ်ဖွဖွ သုတ်ကာ ပေါ်ယွီအား အေးစက်စွာ ကြည့်၏။သူ့မျက်လုံးတွေက စုန့်ရှီလင်ထံ လုံးလုံးလျားလျား ဝေ့ဝဲမသွား။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...