Scroll down for Zawgyi.
Unicode
နောက်တစ်နေ့တွင်။ဖရဲသီးလေးက စုန့်ရှီလင်ရဲ့လက်မောင်းတွေထဲကနေပြီး သူ့မျက်လုံးလေးတွေကို ဖွင့်လိုက်သည်။မနေ့ညက သူဟာ အရမ်းငိုထားခဲ့တာကြောင့် ဖရဲသီးလေးရဲ့မျက်ခွံလေးတွေက ဒီနေ့မနက် အိပ်ရာထတဲ့အခါမှာ ဖောင်းမို့နေသည်။
စုန့်ရှီလင်က မျက်မှောင်ကြုတ်ကာ ဖုန်းထဲကနေ အတွင်းရေးမှူးချူကို ပြောလိုက်သည်။
" ဒီမနက် အစည်းအဝေးကို တစ်နာရီလောက် ရွေ့ဆိုင်းလိုက် ။ ခဏနေရင် ငါ ဆေးရုံကို သွားမယ် ။ အဲဒါကြောင့် ဆေးရုံက ကလေးဋ္ဌာနကို ဆက်သွယ်ထား "အတွင်းရေးမှူးချူက စုန့်ရှီလင်ကို သူ့မှာ မိသားစုဆရာ၀န်ရှိကြောင်း သတိပေးဖို့လုပ်လိုက်ပေမဲ့ စုန့်ရှီလင်က ကလေးအထူးကုဆရာ၀န်ဆီ ဆက်သွယ်ဖို့ ပြောတာကို ကြားလိုက်တဲ့အခါ အတွင်းရေးမှူးချူ တိတ်ဆိတ်နေလိုက်ရသည်။
စုန့်ရှီလင်က အတွင်းရေးမှူးချူကို ညွှန်ကြားကာ ဖုန်းချလိုက်ပြီး နောက်လှည့်ကြည့်လိုက်တဲ့အချိန်မှာ ဖိနပ်မပါဘဲ ဧည့်ခန်းထဲမှာ တွေတွေငေးငေးလေး မတ်တပ်ရပ်နေတဲ့ ဖရဲသီးလေးကို တွေ့လိုက်ရသည်။
" ပါးပါး ........ ဦးဦး , သား ဆေးရုံကို မသွားချင်ဘူး "
စုန့်ရှီလင်က ဖရဲသီးလေးကို ကြည့်ပြီး ပေါ့ပေါ့ပါးပါးပဲ မေးလိုက်သည်။ " မင်းရဲ့ခေါင်းက ဘာနဲ့ရိုက်မိထားတာလဲ ? "
ဖရဲသီးလေးက တောင့်တင်းသွားပြီး သူ့မျက်လုံးလေးတွေထဲက မျက်ရည်တွေဟာ လိမ့်ဆင်းကျလာတော့သည်။
စုန့်ရှီလင်က ဖရဲသီးလေးကို ဆက်မမေးတော့ချေ။ " စားပွဲပေါ်က မနက်စာကို စားလိုက် ။ ပြီးရင် ငါ မင်းကို ဆေးရုံလိုက်ပို့ပေးမယ် "
" သား ပါးပါးကို ရှာချင်တယ် " ဖရဲသီးလေးက အမြဲတမ်း အဲဒီအကြောင်းကို စဉ်းစားနေတာဖြစ်သည်။သူ ပေါ်ယွီနဲ့ မတွေ့ရတာ လေးငါးရက်လောက်ရှိနေပြီဖြစ်သည်။ဒါကြောင့် သူ့ရဲ့၀မ်းနည်းမှုတွေနဲ့ မကျေနပ်ချက်တွေဟာ နှစ်သိမ့်ပေးဖို့ လိုအပ်နေသည်။
YOU ARE READING
လမ်းခွဲပြီးပြီ၊မနှောင့်ယှက်နဲ့တော့(မြန်မာဘာသာပြန်)
RomanceOriginal Title ; 分手了, 别闹 English Title ; Breaking Up , No Joke Author ; 香芋奶茶 (Taro Milk Tea) English Translator ; PurpleLove666 Status in OOC ; 190 Chapters + 10 Extras ဖန်းရှိုလျယ် ၊ ပျယ်နောင့် (မြန်မာပြန်) THIS IS A PURE FAN TRANSLATION. I got p...