Scroll down for Zawgyi.
Unicode
တစ်ချိန်တည်း၌ ပေါ်ယွီ၏အတွင်းရေးသတင်းကို လက်ခံရရှိခဲ့သော မဂ္ဂဇင်းဋ္ဌာနသုံးခုဟာ အံ့သြဘနန်းဖြစ်ကုန်ကြသည်။ mail ပို့သူက မည်သူဆိုတာ သူတို့ မသိသော်လည်း ဒီသတင်းကြီး သူတို့ အပိုင်ရထားမှတော့ ဘယ်သူပို့လိုက်ပို့လိုက် အကြောင်းမဟုတ်ပေ။
ထိုမဂ္ဂဇင်းတိုက်တွေက အမည်မဖော်လိုသူ သတင်ပေးသမားအား လျစ်လျူရှူလိုက်ကြသည်။ဘာဖြစ်ဖြစ် သူတို့ ဒီသတင်းကနေ ပိုက်ဆံတွေအများကြီး ရှာနိုင်သည်လေ ၊ အဲဒီတော့ ဘာလို့ လိုက်အာရုံစားနေမလဲ။
ထိုစဉ် ချင်ရှန်းရဲ့ခွဲစိတ်မှုက အဆုံးသတ်သွားခဲ့သည်။
ပင်ပန်းနွမ်းနယ်နေသည့် မျက်နှာဖြင့် ခွဲစိတ်ခန်းထဲကနေ ထွက်လာတဲ့ တာဝန်ကျဆရာဝန်က ပြုံးလျက် အသိပေးသည်။
" ခွဲစိတ်မှု အောင်မြင်တာကို ဂုဏ်ပြုပါတယ် ....... "" လူနာအခြေအနေက ??? "
" ဟုတ်ကဲ့ ၊ လူနာက သုံးနာရီလောက် အထူးစောင့်ကြည့်ဖို့ လိုပါသေးတယ်။ အဲဒီသုံးနာရီကို ကျော်ရင် ပုံမှန်လူနာခန်းဆီ ရွေ့လို့ရပါပြီ။ ဒါပေမယ့် ခန္ဓာကိုယ်ကိုတော့ မပြတ် ဂရုစိုက်ပေးရပါမယ် "
တာဝန်ကျဆရာဝန်က ညွှန်ကြားဖွယ်ရှိတာ ညွှန်ကြားပြီးသည်နှင့် ထွက်ခွာသွား၏။ပေါ်ယွီ စုန့်ရှီလင်ထံ လှည့်ကြည့်လိုက်သည်။
" မင်း ဘယ်အချိန် ဟွားချန်မြို့ကို ပြန်မှာလဲ ??? အဲဒီကျ ငါ မင်းနဲ့အတူတူ ပြန်လိုက်ခဲ့မယ် "" ကိုယ် တစ်ပတ်ဝန်းကျင် နေဖြစ်ဦးမှာပါ "
စုန့်ရှီလင် ဤအလုပ်ခရီးရဲ့အလုပ်ပမာဏကို အကြမ်းဖျင်း တွက်ချက်ကာ အနီးစပ်ဆုံး ခန့်မှန်းဖြေလိုက်၏။" မင်း အန်တီချင်နဲ့ ခဏတစ်ဖြုတ် နေမပေးတော့ဘူးလား ??? "
ပေါ်ယွီ ခွဲစိတ်ခန်းဘက် တစ်ချက် ငေးကြည့်လိုက်သည်။
" ငါ့အလုပ်တွေ နှောင့်နှေးနေတာ ကြာပြီ။ သူ့ဘေးပတ်ပတ်လည်မှာ လက်ထောက်တွေရော အာဟာရပညာရှင်တွေရော ရှိနေတဲ့ဟာ ၊ ငါ နေနေလည်း ပျင်းစရာကြီး "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...