[Zawgyi]
အပိုင္း၅၀ (ပိုက္ဆံလက္ေဆာင္)
ယြီခ်ိဳင္သ်ဲ႕က ေရွာင္ေခ်ာင္းရဲ႕ ဆံပင္ေတြကိုဖြလိုက္ၿပီး အၿပဳံးတို႔ ပိုမိုနက္ရႈိင္းသြားေလတယ္။
မင္း အရီးငယ္ကို အျပစ္မျမင္ရင္ ၿပီးတာပါပဲ၊ အခု နားလိုက္ေတာ့၊ ေနာက္ေန႔က်ရင္လည္း ၾကက္ဥသၾကားရည္ လာပို႔ေပးမယ္
အရီးငယ္ေလးရဲ႕စ႐ိုက္က ဂ်ဳံႏွစ္လိုမ်ိဳး ႏူးညံ့တယ္။ သူမကို တစ္ခ်က္ေလာက္ ၾကည့္လိုက္႐ုံနဲ႔ တစ္ေယာက္ေယာက္ရဲ႕လက္ထဲမွာ ျခယ္လွယ္ခံရဖို႔ လြယ္ကူတယ္ဆိုတာသိႏိုင္တယ္။ အနာဂတ္မွာ သူမေတာ္စပ္ရမယ့္ ေယာကၡမေတြဆီက အႏိုင္က်င့္ခံရႏိုင္မလား ဆိုတာကိုေတာ့ မေျပာတတ္ေပ။ အဘြားႀကီးက်န္းက ဒီေလာက္ ဆိုး႐ြားၿပီး ေဒါသႀကီးတဲ့စ႐ိုက္ရွိတာကို ဘယ္လိုလုပ္ၿပီး ဒီလိုႏူးညံ့ သိမ္ေမြ႕တဲ့ သမီးမ်ိဳးေလးေမြးလာရပါလိမ့္။
ယြီေရွာင္ေခ်ာင္း စဥ္းစားၾကည့္တယ္။ သူတို႔ေတြ ကေလးလြဲၿပီးမ်ား အိမ္ကိုယူလာၾကသလား?... အာ ဒီေခတ္မွာ ကေလးေမြးတိုင္း ကိုယ့္အိမ္မွာပဲ ဝမ္းဆြဲသည္နဲ႔ေမြးတာကို။ ဘယ္လိုလုပ္ ကေလးလြဲယူလာစရာ အေၾကာင္းရွိမွာလဲ၊ ဦးေႏွာက္ပဲ!
ယြီေရွာင္ေခ်ာင္းတစ္ေယာက္ ပ်င္းလြန္းလို႔ ဒရယ္"အေသးေလး"ကို စေနလိုက္တယ္။ ဒီဒရယ္ေပါက္ေလးက ေတာ္ေတာ္ေတာ့ထူးဆန္းတယ္။ သူတို႔ေမြးထားတာ တစ္လေလာက္ရွိေနၿပီ။ အစာလည္း ပုံမွန္ေကြၽးတဲ့အျပင္ အာဟာရရွိေအာင္လို႔ တခါတခါ အံ့ဖြယ္ေက်ာက္တုံးေရကိုေတာင္ တိုက္ေပးေသးတယ္။ ဒါေပမယ့္ အရပ္ကလုံးဝရွည္မလာေပ။ အခုထိ ေသးေသးေလးနဲ႔ ခ်စ္စရာေကာင္းေနတယ္။ သူရဲ႕ နဂိုအ႐ြယ္အစားေလးကေန ႀကီးမလာတဲ့အတြက္ အေကာင္ႀကီးလာရင္ အသားေပၚစားမယ္ဆိုတဲ့ တခ်ိဳ႕ေသာလူေတြကေတာ့ အေတာ္စိတ္ပ်က္ေနေလတယ္။
ဘာပဲျဖစ္ျဖစ္ အိမ္ေမြးတိရစာၦန္ေလးအေနနဲ႔ေတာ့ ဒီအေကာင္ေသးေသး ဒရယ္ေလးက တစ္စုံတစ္ေယာက္ရဲ႕ အသည္းႏွလုံးေတြ ပြင့္ထြက္က်လာေလာက္ေအာင္ အရမ္းခ်စ္စရာေကာင္းလြန္းတယ္။ ဒါ့အျပင္ ဒီအေကာင္ေလးက အသန႔္ႀကိဳက္ၿပီး ဉာဏ္လည္းေကာင္းတယ္။ သူက ဘယ္ေတာ့မွ ဒီအခန္းထဲမွာ အညစ္အေၾကးစြန႔္ေလ့မရွိသလို ဒရယ္ေတြဆီကရေနက် ညႇီစို႔စို႔အနံ႔မ်ိဳးလည္း မရွိဘူး။ တကယ္တမ္းေျပာရရင္ ျမက္ပင္နံ႔ သင္းသင္းေလးေတာင္ ရေနေသးတယ္။
YOU ARE READING
သက်တန့်ရောင် မိန်းမပျို Book 1 (MMTranslation)
Fantasyခေါင်းစဉ် - သက်တန့်ရောင် မိန်းမပျို (ဘာသာပြန်) မူရင်းခေါင်းစဉ် - Fields of Gold အမျိုးအစား - သဘာဝလွန်၊ စိတ်ကူးယဉ်၊ အချစ်ဇာတ်လမ်း၊ ဘဝအတွေ့အကြုံ အပိုင်းရေ - ၇၃၂ ပိုင်း မူရင်းရေးသားသူ - ကွေ့ဟွားချင်းယွီ ဘာသာပြန်ဆိုသူ - The 8Black Hands
