Scroll down for Zawgyi.
Unicode
အစက ဖရဲသီးလေးဟာ စောင်အထူကြီးအောက်တွင် ၀င်အောင်းရင် ပုံ့ပုံ့လေး စိတ်ကောက်နေခြင်းဖြစ်သည်။နောက်တော့ ပေါ်ယွီ ဘာမှစကားမစရသေးမီ ဖရဲသီးလေးက စောင်ပုံကြီးအောက်ကနေ အလျင်အမြန် တိုးထွက်လာကာ ပေါ်ယွီ့ခြေထောက်အား တင်းတင်းကြပ်ကြပ် ဖက်တွယ်လိုက်သည်။
" ပါးပါး ၊ ဖရဲသီးလေးကို ပစ်မထားပါနဲ့ . . . "
ဖရဲသီးလေးမှာ အသံလေးတွေ ကွဲမတက် ရှိုက်ကြီးတငင် ငိုကြွေးနေသည်။ဒါက ရင်နင့်ဖွယ် နွေးထွေးသော မြင်ကွင်းလေးတစ်ခုပေမယ့် ပေါ်ယွီ ရုတ်တရက် ရယ်မောလိုက်သည်။
" ဟား . . . ဟား . . . "အံ့သြကြောင်အသွားတဲ့ ဖရဲသီးလေးက ပေါ်ယွီအား ခေါင်းလေးမော့ကြည့်လာသည်။
" . . . . . . . "ကလေးလေးရဲ့၀မ်းနည်းဒေါသတွေဟာ ပေါ်ယွီ့ကို တွေ့မြင်လိုက်ရစဉ်အခိုက်အတန့် ဟိုးအစောကြီးကတည်းက လွင့်ပျယ်သွားခဲ့ပြီဖြစ်ပြီး တိတ်တိတ်လေး ပျော်ရွှင်၀မ်းမြောက်နေခဲ့သည်။ကလေးလေးက တခစ်ခစ် ပြုံးရယ်လျက် ပေါ်ယွီ့နောက်ကနေ မခွဲမခွာ လိုက်လံကပ်တွယ်နေ၏။
ကြက်ဥဆန်ပြုတ်ပန်းကန်ကို လက်မှာ ကိုင်ထားတဲ့ ပေါ်ယွီက ဆန်ပြုတ်အား ဇွန်းအပြည့် ခပ်ယူလိုက်သည်။
" ပါးစပ်ဟ . . . "ဖရဲသီးလေးက အလောတကြီးလေး မျိုချ၍ ဗလုံးဗထွေး မေးလိုက်သည်။
" ပါးပါး ၊ မနေ့က ပါးပါး ဘယ်မှာနေနေတာလဲဟင် ??? "ပေါ်ယွီက ထုံးစံအတိုင်း မျက်တောင်မခတ်တမ်း မျက်နှာအမူအရာ မပြောင်းမလဲ လိမ်ညာလိုက်သည်။
" ပါးပါးက ဖရဲသီးလေးအတွက် ပိုက်ဆံတွေ သွားရှာပေးနေတာလေ "ဤမုသားစကားဟာ ယခင့်ယခင် အခေါက်တွေတုန်းကထိ အသုံး၀င်ခဲ့သည့်တိုင် ယခု၌မူ အကျိုးသက်ရောက်မှုမရှိတော့ချေ။
ဖရဲသီးလေးက ပေါ်ယွီအား အရှိုက်တည့်တည့် ချေပလိုက်သည်။
" ပါးပါးလူလိမ် ! ဒက်ဒီလည်း ဖရဲသီးလေးအတွက် နေ့တိုင်းနေ့တိုင်း ပိုက်ဆံသွားရှာပေးပေမယ့် နေ့တိုင်းနေ့တိုင်း အိမ်ပြန်လာတာပဲကို "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...