Scroll down for Zawgyi.
Unicode
စုန့်ရှီလင်အမေက ဖရဲသီးလေးကို သူမလက်မောင်းတွေထဲမှာ ပွေ့ဖက်ထားရင်း ဆိုဖာပေါ်တွင် ထိုင်နေသည်။သူမဟာ ပါးစပ်က နားရွက်တက်ချိတ်တော့မတက် ပြုံးရယ်လို့နေ၏။ " လိမ္မာလိုက်တဲ့ ကလေးလေး။ ဘွားဘွားလို့ နောက်တစ်ခေါက်လောက် ထပ်ခေါ်ကြည့်ပါဦးကွယ် "
" ဘွားဘွား !!! " ဖရဲသီးလေးက ကလေးပီပီ ချစ်စရာအသံလေးဖြင့် ခေါ်ဆိုလိုက်သည်။
" အိုး ! အချစ်တုံးလေး !! " စုန့်ရှီလင်အမေက ကျယ်လောင်စွာ ပြောလိုက်သည်။သူမက ထိုစကားလုံးလေးအပေါ်မှာ အရသာတွေ့ကျေနပ်ပျော်ရွှင်နေပြီး ဖရဲသီးလေးကို သူမလက်မောင်းတွေနဲ့ ထွေးပွေ့ထားလျက် ထပ်ကာထပ်ကာ နမ်းရှုံ့လိုက်သည်။
ဘွားဘွားရဲ့ မြေးအလိမ္မာလေး !!!
စာကြည့်ခန်းထဲ၌ စုန့်ရှီလင်အဖေနဲ့ စုန့်ရှီလင်တို့က လေးထောင့်စက်စက်သဏ္ဍာန် စားပွဲ၏ တစ်ဖက် တစ်ချက်စီတွင် ထိုင်နေကြသည်။
စုန့်ရှီလင်အဖေက အေးစက်မှုတွေနဲ့အတူ အနက်ရောင်ကျားစေ့လေးတွေကို လေးနက်စွာ ယူလိုက်သည်။ " ကလေးက ဘယ်သူလဲ ??? "
" ကျွန်တော့်ကလေးပါ " စုန့်ရှီလင် ကျားကွက်အား ငုံ့ကြည့်နေရာကနေ ဦးမော့မလာဘဲ ပေါ့ပေါ့ပါးပါး ဖြေလိုက်သည်။
စုန့်ရှီလင်အဖေ မျက်မှောင်ကြုတ်သွားသည်။ " သူက မင်းနဲ့ လုံး၀ မတူဘူး "
ဟုတ်ပေသည်။ဖရဲသီးလေးဟာ ပေါ်ယွီရဲ့ကိုယ်ပွားလေးသာဖြစ်ပြီး စုန့်ရှီလင်နှင့် လုံးလုံးလျားလျား မတူပါချေ။သို့တိုင် ဖရဲသီးလေးရဲ့ ပင်ကိုယ်စရိုက်လက္ခဏာလေးတွေကတော့ စုန့်ရှီလင်အတိုင်း ကွက်တိကို ချွတ်စွပ်ပင်ဖြစ်သည်။
" သူက ကျွန်တော့်သားပါ " စုန့်ရှီလင် ဖခင်အရင်းဖြစ်ကြောင်း စစ်ဆေးချက်ရလဒ်ကို သူ့ဖခင်ဆီ ပေးလိုက်သည်။
" ပါး , ကျွန်တော့်ကလေးရဲ့ ဖြစ်တည်မှုကို အချိန်တစ်ခုရောက်ရင် တခြားလူတွေဆီ ဖွင့်ချခွင့်ပေးပါ "
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...