"Хоёр дахь эмэгтэй дүр"

2. Ши Жин Нуан

Энэ ертөнцийн түүхийг байршуулж байна. Нэгдүгээр ханхүү Канжүн нь угсаа залгамжлах титэмт хунтайж бөгөөд энэ махбодын эзний хамгийн сайн найз юм. Жин Нуаны эцэг нь хойд хилийн алдарт жанжин болсноос хойш хунтайж түүний шавь болж, мөн хүүхдүүд багаасаа хамтдаа өсжээ. Бие махбодын эзний эцэг эх нь охиноо хүчээр хэн нэгний татвар эм болно гэж айсны улмаас түүний хүйсийг хэнд ч мэдэгдэхгүйгээр нуусан.

Жанжин цорын ганц хүүхдээ өөрийн бага насандаа мэдэрч байсан зовлон зүдгүүрийг амсуулахыг хүсээгүй. Тиймээс охиныхоо хүйсийг нуух гол шалтгаан нь энэ юм.

Анх тэд хүүхэдтэй болсноо мэдэхэд ялангуяа эцэг нь татвар эмс гэх эмэгтэй хүний ​​зовлонт амьдралын талаар маш сайн мэдэх учир эртхэн сэрэмжилсэн юм. Хэрвээ удахгүй мэндлэх нялх хүүхэд нь охин бол түүний хүйсийг нууя гэж хайрт эхнэртэйгээ хэлэлцжээ.

Хэн хүнээс нууж жанжны эхнэрийн эцэг эх нь хүүхдийг эх барин авлаа.

Жанжин хорвоод мэндэлсэн нялх үрээ охин болохыг нь хараад эргэлзээгүйгээр хүү гэж зарлав. Бүхэл үндэстэн тэдэнд чин сэтгэлийн баяр хүргэж, найр наадам ч зохион байгуулан тэмдэглэв. Улсын жанжин бол алдар нэр хүнд нь цуурайтсан шулуун шударга хүн тул хэн ч эрхэм жанжныг худал хэлнэ гэж төсөөлөхгүй.

Жанжны түүх бол хог новшийн амьдралаас өндөрлөгт гарсныг өгүүлдэг. Түүний эрх мэдэлтэй гэр бүл нь цэргийн удам угсаанаас гаралтай бөгөөд тэрээр татвар эмийн хүү байв. Түүний хайрт ээж нь согтуу эцэгт нь хүчээр хүчиндүүлж жирэмсэлсэн боол байжээ.

Түүний ээж албан ёсоор татвар эм болсон боловч нөхөр ноёны албан ёсны эхнэр болон бусад татвар эмс гээд тэр гэр бүлийн бүхий л хүмүүс түүнтэй боол адил харьцана. Мөн бага балчир байсан жанжныг ч гэр бүлийнхэн нь хог хаягдал шиг л үздэг байв. Гэмгүй балчир түүнийг хулгайч гэж гүтгэж, арчаагүй боол ээжтэй гэж буруутгаж доромжилно.

Ээж нь эмгэнэлтэйгээр нас барахад тэд хүүд илүү ихээр хатуу хандаж эхэлсэн юм. Хөөрхий хүү хангалттай том болох үедээ биеэ даана гэж мөрөөддөг байлаа. Нэг өдөр түүнийг гал тогооны өрөөнд хоол идсэний улмаас гэр бүлээсээ хөөлөө. Тэд түүний нэрийг өвөг дээдсийн удмын номоосоо хүртэл устгажээ.

Тэр гэрээсээ хөөгдөхөд хүүхэд байсан ч хахир нийгэмд хэрхэн амьд үлдэхийг сурав.

Хүнд хэцүү нөхцөлд цөхрөлтгүй тэмцэж байсан жанжинд сайхан сэтгэл гарган тусалсан хүмүүсийн нэг нь Ши Жиний ээж байлаа. Тэр эгэл жирийн нэгэн айлын охин байсан юм. Түүний эцэг эх нь нутгийн тариаланч байсан бөгөөд гудамжинд тэнүүчлэн амьдрах жанжинд чин сэтгэлээсээ тусламжийн гараа сунгажээ. Тэд түүнийг гэртээ байлгаж гэр бүлийнхээ нэгээхэн хэсэг болгосон билээ.